હાઈલાઈટ્સ
- ઓમર અબ્દુલ્લાએ પીએમ મોદી સાથે મુલાકાત કરી
- જમ્મુ-કાશ્મીરને રાજ્યનો દરજ્જો પુનઃસ્થાપિત કરવાની અપીલ કરી
- ઓમર અબ્દુલ્લાએ 16 ઓક્ટોબરે કેન્દ્રશાસિત પ્રદેશ જમ્મુ અને કાશ્મીરના મુખ્યમંત્રી તરીકે શપથ લીધા હતા
ઓમર અબ્દુલ્લાએ 16 ઓક્ટોબરે કેન્દ્રશાસિત પ્રદેશ જમ્મુ અને કાશ્મીરના મુખ્યમંત્રી તરીકે શપથ લીધા હતા. જમ્મુ-કાશ્મીરના મુખ્યપ્રધાનનો કાર્યભાર સંભાળ્યા બાદ ઓમર અબ્દુલ્લાની વડાપ્રધાન સાથેની આ પ્રથમ મુલાકાત છે.
Omar Abdullah Meet PM Narendra Modi : જમ્મુ-કાશ્મીરના મુખ્યમંત્રી ઓમર અબ્દુલ્લા ગુરુવારે નવી દિલ્હીમાં વડાપ્રધાન નરેન્દ્ર મોદીને મળ્યા હતા. વડાપ્રધાન કાર્યાલય (PMO) એ સોશિયલ મીડિયા પ્લેટફોર્મ X પર બંને નેતાઓની મુલાકાતના ફોટા શેર કરીને આ માહિતી આપી.
સૂત્રોના જણાવ્યા અનુસાર, બેઠક દરમિયાન મુખ્ય પ્રધાન અબ્દુલ્લાએ વડા પ્રધાન નરેન્દ્ર મોદીને કેબિનેટ પ્રસ્તાવ રજૂ કર્યો હતો, જેમાં જમ્મુ-કાશ્મીરના રાજ્યનો દરજ્જો પુનઃસ્થાપિત કરવાની અપીલ કરવામાં આવી છે. નોંધનીય છે કે તેની પ્રારંભિક કેબિનેટ બેઠકમાં, અબ્દુલ્લા સરકારે સર્વસંમતિથી એક ઠરાવ પસાર કર્યો હતો જેમાં કેન્દ્ર સરકારને જમ્મુ અને કાશ્મીરનો રાજ્યનો દરજ્જો પુનઃસ્થાપિત કરવા વિનંતી કરવામાં આવી હતી.
ઓમર અબ્દુલ્લાએ 16 ઓક્ટોબરે કેન્દ્રશાસિત પ્રદેશ જમ્મુ અને કાશ્મીરના મુખ્યમંત્રી તરીકે શપથ લીધા હતા. જમ્મુ-કાશ્મીરના મુખ્યપ્રધાનનો કાર્યભાર સંભાળ્યા બાદ ઓમર અબ્દુલ્લાની વડાપ્રધાન સાથેની આ પ્રથમ મુલાકાત છે. આ દિવસોમાં ઓમર અબ્દુલ્લા કાર્યભાર સંભાળ્યા બાદ દિલ્હીની પ્રથમ મુલાકાતે છે. વડાપ્રધાનને મળવાના એક દિવસ પહેલા તેઓ કેન્દ્રીય ગૃહમંત્રી અમિત શાહને પણ મળ્યા હતા.
