મુંબઈ ઈન્ડિયન્સ ના ભૂતપૂર્વ કેપ્ટન રોહિત શર્માએ ઓરેન્જ કેપની યાદીમાં ટોપ 5માં લગાવી મોટી છલાંગ 

ઈન્ડિયન પ્રીમિયર લીગ 2024માં ભારતીય બેટ્સમેનો શાનદાર ફોર્મમાં છે.આ સિઝનમાં અત્યાર સુધી તમામ ભારતીય બેટ્સમેન ઓરેન્જ કેપની યાદીમાં ટોપ-8માં છે. આવું પહેલા ક્યારેય બન્યું નથી.મુંબઈ ઈન્ડિયન્સ ના ભૂતપૂર્વ કેપ્ટન રોહિત શર્માએ રવિવારે ચેન્નાઈ સુપર કિંગ્સ સામે શાનદાર બેટિંગ કરતાં તેની IPL કારકિર્દીની બીજી સદી ફટકારી હતી. આ સદીની મદદથી રોહિતે ઓરેન્જ કેપની યાદીમાં ટોપ 5માં મોટી છલાંગ લગાવી છે.આ મેચમાં રોહિતે 63 બોલમાં 11 ચોગ્ગા અને પાંચ છગ્ગાની મદદથી 105 રનની અણનમ ઈનિંગ રમી હતી.આ સાથે તેણે છ મેચમાં 261 રન બનાવ્યા છે અને આ સિઝનમાં સૌથી વધુ રન બનાવનારા બેટ્સમેનોની યાદીમાં તે 5માં નંબર પર આવી ગયો છે. આ યાદીમાં ટોચના સ્થાને રોયલ ચેલેન્જર્સ બેંગ્લોરના પૂર્વ કેપ્ટન વિરાટ કોહલી છે.કોહલીએ છ મેચમાં 79.75ની શાનદાર એવરેજથી 319 રન બનાવ્યા છે. આ સમયગાળા દરમિયાન તેનો સ્ટ્રાઈક રેટ 141.78 રહ્યો છે.