RohitsharT20 World Cup 2024 : 24 જૂન શનિવારના રોજ 2024 T20 વર્લ્ડ કપમાં ભારત અને બાંગ્લાદેશ વચ્ચે મેચ રમાશે. બંને ટીમો વચ્ચેની આ મેચ સેન્ટ લુસિયાના ડેરેન સેમી નેશનલ ક્રિકેટ સ્ટેડિયમમાં રમાશે.ભારતીય ટીમ આ મેચમાં કેટલાક ફેરફાર કરી શકે છે.
- હાઈલાઈટ્સ :
- ભારત આજે સુપર 8માં બાંગ્લાદેશ સામે બીજી મેચ રમશે
- એન્ટીગુઆના સાર વિવિયન રિચર્ડસ ગ્રાઉન્ડ પર રમાશે
- PM મોદીએ ભારત અને બાંગ્લાદેશ મેચ માટે શુભેચ્છા પાઠવી
- 24 જૂને ભારત અને ઓસ્ટ્રેલિયાની ટીમો વચ્ચે ટકકર
- 27 જૂને બંને સેમીફાઇનલ રમાશે
- 29 જૂને ફાઇનલ મેચ બાર્બાડોસમાં રમાશે
ટીમ ઈન્ડિયા એન્ટીગુઆમાં બાંગ્લાદેશનો સામનો કરવા માટે તૈયાર છે. જો ભારત આ મેચ જીતી જશે તો સેમીફાઈનલની નજીક પહોંચી જશે. બાંગ્લાદેશ માટે આ મેચ ખૂબ જ પડકારજનક બની શકે છે.
T20 વર્લ્ડ કપ 2024ની સુપર 8 મેચમાં ભારતે છેલ્લી મેચમાં અફઘાનિસ્તાનને હરાવ્યું હતું. આ મેચમાં કુલદીપ યાદવે શાનદાર પ્રદર્શન કર્યું હતું.હવે કુલદીપ બાંગ્લાદેશ સામે પણ ટીમ માટે મહત્વપૂર્ણ સાબિત થઈ શકે છે. તેમની સાથે સૂર્યકુમાર યાદવ અને ઋષભ પંતનું પ્રદર્શન પણ ટીમ માટે મહત્વપૂર્ણ સાબિત થઈ શકે છે.
કુલદીપે અફઘાનિસ્તાન સામે 32 રનમાં 2 વિકેટ લીધી હતી. તેણે આ પહેલા પણ ઘણા પ્રસંગોએ શાનદાર પ્રદર્શન કર્યું છે. ભારત અને બાંગ્લાદેશ વચ્ચેની મેચ એન્ટીગુઆમાં રમાવાની છે. અહીંની પિચ લો સ્કોરિંગ છે. તેથી ટીમ ઈન્ડિયા આનો ફાયદો ઉઠાવી શકે છે. કુલદીપની સાથે અક્ષર પટેલ પણ શાનદાર પ્રદર્શન કર્યું હતું.
જો સૂર્યકુમાર યાદવનું બેટ બાંગ્લાદેશ સામે કામ કરશે તો ભારત માટે જીત આસાન બની શકે છે. તે ફોર્મમાં છે અને તેણે છેલ્લી બે મેચમાં સતત અડધી સદી ફટકારી છે. સૂર્યકુમારે યુએસએ સામે અણનમ 50 રન બનાવ્યા હતા. તેણે અફઘાનિસ્તાન સામે 53 રનની ઇનિંગ રમી હતી. તે પાકિસ્તાન સામે 7 રન બનાવીને આઉટ થયો હતો. તે આયર્લેન્ડ સામે 2 રન બનાવીને પેવેલિયન પરત ફર્યો હતો.
ઋષભ પંતે ટીમ ઈન્ડિયા માટે ઘણા પ્રસંગોએ સારું પ્રદર્શન કર્યું છે. તેણે અફઘાનિસ્તાન સામે 20 રનની ટૂંકી ઇનિંગ રમી હતી. પરંતુ તે ખૂબ જ મહત્વપૂર્ણ હતું. પંતે પાકિસ્તાન સામે 42 રન બનાવ્યા હતા. મહત્વની વાત એ છે કે તે તમામ પ્રકારના શોટ રમવામાં નિપુણ છે. જો પંત પણ સૂર્યા સાથે રન બનાવશે તો ભારતની જીત આસાન બની જશે.
દિલ્હીમાં આજે ભારત અને બાંગ્લાદેશ વચ્ચે દ્વિપક્ષીય બેઠકમાં નરેન્દ્ર મોદીએ વર્લ્ડ કપની બંને ટીમોને શુભેચ્છા પાઠવી છે.
#WATCH || હું આજે સાંજે ક્રિકેટ વર્લ્ડ કપ મેચ માટે બંને ટીમોને શુભેચ્છા પાઠવું છું , બાંગ્લાદેશ સાથેના અમારા સંબંધોમાં અમે પ્રથમ પ્રાથમિકતા આપીશું : PM મોદી #SheikhHasina #PMNarendraModi #Bangladesh #India #INDvsBAN pic.twitter.com/SVMf0Gux3C
— Gujarati Daily Times (@GujaratiDailyT) June 22, 2024
