18 એપ્રિલના રોજ, કેન્દ્રીય ગૃહ અને સહકાર મંત્રી અમિત શાહ સાણંદ, કલોલ, સાબરમતી, ઘાટલોડિયા, નારણપુરા અને વેજલપુર વિધાનસભા ક્ષેત્રોમાં વ્યાપક વિજય શંખનાદ રોડ શો કરશે અને રોડ શોના સમાપન બાદ અમિત શાહ વેજલપુર ખાતે વિશાળ જનસભાને સંબોધશે.
18 એપ્રિલ, ગુરુવારના રોજ સવારે 8 કલાકે સાણંદ ખાતે અમિતભાઈ શાહના ભવ્ય મેગા રોડ શોની શરૂઆત થશે. સાણંદના ઘોડા ગાડી રિક્ષા સ્ટેન્ડ (APMC સર્કલ), સાણંદ તાલુકા પંચાયત કચેરી, ડો.બાબાસાહેબ આંબેડકર પ્રતિમા, સાણંદ બસ સ્ટેન્ડ, સાણંદ-નળ સરોવર ચોકડી પર સમાપન કરશે
સવારે 9.30 કલાકે કલોલ જે.પી. ગેટ (કલોલ શહેર) ખાતેથી અમિતભાઈ શાહના રોડ શો ની શરૂઆત થશે કલોલમાં તેમના રોડ શો રૂટની વાત કરીએ તો જે.પી. ગેટ (કલોલ શહેર), ડો.બાબાસાહેબ આંબેડકર પ્રતિમા, ભવાનીનગર ચાલી, ખુની બંગલા તળાવ રોડ, ટાવર ચોક પર સમાપન થશે.
બપોરે ૩.૦૦ કલાકે સાબરમતીના રામજી મંદિર રોડ સ્થિત સરદાર પટેલ ચોકથી અમિતભાઈ શાહના રોડ શોનું પ્રસ્થાન થશે. સાબરમતી રોડ શો રૂટની વાત કરીએ તો સરદાર પટેલ ચોક, વિજય રામી સર્કલ, શ્રી વિનું માંકડ મ્યુનિસિપલ સ્વિમિંગ પુલ, શ્રી રામેશ્વર મહાદેવ મંદિર, શાંતારામ કોમ્યુનિટી હોલ અને ચાંદલોડિયા રોડ પર સમાપન થશે
સાંજે સાંજે 4.30 કલાકે ઘાટલોડિયા ખાતે ચાંદલોડિયા રોડ- ઉમિયા હોલ જંક્શનથી પ્રસ્થાન થશે. ઘાટલોડિયા રોડ શો રૂટની વાત કરીએ તો ચાંદલોડિયા રોડ-ઉમિયા હોલ જંક્શન, અમૂલ ઔડા ગાર્ડન ચોક, પ્રભાત ચોક, વીર મહારાણા પ્રતાપની પ્રતિમા, ગૌરવ પથ, રન્ના પાર્ક અને નિર્ણયનગર ખાતે સમાપન થશે
સાંજે 5.30 કલાકે નારણપુરાના શ્રી અમિતભાઈ શાહના રોડ શોનું પ્રસ્થાન થશે અને નારણપુરા રોડ શો રૂટની વાત કરીએ તો રન્ના પાર્ક, ચાય વાલે, પટેલ ડેરી, AEC બ્રિજ, સહજાનંદ એવન્યુ, સોલાર ફ્લેટ, જયદીપ હોસ્પિટલ, લોયલા સ્કુલ અને ક્રિષ્ના ડેરીએ સમાપન થશે.
સાંજે 6.30 કલાકે વેજલપુરના જીવરાજ પાર્ક ખાતેથી રોડ શો ની શરૂઆત થશે અને વેજલપુર રોડ શો રૂટ છે જીવરાજ પાર્ક, તુલસી વન કો. ઓપ. હાઉસિંગ સોસાયટી, વેજલપુર લાયબ્રેરી અને જીમનેશિયમ, કોર્પોરેશન વોર્ડ ઓફિસ પાસે, વેજલપુર – સમાપન કરશે સમાપન બાદ કોર્પોરેશન વોર્ડ ઓફિસ પાસે, વેજલપુર ખાતે અમિતભાઈ શાહ જનસભાને સંબોધિત કરશે.
ગાંધીનગર લોકસભા મતવિસ્તારમાંથી ભારતીય જનતા પાર્ટીના અગ્રણી ઉમેદવાર, અને કેન્દ્રીય ગૃહ અને સહકાર મંત્રી, અમિત શાહ, 19 એપ્રિલ, 2024, શુક્રવાર, 12 વાગ્યે શુભ વિજય મુહૂર્ત દરમિયાન ઉમેદવારી ફોર્મ ભરશે.
