Neeraj Chopra Silver : ભારતના સ્ટાર જેવલિન થ્રો નીરજ ચોપરાએ પેરિસ ઓલિમ્પિક 2024માં સિલ્વર મેડલ જીત્યો , નીરજે સિલ્વર જીત્યા બાદ સમગ્ર દેશમાં ખુશીની લહેર જોવા મળી.
હાઈલાઈટ્સ :
- પેરિસ ઓલિમ્પિકમાં નીરજ ચોપરાએ જીત્યો સિલ્વર મેડલ
- નીરજ ચોપરાએ 89.45 મીટર ભાલો ફેંક્યો હતો
- 2 ઓલિમ્પિકમાં મેડલ જેટનાર ચોથો ભારતીય બન્યો
- પાકિસ્તાની એથ્લેટ અરશદ નદીમે જીત્યો ગોલ્ડ
- ટોક્યો ઓલિમ્પિક્સ 2021માં નીરજ ચોપરાએ ગોલ્ડ મેડલ જીત્યો હતો
- પીએમ મોદીએ નીરજ ચોપરાને સિલ્વર જીતવા બદલ અભિનંદન પાઠવ્યા
નીરજ ચોપરાનો પ્રથમ પ્રયાસ ફાઉલ થયો હતો. જોકે, બીજા પ્રયાસમાં નીરજ ચોપરાએ 89.45 મીટરના અંતરે બરછી ફેંકીને સિલ્વર મેડલનું સ્થાન હાંસલ કર્યું હતું. તે પછી નીરજના બાકીના પ્રયાસો ફાઉલ રહ્યા હતા. આવી સ્થિતિમાં નીરજે માત્ર એક સફળ થ્રો દ્વારા બીજું સ્થાન હાંસલ કર્યું હતું.
ભારતીય થ્રોઅર નીરજ ચોપરાએ શાનદાર પ્રદર્શન કર્યું અને પેરિસ ઓલિમ્પિક 2024માં ભાલા ફેંકમાં સિલ્વર મેડલ જીત્યો. તેણે 89.45 મીટરનો થ્રો ફેંક્યો હતો. આ સાથે જ પાકિસ્તાનના અરશદ નદીમે 92.97 મીટરનો થ્રો કરીને ઓલિમ્પિક રેકોર્ડ બનાવ્યો અને ગોલ્ડ મેડલ જીત્યો. જ્યારે ગ્રેનાડાના એન્ડરસન પીટર્સે 88.54 મીટરનું અંતર ફેંકીને બ્રોન્ઝ મેડલ જીત્યો હતો.નીરજ ચોપરાનો શ્રેષ્ઠ થ્રો 89.94 મીટર છે જે તેણે જૂન 2022માં સ્ટોકહોમ ડાયમંડ લીગ, સ્વીડનમાં હાંસલ કર્યો હતો.
નીરજ ચોપરાનો પ્રથમ પ્રયાસ ફાઉલ થયો હતો. જોકે, બીજા પ્રયાસમાં નીરજ ચોપરાએ 89.45 મીટરના અંતરે બરછી ફેંકીને સિલ્વર મેડલનું સ્થાન હાંસલ કર્યું હતું. તે પછી નીરજના બાકીના પ્રયાસો ફાઉલ રહ્યા હતા. આવી સ્થિતિમાં નીરજે માત્ર એક સફળ થ્રો દ્વારા બીજું સ્થાન હાંસલ કર્યું હતું. આ તેનો સિઝનનો સર્વશ્રેષ્ઠ થ્રો છે, આ પહેલા તેનો સર્વશ્રેષ્ઠ થ્રો ઓલિમ્પિક માટે ક્વોલિફિકેશનમાં આવ્યો હતો, જ્યાં તેણે 89.34 મીટરનું અંતર કાપ્યું હતું.
પાકિસ્તાની એથ્લેટ અરશદ નદીમે નવો ઓલિમ્પિક રેકોર્ડ બનાવ્યો અને પોતાના બીજા થ્રોમાં 92.97 મીટરનો થ્રો કર્યો. તેણે 91.79 મીટરનો છઠ્ઠો અને છેલ્લો થ્રો કર્યો હતો. આ રીતે નદીમે ગોલ્ડ મેડલ જીત્યો હતો. તમને જણાવી દઈએ કે 1992 બાર્સેલોના ઓલિમ્પિક બાદ પાકિસ્તાનનો આ પહેલો ઓલિમ્પિક મેડલ છે.
નીરજ ચોપરાએ પેરિસ ઓલિમ્પિકમાં આ સિલ્વર મેડલ જીતીને ઐતિહાસિક રેકોર્ડ બનાવ્યો છે. તે સતત બે ઓલિમ્પિકની વ્યક્તિગત ઈવેન્ટ્સમાં ગોલ્ડ અને સિલ્વર જીતનાર પ્રથમ ભારતીય બન્યો છે. અગાઉ અભિનવ બિન્દ્રાએ બેઇજિંગ 2008માં વ્યક્તિગત ઈવેન્ટ (શૂટીંગ)માં ભારત માટે ગોલ્ડ જીત્યો હતો. પરંતુ આ પછી તે કોઈ મેડલ જીતી શક્યો નહોતો.
નીરજ ચોપરાનું મેડલ ટેબલ
- પેરિસ ઓલિમ્પિક્સ 2024- સિલ્વર મેડલ
- ટોક્યો ઓલિમ્પિક્સ 2021- ગોલ્ડ મેડલ
- એશિયન ગેમ્સ 2018- ગોલ્ડ મેડલ
- કોમનવેલ્થ ગેમ્સ 2018- ગોલ્ડ મેડલ
- એશિયન એથ્લેટિક્સ ચેમ્પિયનશિપ્સ 2017- ગોલ્ડ મેડલ
- વર્લ્ડ U-20 એથ્લેટિક્સ ચેમ્પિયનશિપ 2016- ગોલ્ડ મેડલ
- સાઉથ એશિયન ગેમ્સ 2016- ગોલ્ડ મેડલ
- એશિયન જુનિયર ચેમ્પિયનશિપ 2016- સિલ્વર મેડલ
માતાએ ખુશી વ્યક્ત કરી
નીરજ ચોપરાની માતાએ કહ્યું કે તે પણ સિલ્વરથી ખૂબ જ ખુશ છે. આ સિવાય તેણે કહ્યું કે ગોલ્ડ જીતનાર વ્યક્તિ પણ તેના પુત્ર જેવો છે અને તે પણ મહેનત કરીને ત્યાં પહોંચ્યો છે.
પીએમ મોદીની પ્રતિક્રિયા
પીએમ મોદીએ પણ નીરજ ચોપરાને સિલ્વર જીતવા બદલ અભિનંદન પાઠવ્યા હતા. પીએમ મોદીએ લખ્યું કે ભારત ખુશ છે કે તે બીજી ઓલિમ્પિક સફળતા સાથે પરત ફર્યો. સિલ્વર મેડલ જીતવા બદલ તેને અભિનંદન.
Neeraj Chopra is excellence personified! Time and again he’s shown his brilliance. India is elated that he comes back with yet another Olympic success. Congratulations to him on winning the Silver. He will continue to motivate countless upcoming athletes to pursue their dreams… pic.twitter.com/XIjfeDDSeb
— Narendra Modi (@narendramodi) August 8, 2024