કેદારનાથ પદયાત્રી માર્ગ પર રવિવારે સવારે એક મોટો અકસ્માત થયો હતો. યાત્રા પર જઈ રહેલા ત્રણ યાત્રિકોના મોત થયા છે, ઘણા ઘાયલ થયા હોવાના અહેવાલ છે, જ્યારે ઘણા લોકો કાટમાળ નીચે દટાયા હોવાની આશંકા છે.
હાઈલાઈટ્સ:
- કેદારનાથમાં મોટી દુર્ઘટના બની
- પહાડી પરથી કાટમાળ પડતાં 3 મુસાફરોનાં મોત,અનેક લોકો ઘાયલ
- મુખ્યમંત્રી પુષ્કર સિંહ ધામીએ ટ્વીટ કરી દુઃખ વ્યક્ત કર્યું
- રેસ્ક્યુ ટીમ દ્વારા ત્રણ લોકોના મૃતદેહ કાટમાળમાંથી બહાર કાઢવામાં આવ્યા
- અન્ય ત્રણ ઘાયલોને હોસ્પિટલમાં દાખલ કરવામાં આવ્યા
ચિરબાસા નજીક પહાડી પરથી અચાનક જ મોટી માત્રામાં કાટમાળ અને પથ્થરો પડ્યા હતા. આ દરમિયાન અનેક શ્રદ્ધાળુઓ કાટમાળ નીચે દટાયા હતા. આ દુર્ઘટના અંગે માહિતી આપતાં જિલ્લા આપત્તિ વ્યવસ્થાપન અધિકારી નંદન સિંહ રાજવારે જણાવ્યું હતું કે રવિવારે સવારે લગભગ 7.30 વાગ્યે ડિઝાસ્ટર કંટ્રોલ રૂમને આ ઘટનાની માહિતી મળી હતી.
માહિતી મળતાની સાથે જ NDRF,DDR,YMF પ્રશાસનની ટીમો સહિત યાત્રા રૂટ પર તૈનાત સુરક્ષાકર્મીઓ ઘટનાસ્થળે પહોંચી ગયા હતા અને રાહત કાર્ય શરૂ કર્યું હતું. રેસ્ક્યુ ટીમ દ્વારા ત્રણ લોકોના મૃતદેહ કાટમાળમાંથી બહાર કાઢવામાં આવ્યા હતા. અન્ય ત્રણ ઘાયલોને હોસ્પિટલમાં દાખલ કરવામાં આવ્યા છે. આ યાત્રીઓ ગૌરીકુંડથી કેદારનાથના દર્શન કરવા જઈ રહ્યા હતા.
આ દુર્ઘટના પર દુઃખ વ્યક્ત કરતા મુખ્યમંત્રી પુષ્કર સિંહ ધામીએ કહ્યું કે, “કેદારનાથ યાત્રા માર્ગની નજીક પહાડી પરથી કાટમાળ અને ભારે પથ્થરો પડતાં કેટલાક શ્રદ્ધાળુઓના જાનહાનિના સમાચાર અત્યંત દુઃખદ છે. ઘટના સ્થળે રાહત અને બચાવ કાર્ય ચાલી રહ્યું છે, હું આ બાબતે સતત અધિકારીઓના સંપર્કમાં છું. અકસ્માતમાં ઘાયલ થયેલા લોકોને તાત્કાલિક સારી સારવાર આપવા સૂચના આપવામાં આવી છે. ભગવાન મૃતકોના આત્માને શાંતિ આપે અને શોકગ્રસ્ત પરિવારના સભ્યોને આ અપાર દુ:ખ સહન કરવાની શક્તિ આપે.”
केदारनाथ यात्रा मार्ग के पास पहाड़ी से मलबा व भारी पत्थर गिरने से कुछ यात्रियों के हताहत होने का समाचार अत्यंत दुःखद है। घटनास्थल पर राहत एवं बचाव कार्य जारी है, इस सम्बन्ध में निरंतर अधिकारियों के संपर्क में हूं। हादसे में घायल हुए लोगों को त्वरित रूप से बेहतर उपचार उपलब्ध…
— Pushkar Singh Dhami (@pushkardhami) July 21, 2024
