હેડલાઈન :
- કોંગ્રેસની હિામાચલ સરકારનો હાઈકોર્ટ તરફથી મોટા ઝટકો
- દિલ્હી સ્થિત હિમાચલ ભવનને અટેચ કરવા આદેશ કર્યો
- રૂ.64 કરોડના લેણાંને લઈ હાઈકોર્ટે આ આદેશ આપ્યો હતો
- કંપનીને હિમાચલ ભવનની હરાજી કરવા મંજૂરી આપવા સૂચન
- બાકી રકમ વસૂલવા હિમાચલ ભવનની હરાજીની મંજૂરી આપો
હિમાચલ પ્રદેશમાં કોંગ્રેસની સુખુ સરકારને હાઈકોર્ટ તરફથી મોટો ઝટકો લાગ્યો છે.હાઈકોર્ટે દિલ્હી સ્થિત હિમાચલ ભવનને અટેચ કરવાનો આદેશ આપ્યો છે.
સેલી હાઇડ્રો ઇલેક્ટ્રિક પાવર કંપની લિમિટેડ દ્વારા દાખલ કરવામાં આવેલી અનુપાલન અરજીની સુનાવણી બાદ આ આદેશો જારી કરવામાં આવ્યા છે.કોર્ટે આદેશ આપ્યો છે કે કંપનીને તેની બાકી રકમ વસૂલવા માટે હિમાચલ ભવનની હરાજી કરવાની મંજૂરી આપવામાં આવે.
હિમાચલ પ્રદેશ હાઈકોર્ટના ન્યાયાધીશ અજય મોહન ગોયલે રૂ.64 કરોડના લેણાંને લઈને આ આદેશ આપ્યો હતો. વાસ્તવમાં,હિમાચલ સરકારે એક વીજ કંપનીના લેણાં ચૂકવ્યા ન હતા,જેના માટે હાઇકોર્ટે આ આદેશ જારી કર્યો છે અને કંપનીને હિમાચલ ભવનની હરાજી પછી તેની બાકી રકમ વસૂલવાની સુવિધા આપી છે.
– શું છે સમગ્ર મામલો
કેસ મુજબ,સેલી હાઇડ્રો પાવર કંપની નામની કંપનીએ સરકારને રૂ.64 કરોડનું અપફ્રન્ટ પ્રીમિયમ લેણું લેવું છે, જેની ચૂકવણી ન કરવા બદલ હાઇકોર્ટે આ આદેશ આપ્યો છે.લાહૌલ સ્પીતિમાં સ્થિત પાવર પ્રોજેક્ટના સંચાલન માટે સેલી હાઇડ્રો પાવર કંપની દ્વારા આ રકમ રાજ્ય સરકારમાં અપફ્રન્ટ પ્રીમિયમ તરીકે જમા કરવામાં આવી હતી. બાદમાં કંપનીએ આ પ્રોજેક્ટ સરકારને પરત કર્યો કારણ કે કંપનીનો આરોપ છે કે સરકારે પ્રોજેક્ટના સંચાલન માટે જરૂરી સુવિધાઓ પૂરી પાડી નથી.આવી સ્થિતિમાં સરકાર દ્વારા કંપનીને અપફ્રન્ટ પ્રીમિયમની રકમ પરત કરવામાં આવી ન હતી, ત્યારબાદ કંપની આ મામલાને લઈને કોર્ટમાં પહોંચી હતી.
– કોર્ટે વ્યાજની રકમ 64 કરોડ રૂપિયા ચૂકવવાનો પણ આદેશ
હવે હાઈકોર્ટે કંપનીના હિતમાં નિર્ણય આપતાં દિલ્હીમાં હિમાચલ પ્રદેશની મિલકત હિમાચલ ભવનને અટેચ કરવાનો આદેશ આપ્યો છે.આ ઉપરાંત કોર્ટે વ્યાજની રકમ 64 કરોડ રૂપિયા ચૂકવવાનો પણ આદેશ કર્યો છે. હાઇકોર્ટે ઉર્જા વિભાગના અગ્ર સચિવને આદેશ કર્યો છે કે કયા અધિકારી કે અધિકારીઓની બેદરકારીના કારણે હજુ સુધી આ રકમ કેમ જમા કરવામાં આવી નથી તેની હકીકતલક્ષી તપાસ કરવા.આ સાથે કોર્ટે કહ્યું કે દોષિત અધિકારીઓ પાસેથી વ્યક્તિગત રીતે આ વ્યાજની રકમ વસૂલવાના આદેશ આપવામાં આવશે.હાઈકોર્ટે કેસની તપાસ માટે 15 દિવસની સમયમર્યાદા નક્કી કરી છે અને આગામી સુનાવણીની તારીખ 6 ડિસેમ્બર,2024 નક્કી કરી છે.કોર્ટે રાજ્ય સરકારને સ્પષ્ટ માહિતી આપવા જણાવ્યું હતું કે હજુ સુધી બાકી રકમ કેમ ચૂકવવામાં આવી નથી.જ્યારે તે ઘણા વર્ષો પહેલા પુનઃપ્રાપ્ત થવું જોઈતું હતું.
– ક્યારનો છે આ મામલો
આ મામલો વર્ષ 2009 સાથે સંબંધિત છે,જ્યારે રાજ્યની તત્કાલિન સરકારે લાહૌલ સ્પીતિમાં સેલી હાઇડ્રો ઇલેક્ટ્રિક પાવર કંપની લિમિટેડને 320 મેગાવોટનો પાવર પ્રોજેક્ટ ફાળવ્યો હતો.આ અંતર્ગત બીઆરઓ દ્વારા કંપનીને રોડ બનાવવાનું કામ આપવામાં આવ્યું હતું.કરાર હેઠળ, સરકારે કંપનીને જરૂરી પાયાની સુવિધાઓ પૂરી પાડવાનું વચન આપ્યું હતું,જેથી પ્રોજેક્ટ સમયસર પૂર્ણ થઈ શકે.પરંતુ બાદમાં અનેક વિવાદોને કારણે કંપનીએ 2017માં હાઈકોર્ટમાં અરજી દાખલ કરી હતી, ત્યારબાદ મામલો કાનૂની ગૂંચવણોમાં ફસાઈ ગયો હતો. કંપનીનો આરોપ છે કે સરકાર આ પ્રોજેક્ટ માટે મૂળભૂત સુવિધાઓ પૂરી પાડવામાં નિષ્ફળ રહી છે.
– સરકાર નિર્ણયનો અભ્યાસ કરશેઃ CM સુખુ
રાજ્યના મુખ્યપ્રધાન સુખવિંદર સિંહ સુખુનું કહેવું છે કે તેમણે હજુ સુધી હાઈકોર્ટના આદેશની નકલ વાંચી નથી. તેમણે કહ્યું કે અપફ્રન્ટ પ્રીમિયમ 2006ની ઊર્જા નીતિ હેઠળ નક્કી કરવામાં આવે છે.આર્બિટ્રેશનનો નિર્ણય ચિંતાજનક છે અને સરકાર આ નિર્ણયનો અભ્યાસ કરશે.
#WATCH हिमाचल प्रदेश उच्च न्यायालय द्वारा दिल्ली स्थित हिमाचल भवन को अटैच करने की खबरों पर भाजपा प्रवक्ता प्रदीप भंडारी ने कहा, "राहुल गांधी की 'खटाखट' राजनीति और अर्थशास्त्र के कारण उच्च न्यायालय ने हिमाचल भवन को नीलाम करने का निर्देश दिया है, क्योंकि हिमाचल प्रदेश सरकार बिजली… pic.twitter.com/GmOflqttZr
— ANI_HindiNews (@AHindinews) November 19, 2024
– ભાજપે સરકાર પર નિશાન સાધ્યું
દરમિયાન, હિમાચલ ભવનની હરાજી કરવાના આદેશે રાજ્યની શાસક સુખુ સરકારની મુશ્કેલીઓ વધારી દીધી છે. હાલમાં આ મુદ્દો વિપક્ષ માટે એક મોટું રાજકીય હથિયાર બનતો જોવા મળી રહ્યો છે.હાઈકોર્ટના નિર્ણય બાદ હિમાચલ પ્રદેશ ભાજપે કોંગ્રેસ સરકાર પર જોરદાર નિશાન સાધ્યું છે. વિપક્ષના નેતા જયરામ ઠાકુરે કહ્યું કે રાજ્યનું ગૌરવ ગણાતું હિમાચલ ભવન આજે જપ્ત થવાના આરે છે. રાજ્ય માટે આ ખૂબ જ શરમજનક ઘટના છે. મુખ્યમંત્રી અને તેમની સરકારે રાજ્યની પ્રતિષ્ઠાને ઠેસ પહોંચાડી છે અને હિમાચલ હવે હરાજીના તબક્કામાં છે.આ સાથે જ ભાજપના પ્રદેશ અધ્યક્ષ ડો.રાજીવ બિંદલે પણ રાજ્ય સરકાર પર આકરા પ્રહારો કર્યા હતા. તેમણે કહ્યું કે, હાઈકોર્ટે રાજ્ય સરકાર પર પ્રશ્નાર્થ ચિહ્ન મૂક્યું છે. સરકાર કોર્ટમાં પોતાનો કેસ રજૂ કરી શકતી નથી, તેથી હિમાચલ ભવનને અટેચ કરવાનો આદેશ આપવામાં આવ્યો છે. સરકારની નિષ્ફળતાનો આ સીધો પુરાવો છે.
#WATCH शिमला: हिमाचल प्रदेश उच्च न्यायालय द्वारा दिल्ली स्थित हिमाचल भवन को अटैच करने की खबरों पर राज्य सरकार में मंत्री विक्रमादित्य सिंह ने कहा, "हिमाचल प्रदेश में कई हाइड्रो प्रोजेक्ट हैं और जब भी कोई हाइड्रो प्रोजेक्ट स्थापित होता है तो उसका अग्रिम पैसा जरूर दिया जाता है और… pic.twitter.com/R1MHpkYGUt
— ANI_HindiNews (@AHindinews) November 19, 2024
– શું કહે છે હિમાચલ સરકારની મંત્રી
હિમાચલ પ્રદેશ હાઈકોર્ટ દ્વારા દિલ્હીમાં હિમાચલ ભવનને અટેચ કરવાના સમાચાર પર રાજ્ય સરકારના મંત્રી વિક્રમાદિત્ય સિંહે કહ્યું,”હિમાચલ પ્રદેશમાં ઘણા હાઈડ્રો પ્રોજેક્ટ છે અને જ્યારે પણ કોઈ હાઈડ્રો પ્રોજેક્ટ સ્થપાય છે,ત્યારે તેના એડવાન્સ મની ચોક્કસપણે આપવામાં આવે છે અને દરેક કિસ્સામાં આવું થાય છે.ભલે તે PSU પ્રોજેક્ટ હોય કે વ્યક્તિગત પ્રોજેક્ટ જો સમયમર્યાદા પૂરી ન થાય,તો બિડર્સ અથવા જેમણે એવોર્ડ મેળવ્યો હોય તેઓ તેમના એડવાન્સ પૈસા ગુમાવે છે.આવી બાબતો દરેક સરકારમાં થાય છે,હું હાઇકોર્ટના આદેશ પર ટિપ્પણી કરવા માંગતો નથી,પરંતુ હિમાચલ ભવન અ સમગ્ર હિમાચલ પ્રદેશનો અરિસો છે.તે હિમાચલ પ્રદેશનું પ્રતિક છે.અને હિમાચલ ભવનને સાથે જોડવાની વાત છે,તે સુપ્રીમ કોર્ટમાં હોય કે ડબલ બેન્ચમાં માત્ર કાયદાકીય રીતે જ કાર્યવાહી થવી જોઈએ…”
હિન્દુસ્તાન સમાચાર
