PM Modi Interview: લોકસભા ચૂંટણી પહેલા વડાપ્રધાન મોદીએ ન્યૂઝ એજન્સી ANI સાથે વિવિધ મુદ્દાઓ પર ચર્ચા કરી. 2047 સુધીમાં વિકસિત ભારતના લક્ષ્ય પર તેમણે કહ્યું કે આપણે ઝડપ અને સ્કેલ બંને વધારવું પડશે.

વડાપ્રધાન નરેન્દ્ર મોદી લોકસભા ચૂંટણી પ્રચારમાં છેલ્લા કેટલાક દિવસોથી દરરોજ લગભગ બે રેલીઓને સંબોધિત કરી રહ્યા છે. તેઓ વિવિધ રાજ્યોમાં લોકસભાના ઉમેદવારોના સમર્થનમાં રોડ શો યોજીને જનતાને વોટ માટે અપીલ કરવામાં પણ વ્યસ્ત છે. આ દરમિયાન સમાચાર એજન્સી ANIએ PM મોદી સાથે ખાસ વાતચીત કરી હતી. આમાં તેમણે ઈલેક્ટોરલ બોન્ડ્સ, ઈલોન મસ્ક સાથેની મુલાકાત અને ભારતમાં ટેસ્લાની એન્ટ્રી અંગે પોતાના વિચારો ખુલ્લેઆમ વ્યક્ત કર્યા હતા. ચૂંટણી બોન્ડ નાબૂદ કરવાના સુપ્રીમ કોર્ટના નિર્ણય પર વડા પ્રધાને કહ્યું કે જ્યારે તેઓ (વિપક્ષ) ઈમાનદારીથી વિચારશે ત્યારે દરેકને પસ્તાવો થશે.

પ્રશ્ન: તમે ઘણા ભાષણોમાં કહ્યું છે કે 2024 નહીં પરંતુ 2047 તમારું લક્ષ્ય છે, તો ત્યાં સુધી શું થવાનું છે?

વડાપ્રધાનઃ ગતી વધારવી પડશે અને સ્કેલ પણ વધારવો પડશે. દેશ સામે તક છે કે કોંગ્રેસ સરકારનું મોડલ છે અને ભાજપ સરકારનું મોડલ છે. તેમનો કાર્યકાળ 5 થી 6 દાયકાનો હતો અને મારો કાર્યકાળ માત્ર 10 વર્ષનો હતો.

સવાલ: ચૂંટણી બોન્ડ પરના દરેક ભાષણમાં રાહુલ ગાંધી અને વિપક્ષી નેતાઓ કહે છે કે તેમાં ધાંધલ ધમાલ છે?

વડાપ્રધાનઃ તમને ઈલેક્ટોરલ બોન્ડમાંથી પૈસાની ટ્રેઈલ મળી રહી છે જે આ કંપનીએ આપી હતી, કેવી રીતે આપી હતી? એટલા માટે હું કહું છું કે જ્યારે તેઓ (વિપક્ષ) ઈમાનદારીથી વિચારશે તો દરેકને પસ્તાવો થશે. દરેકને તેનો અફસોસ થશે. (ચુંટણી બોન્ડ નાબૂદ કરવાના સુપ્રીમ કોર્ટના નિર્ણય પર)

સવાલઃ ઈલોન મસ્ક ભારત આવવાના છે, તેમણે કહ્યું કે તે તમારો ફેન છે. શું આપણે ભારતમાં ટેસ્લા કાર અને સ્ટારલિંક જોઈશું?

વડાપ્રધાનઃ એલોન મસ્ક મોદીના ચાહક છે, તેઓ પોતાની જગ્યાએ છે, પરંતુ મૂળભૂત રીતે તેઓ ભારતના ચાહક છે.

પ્રશ્ન: શું તમે હવે એવી પરિસ્થિતિમાં આવી ગયા છો કે જ્યારે કહેવામાં આવતું હતું કે ઈન્દિરા ઈઝ ઈન્ડિયા અને ઈન્ડિયા ઈઝ ઈન્દિરા, એ જ રીતે મોદી ઈઝ ઈન્ડિયા અને ઈન્ડિયા ઈઝ મોદી. શું તમે એ સ્તરે પહોંચી ગયા છો?

વડા પ્રધાન: દેશ જે કહે છે અને હું પોતે અનુભવું છું. કહે છે કે તે માતા ભારતીનો પુત્ર છે.