હેડલાઈન :
- કોલકોતા આરજી કર મેડિકલ કોલેજ દુષ્કર્મ-હત્યાનો મામલો
- પીડિતાના પિતાએ અમિત શાહને ફોન કરતા મળવા બોલાવ્યા
- અમિત શાહ સાથેની વાતચીત વિશે વધુ વિગતો આપવા ઇનકાર
- 22 ઓક્ટોબરે પત્ર લખીને તેમની મુલાકાતની માંગણી કરી હતી
આરજી કર મેડિકલ કોલેજની પીડિતાના પિતાએ ગૃહમંત્રી અમિત શાહ સાથે ફોન પર વાત કરી, કહ્યું- ‘તેમને મળવા બોલાવ્યા છે’
આરજી કર મેડિકલ કોલેજ અને હોસ્પિટલમાં મહિલા ડૉક્ટરની હત્યા અને દુષ્કર્મ કેસમાં મૃતક ડૉક્ટરના પિતાએ જણાવ્યું કે તેમણે કેન્દ્રીય ગૃહ પ્રધાન અમિત શાહ સાથે વાત કરી છે,જેમણે તેમને મળવા બોલાવ્યા છે. જો કે,તેમણે શાહ સાથેની વાતચીત વિશે વધુ વિગતો આપવાનો ઇનકાર કર્યો હતો અને એ પણ જણાવ્યું ન હતું કે આ બેઠક ક્યારે અને ક્યાં યોજાશે.
મૃતકના માતા-પિતાએ 22 ઓક્ટોબરે અમિત શાહને પત્ર લખીને તેમની સાથે મુલાકાતની માંગણી કરી હતી,જેથી તેઓ ન્યાય મેળવવામાં તેમની મદદ લઈ શકે.અગાઉ,રાજ્ય ભાજપના નેતાઓએ 27 ઓક્ટોબરના રોજ કોલકાતાની મુલાકાત દરમિયાન શાહ સાથે મુલાકાત ગોઠવવાનો પ્રયાસ કર્યો હતો,પરંતુ તેમ થયું ન હતું.મૃતકના માતા-પિતાએ આ બાબતે નિરાશા વ્યક્ત કરી ન હતી અને આશા વ્યક્ત કરી હતી કે ભવિષ્યમાં તેમને ગૃહમંત્રીને મળવાની તક મળી શકે છે.
9 ઓગસ્ટના રોજ સેમિનાર હોલમાંથી આર.જી. કાર હોસ્પિટલમાં ફરજ પરની મહિલા ડૉક્ટરનો મૃતદેહ મળી આવ્યો હતો.તેણીના દુષ્કર્મ અને હત્યાનો કેસ પ્રકાશમાં આવ્યા પછી,સમગ્ર પશ્ચિમ બંગાળના જુનિયર ડોકટરોએ ન્યાયની માંગણી સાથે ‘વર્ક-બૉયકોટ’ શરૂ કર્યું. 42 દિવસના આંદોલન બાદ રાજ્ય સરકારના આશ્વાસન પર 21 સપ્ટેમ્બરના રોજ ડોક્ટરોએ તેમની હડતાળ સમાપ્ત કરી હતી.
આ જઘન્ય અપરાધની પ્રાથમિક તપાસ કોલકાતા પોલીસ દ્વારા હાથ ધરવામાં આવી હતી,જેમાં એક નાગરિક સ્વયંસેવકની ધરપકડ કરવામાં આવી હતી.આ પછી, કલકત્તા હાઈકોર્ટના આદેશ પરતપાસ સીબીઆઈને સોંપવામાં આવી હતી.
SORCE : હિન્દુસ્તાન સમાચાર
