આમ આદમી પાર્ટીની સરકારમાં મંત્રી રહેલા આતિશીએ દાવો કર્યો છે કે મોદી સરકાર દિલ્હીમાં રાષ્ટ્રપતિ શાસન લાદવાની તૈયારી કરી રહી છે.તેમણે કહ્યું કે તેમના વિશ્વસનીય સૂત્રોએ માહિતી આપી છે કે દિલ્હીમાં ચૂંટાયેલી સરકાર વિરુદ્ધ ષડયંત્ર થઈ રહ્યું છે.દિલ્હી સરકારના અધિકારીઓ બેઠકમાં નથી આવી રહ્યા.મંત્રી આતિશીએ કહ્યું કે આ દિલ્હીની જનતા સામે વિશ્વાસઘાત હશે.શુક્રવારે, 12 એપ્રિલના રોજ,આતિશીએ પ્રેસ કોન્ફરન્સ દ્વારા જણાવ્યું હતું કે 20 વર્ષ પહેલાના કેસમાં વિભવ કુમાર વિરુદ્ધ કાર્યવાહી કરવામાં આવી હતી.દિલ્હીમાં અધિકારીઓની બદલી અને પોસ્ટિંગ થઈ રહ્યું નથી. અરવિંદ કેજરીવાલની ખોટા આરોપમાં ધરપકડ કરવામાં આવી છે. EDએ કોઈપણ પુરાવા વિના મુખ્યમંત્રીની ધરપકડ કરી છે, કારણ કે ભાજપ જાણે છે કે ગમે તેટલી કોશિશ કરે, તે અરવિંદ કેજરીવાલને હરાવી શકે નહીં.