નિર્દેશક અલી અબ્બાસ ઝફર દ્વારા નિર્દેશિત એક્શન થ્રિલર ફિલ્મ બડે મિયાં છોટે મિયાં, ઈદના ખાસ અવસર પર વિશ્વભરના સિનેમાઘરોમાં રિલીઝ થઈ છે. પહેલા દિવસે અક્ષય કુમાર, ટાઈગર શ્રોફ અને પૃથ્વીરાજ સુકુમારનની આ ફિલ્મને દર્શકોનો જબરદસ્ત પ્રતિસાદ મળ્યો છે.
બડે મિયાં છોટે મિયાં (BMCM)ના વિશ્વવ્યાપી કલેક્શનના આંકડા સામે આવ્યા છે. તેના પરથી કહી શકાય કે ભારત સિવાય આ ફિલ્મે વૈશ્વિક સ્તરે પણ સારું પ્રદર્શન કર્યું છે.
એવી અપેક્ષા હતી કે બડે મિયાં છોટે મિયાં તેની રિલીઝના પ્રથમ દિવસે કમાણીની દૃષ્ટિએ ધમાકેદાર રહેશે. પ્રારંભિક વલણોના આધારે, હાલમાં અક્ષય કુમારની ફિલ્મ અપેક્ષાઓ પર ખરી ઉતરી રહી હોય તેવું લાગે છે. મેકર્સે શુક્રવારે ફિલ્મના વર્લ્ડવાઈડ કલેક્શન વિશે માહિતી આપી છે. જે મુજબ, શરૂઆતના દિવસે બડે મિયાં છોટે મિયાંએ વિશ્વભરમાં 36.33 કરોડ રૂપિયાનો આંકડો સ્પર્શ કર્યો છે.
આ કમાણીના આંકડામાં ફિલ્મના ઓવરસીઝ પેઇડ પ્રિવ્યુનો પણ સમાવેશ થાય છે. જો કે, ફિલ્મના આ કલેક્શનને જોઈને સ્પષ્ટપણે કહી શકાય કે બડે મિયાં છોટે મિયાંએ પ્રથમ દિવસે જ વિશ્વભરમાં દરેકના દિલ જીતી લીધા છે. આ ફિલ્મ રિલીઝના બીજા દિવસે પણ આવુ જ કરતબ બતાવી શકે છે.
BMCM એ ફાઇટરનો રેકોર્ડ તોડ્યો
બડે મિયાં છોટે મિયાંએ તેની રિલીઝના પહેલા જ દિવસે શાનદાર પ્રદર્શન કર્યું છે. વાસ્તવમાં, આ વર્ષે રીલિઝ થયેલી હૃતિક રોશનની એરિયલ થ્રિલર ફાઈટરએ શરૂઆતના દિવસે વિશ્વભરમાં લગભગ 36.04 કરોડ રૂપિયાનું કલેક્શન કર્યું હતું, જે મુજબ હવે અક્ષય કુમાર અને ટાઈગર શ્રોફની બડે મિયાં છોટે મિયાંએ આ ફિલ્મનો રેકોર્ડ તોડી નાખ્યો છે.
