હાઈલાઈટ્સ
- મણિપુરમાં ફરી હિંસા ફાટી નીકળી છે
- મણિપુરના જીરીબામમાં ફરી હિંસા ફાટી નીકળી
- ફાયરિંગ અને આગચંપીની ઘટનાઓ પ્રકાશમાં આવવા લાગી
- સુરક્ષા દળોની ગેરહાજરીનો ફાયદો ઉઠાવી આગચંરપી કરી
મણિપુરમાં ફરી હિંસા ફાટી નીકળી છે. મણિપુરના જીરીબામમાં, શાંતિ પુનઃસ્થાપિત કરવા અને હિંસા રોકવા માટે મેઇતેઈ અને હમાર સમુદાયો વચ્ચે સમજૂતી થઈ હતી, ત્યારબાદ ફાયરિંગ અને આગચંપીની ઘટનાઓ પ્રકાશમાં આવવા લાગી હતી.
અધિકારીઓએ શનિવારે આ ઘટનાની જાણકારી આપી. એવું કહેવામાં આવ્યું હતું કે લાલપાણી ગામમાં એક ખાલી મકાનમાં શુક્રવારે રાત્રે આગ લાગી હતી. તેમણે કહ્યું કે આ ઘટના એવા વિસ્તારમાં બની હતી જ્યાં હિંસા બાદ મોટાભાગના ઘરો ખાલી પડ્યા હતા. સુરક્ષા દળોની ગેરહાજરીનો ફાયદો ઉઠાવીને બદમાશોએ અહીં આગચંપી શરૂ કરી દીધી હતી.
તમને જણાવી દઈએ કે ગુરુવારે સેન્ટ્રલ રિઝર્વ પોલીસ ફોર્સની સ્થાપના વખતે બંને પક્ષો વચ્ચે શાંતિ કરાર પર હસ્તાક્ષર કરવામાં આવ્યા હતા. આ શાંતલ કરાર મુજબ, વિસ્તારમાં સામાન્ય સ્થિતિ લાવવા અને આગચંપી અને ગોળીબારની ઘટનાઓને રોકવાના પ્રયાસો હાથ ધરવાના હતા. બંને પક્ષોએ એ પણ નક્કી કર્યું હતું કે તેઓ જીરીબામ જિલ્લામાં તૈનાત તમામ સુરક્ષા દળોને મદદ કરશે અને હિલચાલને પણ સરળ બનાવશે. આ શાંતિ કરાર દરમિયાન, તમામ સહભાગી સમુદાયોએ નિવેદનો જારી કર્યા અને કરાર પર હસ્તાક્ષર પણ કર્યા. આ બેઠક જીરીબામ જિલ્લા વહીવટીતંત્ર, આસામ રાઈફલ્સ અને CRPF દ્વારા યોજવામાં આવી હતી, જે દરમિયાન જિલ્લાના થાડો, પાઈટે અને મિઝો સમુદાયોના પ્રતિનિધિઓ પણ હાજર હતા.
