Gujarat Rain : ગુજરાતના અનેક વિસ્તારોમાં વરસાદ ભારે પડી રહ્યો છે હવામાન વિભાગે જણાવ્યું હતું કે આગામી સમયમાં પોરબંદર,જૂનાગઢ,ગીર સોમનાથ સહિત અનેક વિસ્તારોમાં વરસાદની સંભાવના છે.
હાઈલાઈટ્સ :
- ગુજરાતમાં પાંચ દિવસથી સતત ભારે વરસાદ,
- સુરતમાં 12 કલાકમાં 7 ઈંચથી વધુ વરસાદ
- સુરતના ઠેર ઠેર વરસાદના પાણી ભરાયા
- સુરતના વરાછામાં સૌથી વધુ વરસાદ
- આજે સૌરાષ્ટ્રમાં પણ રેડ એલર્ટ જારી
- આગામી સમયમાં પોરબંદર, જૂનાગઢ, ગીર સોમનાથ સહિત અનેક
જિલ્લામાં ભારે વરસાદ ની સંભાવના
હવામાન વિભાગે આગામી ત્રણ કલાક સુધી ગુજરાતના અનેક વિસ્તારોમાં વરસાદની આગાહી કરી છે. હવામાન વિભાગના જણાવ્યા અનુસાર દ્વારકા, પોરબંદર, જૂનાગઢ, ગીર સોમનાથ, ભરૂચ, સુરત, નવસારી, વલસાડ, દમણ, દાદરા નગર હવેલીમાં ગાજવીજ સાથે ભારે વરસાદની સંભાવના છે.
#WATCH | Severe waterlogging witnessed amid heavy downpour in Gujarat's Surat. pic.twitter.com/MIZSHrWj3y
— ANI (@ANI) July 22, 2024
ગુજરાતમાં વરસાદનું રેડ એલર્ટ
જામનગર, રાજકોટ, અમરેલી, ભાવનગર, વડોદરા, છોટાઉદેપુર, નર્મદા, તાપી, ડાંગ, સાબરકાંઠા, મહિસાગર, દાહોદ, અરવલી, પંચમહાલ, આણંદ, ખેડા, અમદાવાદ અને દીવમાં મધ્યમ વરસાદની અપેક્ષા છે. જ્યારે કચ્છ, મોરબી, સુરેન્દ્રનગર, બનાસકાંઠા, પાટણ, મહેસાણા, ગાંધીનગર અને બોટાદમાં સામાન્ય વરસાદની આગાહી કરવામાં આવી છે.
હવામાન વિભાગની આગાહી વચ્ચે જૂનાગઢ જિલ્લામાં મુશળધાર વરસાદ વરસી રહ્યો છે. જૂનાગઢ જિલ્લામાં સવારથી ધોધમાર વરસાદ વરસી રહ્યો છે. એક દિવસના વિરામ બાદ આજે સવારથી વરસાદ પડી રહ્યો છે.જૂનાગઢના માળીયા હાટીના, માંગરોળ, કેશોદ, મેંદરડા, વિસાવદર અને ગીરના જંગલ વિસ્તારોમાં સવારથી ભારે પવન સાથે ધોધમાર વરસાદ વરસી રહ્યો છે. સતત વરસાદને કારણે જિલ્લાની નદીઓ, કેનાલો, ચેકડેમો અને ડેમોમાં નવું પાણી આવ્યું છે.પ્રશાસને સુરક્ષાના કારણોસર નદી વિસ્તારમાં લોકોની અવરજવર પર પ્રતિબંધ મૂક્યો છે.
હવામાન વિભાગની આગાહી વચ્ચે સૌરાષ્ટ્રના અનેક જિલ્લાઓમાં ભારે વરસાદ પડી રહ્યો છે. રાજકોટ જિલ્લામાં પણ વરસાદી માહોલ જારી રહ્યો છે. ઉપલેટાના ગ્રામ્ય વિસ્તારોમાં પણ ધોધમાર વરસાદ વરસ્યો છે.ઉપલેટાના મજેઠી,લાઠ ,ભીમોરા,કુડેચ સહિતના ગ્રામ્ય વિસ્તારોમાં ભારે વરસાદ થયો છે. લાઠ ગામ તરફ જતો રસ્તો પાણીમાં ગરકાવ છે.11 ઈંચ વરસાદ બાદ સર્વત્ર નદીઓ વહેતી થઈ છે.બીજી તરફ ઉપલેટાના ખારાચીયા ગામમાં છેલ્લા એક કલાકથી ધોધમાર વરસાદ વરસી રહ્યો છે.
#WATCH गुजरात: राजकोट ज़िले के लाठ गांव में लगातार तेज़ बारिश के कारण बाढ़ की स्थिति बनी हुई है। लोगों को जलभराव के चलते परेशानियों का सामना करना पड़ रहा है। pic.twitter.com/p07Cd3n1Nc
— ANI_HindiNews (@AHindinews) July 22, 2024
રાજકોટ જિલ્લાના ઉપલેટા તાલુકાના ગ્રામ્ય વિસ્તારોમાં ધોધમાર વરસાદ વરસી રહ્યો છે. ઉપલેટામાં સવારથી ધોધમાર વરસાદ વરસી રહ્યો છે. મુશળધાર વરસાદને કારણે અનેક વિસ્તારોમાં પાણી ભરાઈ ગયા છે. લોકોના ઘરોમાં પાણી ઘુસી ગયા છે.લાઠ ગામમાં બે કલાકમાં 11 ઈંચ વરસાદ પડતાં રસ્તાઓ નદી જેવા બની ગયા હતા. મુશળધાર વરસાદને કારણે સમગ્ર લાથ ગામમાં વરસાદી પાણી ભરાઈ ગયા છે. ભારે વરસાદને કારણે ખેતરોમાં પાણી ભરાઈ ગયા છે.
