હેડલાઈન :

• અમેરિકામાં ચાર વર્ષ માટે ફરી એકવાર ડોનાલ્ડ ટ્રંપ સરકાર
• અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પનો જાદુ છવાયો
• અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પની જીત થઈ
• ડોનાલ્ડ ટ્રમ્પનું અંગત અને તેમની રાજકીય જીવનની સફર
• ડોનાલ્ડ ટ્રમ્પનો જન્મ 14 જૂન,1946ના રોજ ન્યૂયોર્કમાં થયો
• ડોનાલ્ડ ટ્રમ્પનો પરિવાર પહેલેથી જ ઘણો સમૃદ્ધ રહ્યો 
• 2016ની રાષ્ટ્રપતિની ચૂંટણીમાં હિલેરી ક્લિન્ટનને હરાવ્યા
• 2020ની પ્રમુખપદની ચૂંટણીમાં ટ્રમ્પનો જો બિડેન સામે પરાજય

ડોનાલ્ડ ટ્રમ્પે અમેરિકાની ચૂંટણી જીતી લીધી છે.આવી સ્થિતિમાં તેમના અંગત અને રાજકીય જીવનને લઈને ઘણી ચર્ચા થઈ રહી છે.ટ્રમ્પ શરૂઆતથી જ આક્રમક વ્યક્તિત્વના માણસ છે.

અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પનો જાદુ ફરી એકવાર કામ કરી ગયો છે.તેમણે આ ચૂંટણી જીતીને કમલા હેરિસને હરાવ્યા છે.એક એહેવાલને ટાંકીને આ માહિતી સામે આવી છે.આવી સ્થિતિમાં, સ્પષ્ટ છે કે હવે અમેરિકાની કમાન હવે આગામી ચાર વર્ષ સુધી ડોનાલ્ડ ટ્રમ્પના હાથમાં રહેશે.
– ટ્રમ્પનો જન્મ અને પ્રારંભિક જીવન
ડોનાલ્ડ ટ્રમ્પનો જન્મ 14 જૂન,1946ના રોજ ન્યૂયોર્કમાં થયો હતો.તેમનો પરિવાર પહેલેથી જ ઘણો સમૃદ્ધ હતો, તેથી એવું કહેવામાં આવે છે કે ટ્રમ્પનો જન્મ ચાંદીના ચમચી સાથે થયો હતો.જ્યારે ટ્રમ્પ નાના હતા,ત્યારે તેમની માતા બીમાર પડવા લાગ્યા અને તેમને બાળપણમાં માતાનો પ્રેમ ઓછો મળ્યો. એટલા માટે પિતાનો પ્રભાવ ટ્રમ્પ પર વધુ છવાયેલો રહ્યો હતો.
– ડોનાલ્ડ ટ્રમ્પનો અભ્યાસકાળ 
ટ્રમ્પ સ્કૂલના સમયમાં પણ ખૂબ જ આક્રમક હતા અને તેમના પિતાને વારંવાર ટ્રમ્પ વિશે ફરિયાદો મળતી હતી.ટ્રમ્પ સ્કૂલના દિવસોમાં પણ બાળકોને ધમકાવતા હતા.આ કારણે ટ્રમ્પના પિતાએ તેમને મિલિટ્રી સ્કૂલમાં એડમિશન અપાવ્યું હતું.તે સમયે ટ્રમ્પ 13 વર્ષના હતા.તો મિલિટરી સ્કૂલમાંથી પાસ થયા બાદ ટ્રમ્પે ફોર્ડહામ યુનિવર્સિટીમાં બે વર્ષ સુધી અભ્યાસ કર્યો.આ પછી તેઓ પેન્સિલવેનિયા યુનિવર્સિટી ગયા. જ્યાં તેમણે રિયલ એસ્ટેટ પ્રોગ્રામમાં અભ્યાસ કર્યો.તેમણે વર્ષ 1968માં ઈકોનોમિક સાયન્સમાં ડિગ્રી પણ લીધી હતી.
– અબજોપતિ રાજકારણી ડોનાલ્ડ ટ્રમ્પ
ટ્રમ્પે યુએસ પ્રમુખપદનો દાવો કર્યો તેના ઘણા સમય પહેલા અમેરિકન અબજોપતિ હતા.તેને રિયલ એસ્ટેટ મોગલ કહેવામાં આવતું હતું.તેઓ અગાઉ પણ અમેરિકન મીડિયામાં પ્રકાશિત થતા હતા અને તેમણે તેમની સ્પષ્ટવક્તા પ્રચાર શૈલીથી ઘણા અનુભવી રાજકારણીઓને હરાવ્યા હતા.
વર્ષ 2000માં ટ્રમ્પને ‘ધ એપ્રેન્ટિસ’ નામના ટીવી શોથી મોટી ઓળખ મળી હતી.તેઓ આ શોને હોસ્ટ કરતા જેના કારણે તઓે ઘણા લોકપ્રિય બન્યા હતા.
– ટ્રમ્પનો રાજકારણમાં પ્રવેશ અને આરોહ અવરોહ 
તેમણે વર્ષ 1980માં રાજકારણમાં રસ લીધો હતો.પરંતુ 2015 માં તેમણે રિપબ્લિકન પાર્ટી હેઠળ રાષ્ટ્રપતિ પદ માટે તેમની ઉમેદવારીની જાહેરાત કરી અને 2016 ની રાષ્ટ્રપતિની ચૂંટણીમાં તેમણે ડેમોક્રેટિક ઉમેદવાર હિલેરી ક્લિન્ટનને હરાવ્યા.આને ટ્રમ્પની રાજકીય કારકિર્દીની વાસ્તવિક શરૂઆત માનવામાં આવે છે.2020ની પ્રમુખપદની ચૂંટણીમાં ટ્રમ્પનો જો બિડેન દ્વારા પરાજય થયો હતો.
– ડોનાલ્ડ ટ્રમ્પનું અંગત જીવન
ટ્રમ્પ પોતાના અંગત જીવનના કારણે પણ ચર્ચામાં રહે છે.તમેણે ત્રણ વાર લગ્ન કર્યા છે.તેમની પ્રથમ પત્નીનું નામ ઇવાના ટ્રમ્પ,બીજી માર્લા મેપલ્સ અને હાલની પત્ની મેલાનિયા ટ્રમ્પ છે.ટ્રમ્પને પણ પાંચ બાળકો છે.

SORCE : ઈન્ડિયા ટીવી