હાઈલાઈટ્સ :
- કોલકાતા ટ્રેઇની ડોક્ટર રેપ-મર્ડર કેસમા મમતા સરકાર પર સવાલ
- સમગ્ર મામલે કોલકાતા હાઈકોર્ટનુ મમતા સરકાર પર કડક વલણ
- મહિલા ડોક્ટર પર દુશ્કર્મ- હત્યાની ઘટનાથી દેશભરમાં ભારે રોષ
- કેસ અંગે આકરી ટીપ્પણી કરતાં હાઈકોર્ટે કેસ ડાયરી મંગાવી
આર.જી. કાર મેડિકલ કોલેજની મહિલા ડોક્ટર પર દુશ્કર્મ અને હત્યાની ઘટનાથી સમગ્ર દેશમાં ભારે રોષ છે. તો હવે કોલકાતા હાઈકોર્ટે આ મામલે કડકાઈ બતાવી છે અને મમતા સરકાર પર કડક થઈ ગઈ છે.
આર.જી. કાર મેડિકલ કોલેજની મહિલા ડોક્ટર પર દુશ્કર્મ અને હત્યાની ઘટનાથી સમગ્ર દેશમાં ભારે રોષ છે. તો હવે કોલકાતા હાઈકોર્ટે આ મામલે કડકાઈ બતાવી છે અને મમતા સરકાર પર કડક થઈ ગઈ છે.આકરી ટીપ્પણી કરતાં હાઈકોર્ટે કેસની કેસ ડાયરી મંગાવી છે.
કોલકાતા હાઈકોર્ટના મુખ્ય ન્યાયાધીશએ કહ્યું કે આર.જી.કર મેડિકલ કોલેજના પ્રિન્સિપાલ સંદીપ ઘોષે આજે જ રજા પર જવું જોઈએ. સુનાવણી દરમિયાન, કોર્ટે રાજ્ય સરકારના વકીલને પૂછ્યું કે સરકાર કેવી રીતે ખાતરી આપશે કે તપાસ પારદર્શક છે અને કોઈ પુરાવાનો નાશ કરવામાં આવ્યો નથી? કોર્ટે પૂછ્યું કે શું તમે વિશેષ તપાસ ટીમની રચના કરી છે.
તેના પર વકીલે કહ્યું કે આ કેસની તપાસ માટે 7 સભ્યોની SITની રચના કરવામાં આવી છે, જ્યારે વધારાના પોલીસ અધિકારીઓ પોતે તપાસ પર નજર રાખી રહ્યા છે.
કોર્ટે આગળ પૂછ્યું કે શું આર.જી.કર મેડિકલ કોલેજના પ્રિન્સિપાલ સંદીપ ઘોષનું નિવેદન લેવામાં આવ્યું છે. તેના પર વકીલે કહ્યું કે હજુ નિવેદન લેવામાં આવ્યું નથી. વકીલે કહ્યું કે CCTV ફૂટેજ દ્વારા શંકાસ્પદોની ઓળખ કરવામાં આવી રહી છે અને તેમની પૂછપરછ કરવામાં આવી રહી છે.
કોલકાતા હાઈકોર્ટે આ કેસની કેસ ડાયરી સાથે આર.જી. કાર મેડિકલ કોલેજના પ્રિન્સિપાલ સંદીપ ઘોષના રાજીનામા અને નેશનલ મેડિકલ કોલેજમાં નિમણૂકના પત્રની સાથે રજૂ કરવાનો આદેશ આપ્યો.નોંધનિય છે કે 9 ઓગસ્ટના રોજ કોલકાતાની આર.જી. કાર હોસ્પિટલમાં એક મહિલા ડોક્ટર મૃત હાલતમાં મળી આવી હતી.
જ્યારે મૃતક 31 વર્ષીય તાલીમાર્થી ડોક્ટરના મૃતદેહનું પોસ્ટમોર્ટમ કરવામાં આવ્યું ત્યારે જાણવા મળ્યું કે તેની પર નિર્દયતાથી હુમલો કરવામાં આવ્યો હતો. તેણી પર પહેલા દુશ્કર્મ ગુજારવામાં આવ્યુ અને પછી ક્રૂરતાપૂર્વક હત્યા કરવામાં આવી. આ ઘટના બાદ રાજ્યભરમાં ડોક્ટરો હડતાળ પર ઉતરી ગયા હતા અને વિરોધ પ્રદર્શન હજુ પણ ચાલુ છે. તેમની માંગ છે કે આ કેસના આરોપીઓને કડકમાં કડક સજા આપવામાં આવે.
SORCE : અમર ઉજાલા