આ દરમિયાન વિજયે કહ્યું, ‘હું જાણું છું કે તમે બધા અમારી પ્રથમ સ્ટેટ કોન્ફરન્સની રાહ જોઈ રહ્યા છો. આ માટે તૈયારીઓ ચાલી રહી છે અને હું ટૂંક સમયમાં તેની જાહેરાત કરીશ. તેમણે કહ્યું કે અમે તમિલનાડુના વિકાસ માટે સાથે મળીને કામ કરીશું.
હાઈલાઈટ્સ :
- દક્ષિણ અભિનેતા દલપતિ વિજયની રાજનીતિમાં એન્ટ્રી
- જાણીતા અભિનેતા વિજયે પોતાની રાજકીય સફર શરૂ કરી હતી
- TVKના વડા વિજયે તેમની પાર્ટીના ધ્વજનું અનાવરણ કર્યું
દક્ષિણના સુપરસ્ટાર અભિનેતા, ખાસ કરીને તમિલ ફિલ્મોના, દલપતિ વિજય હવે રાજકારણની દુનિયામાં પ્રવેશી ચૂક્યા છે. તેમણે ગુરુવારે તેમના પક્ષ કાર્યાલયમાં સત્તાવાર રીતે તમિલગા વેત્રી કઝગમ (TVK) ના ધ્વજ અને પ્રતીકનું અનાવરણ કર્યું. વિજયે તેમના પક્ષના અધિકારીઓની સામે પક્ષનો ધ્વજ ફરકાવ્યો. આ દરમિયાન દલપતિ વિજયના માતા-પિતા પણ હાજર હતા.
પાર્ટીના ધ્વજનું અનાવરણ કરતા પહેલા તેમણે શપથ વાંચી સંભળાવ્યા હતા. જેમાં તેમણે કહ્યું હતું કે તેઓ તમામ જીવો માટે સમાનતાના સિદ્ધાંતને જાળવી રાખશે. શપથમાં વિજયે વાંચ્યું, ‘અમે હંમેશા તે લડવૈયાઓની પ્રશંસા કરીશું જેમણે આપણા દેશની આઝાદી માટે લડ્યા અને તેમના જીવનનું બલિદાન આપ્યું. અમે તે અસંખ્ય સૈનિકોના યોગદાનને હંમેશા યાદ રાખીશું જેમણે તમિલ ભૂમિમાંથી આપણા લોકોના અધિકારો માટે અથાક લડત આપી હતી.
હું જાતિ, ધર્મ, લિંગ, જન્મસ્થળના નામે ભેદભાવ ખતમ કરીશ. હું લોકોમાં જાગૃતિ લાવીશ અને બધા માટે સમાન તકો અને સમાન અધિકારો માટે પ્રયત્ન કરીશ. હું પ્રતિજ્ઞા કરું છું કે હું તમામ જીવો માટે સમાનતાના સિદ્ધાંતને જાળવી રાખીશ.’
આ દરમિયાન વિજયે કહ્યું, ‘હું જાણું છું કે તમે બધા અમારી પ્રથમ સ્ટેટ કોન્ફરન્સની રાહ જોઈ રહ્યા છો. આ માટે તૈયારીઓ ચાલી રહી છે અને હું ટૂંક સમયમાં તેની જાહેરાત કરીશ. તેમણે કહ્યું કે અમે તમિલનાડુના વિકાસ માટે સાથે મળીને કામ કરીશું.
દલપતિ વિજય દક્ષિણ ભારતીય ફિલ્મોના સુપરસ્ટાર છે. તે મુખ્યત્વે તમિલ ફિલ્મોમાં કામ કરે છે. ત્રણ દાયકાથી વધુની કારકિર્દીમાં તેણે ઘણી શાનદાર ફિલ્મો કરી છે. હવે તેણે પોતાની નવી પાર્ટી તમિઝાગા વેત્રી કઝગમ (TVK) બનાવી છે. અને તેના ધ્વજનું સત્તાવાર અનાવરણ પણ કરવામાં આવ્યું છે.વાસ્તવમાં તમિલનાડુમાં વર્ષ 2026માં વિધાનસભા ચૂંટણી યોજાવાની છે. આવી સ્થિતિમાં વિજય આ ચૂંટણીમાં પોતાનું નસીબ અજમાવવા માંગે છે.
