Barbados Storm : T-20 વર્લ્ડ કપ જીત્યા બાદ ટીમ ઈન્ડિયા હવે પોતાના દેશમાં પરત ફરી શકતી નથી કારણ કે બાર્બાડોસ જોરદાર વાવાઝોડાએ બાર્બાડોસમાં તબાહી મચાવી,સમગ્ર દેશનું જનજીવન અસ્તવ્યસ્ત થઈ ગયું છે.
- હાઈલાઈટ્સ :
- ભારતીય ટીમ T20 વર્લ્ડ કપ ચેમ્પિયન બની
- ભારતીય ટીમે બીજી વખત T20 વર્લ્ડ કપ જીત્યો
- બાર્બાડોસમાં જય શાહ પણ હાજર
- ભારતીય ટીમને ચાર્ટર્ડ પ્લેન મારફત ભારત લવાશે
બાર્બાડોસમાં T20 વર્લ્ડ કપ જીત્યા બાદ ભારતીય ટીમ હવે ભારત પરત ફરવા માટે ઉત્સુક છે. બાર્બાડોસમાં વાવાઝોડાએ તબાહી મચાવી છે. વાવાઝોડાને કારણે વીજળી અને પાણી પુરવઠાને અસર થઈ છે. ભારે પવન સાથે વરસાદ પડ્યો છે. ભારતીય ટીમ અને ભારતના મીડિયાકર્મીઓ બાર્બાડોસમાં અટવાયેલા છે. કર્ફ્યુના કારણે તમામ ફ્લાઈટ્સ રદ કરવામાં આવી છે.
શનિવારે દક્ષિણ આફ્રિકા પાસેથી T-20 વર્લ્ડ કપ જીત્યા બાદ ભારતીય ટીમ અને અન્ય સભ્યો સોમવારે સ્થાનિક સમય અનુસાર સવારે 11 વાગ્યે બાર્બાડોસથી ન્યૂયોર્ક જવા રવાના થવાના હતા.આ પછી, ટીમ દુબઈ જશે, ત્યાંથી ટીમ કનેક્ટિંગ ફ્લાઈટ દ્વારા ભારત આવવાની હતી,પરંતુ જોરદાર તોફાનના કારણે ભારતીય ટીમ બાર્બાડોસની હોટેલ હિલ્ટનમાં ફસાઈ ગઈ છે. હવે એવી આશા છે કે આજે એટલે કે મંગળવારે ભારતીય ટીમ બાર્બાડોસથી વિશેષ વિમાન દ્વારા રવાના થશે. એવી અપેક્ષા છે કે ચાર્ટર્ડ પ્લેન નવી દિલ્હીમાં ઉતરશે.
બાર્બાડોસમાં જય શાહ પણ હાજર
બેરીલ એક કેટેગરી 4 વાવાઝોડું છે જે એટલાન્ટિક મહાસાગરમાં ઉદ્દભવ્યું છે. BCCI સેક્રેટરી જય શાહ પણ ભારતીય ટીમ સાથે હોટલમાં હાજર છે. તેઓ ભારતીયો અને તેમના પરિવારો સહિત તમામ ભારતીયોની વતન પરત ફરવાની ચાલી રહેલી તૈયારીઓ પર નજર રાખી રહ્યા છે. હરિકેન બેરીલને કારણે બાર્બાડોસમાં એરપોર્ટ બંધ કરવામાં આવ્યા હતા, મંગળવાર બપોર સુધીમાં કામગીરી સામાન્ય થઈ જવાની અપેક્ષા છે.
ભારતીય ટીમને ચાર્ટર્ડ પ્લેન મારફત ભારત લવાશે
T-20 વર્લ્ડ કપ જીત્યા બાદ ભારતની ટીમ હજુ સુધી ભારત પરત ફરી શકી નથી. ખરાબ ચક્રવાત અને ખરાબ હવામાનને કારણે ભારતીય ટીમને બાર્બાડોસ સ્થિત એક હોટેલમાં જ રોકાણ કરવું પડ્યું છે. પ્રતિકૂળ વાતાવરણને કારણે લોકડાઉન જેવી સ્થિતિ સર્જાઇ છે અને મુખ્ય આંતરરાષ્ટ્રીય એરપોર્ટ આગળની સૂચના સુધી બંધ રાખવા માટે આદેશ અપાયો છે. ANIએ આપેલ માહિતી મુજબ બાર્બાડોસમાં ભયંકર તોફાનને કારણે વીજળી અને પાણી પૂરવઠાને અસર પહોંચી છે. મળતી માહિતી મુજબ ખેલાડીઓને પરત લાવવા માટે BCCIએ ચાર્ટર્ડ પ્લેનની વ્યવસ્થા કરી છે.
