T-20 વર્લ્ડ કપમાં સૌથી મોટા અપસેટમાં ટીમ અફઘાનિસ્તાને રવિવારે કિંગસ્ટાઉન ખાતે ઓસ્ટ્રેલિયાને 21 રને હરાવીને ઈતિહાસ રચ્યો હતો.
હાઈલાઈટ્સ
- અફઘાનિસ્તાનની ઓસ્ટ્રેલિયા સામે જીત
- અફઘાનિસ્તાને ઓસ્ટ્રેલિયાને 21 રને હરાવ્યુ
- અમેરિકાના કિંગસ્ટાઉન ખાતે રમાઈ હતી મેચ
- અફઘાનિસ્તાને 148 રન બનાવ્યા હતા
T20 વર્લ્ડ કપની 48મી મેચમાં સુપર-8ની મહત્વની મેચ રવિવારે ઓસ્ટ્રેલિયા અને અફઘાનિસ્તાન વચ્ચે હતી. ઓસ્ટ્રેલિયાના કેપ્ટન મિચેલ માર્શે ટોસ જીતીને પ્રથમ બોલિંગ કરવાનો નિર્ણય કર્યો હતો. અફઘાનિસ્તાને 20 ઓવરમાં 6 વિકેટ ગુમાવીને 148 રન બનાવ્યા હતા. રહેમાનુલ્લા ગુરબાઝે 60 અને ઈબ્રાહિમ ઝદરાને 51 રન બનાવ્યા હતા. જવાબમાં ઓસ્ટ્રેલિયાની ટીમ 19.2 ઓવરમાં 127 રનમાં સમેટાઈ ગઈ હતી.
રાશિદ ખાનના નેતૃત્વમાં અફઘાનિસ્તાનની ટીમે પ્રથમ વખત ઓસ્ટ્રેલિયાને હરાવ્યું છે. અફઘાનિસ્તાન ગયા વર્ષના ODI વર્લ્ડ કપમાં જીતના ઉંબરે પહોંચી ગયું હતું પરંતુ મેક્સવેલની યાદગાર ઇનિંગે તેમની પાસેથી વિજય છીનવી લીધો હતો. જોકે, આ વખતે અફઘાનિસ્તાને આવી કોઈ ભૂલ ન કરી અને કિંગસ્ટાઉન ખાતે ઓસ્ટ્રેલિયાને 21 રને હરાવ્યું.