હેડલાઈન :

• પ્રિયંકા ગાંધી વાડ્રાની પેલેસ્ટાઈન લખેલી બેગનો વિવાદ
• પ્રિયંકા ગાંધી વાડ્રાની બેગને લઈને નવો વિવાદ સર્જાયો
• પ્રિયંકા ગાંધીની બેગમાં પેલેસ્ટાઈનના પ્રતિકો પણ હતા
• પાકિસ્તામાં પ્રિયંકા ગાંધીની બેગના ફોટાના વખાણ થયા
• પાકિસ્તાનના પૂર્વ મંત્રીએ પ્રિયંકાની બેગના વખાણ કર્યા

કોંગ્રેસ સાંસદ પ્રિયંકા ગાંધી સોમવારે પેલેસ્ટાઈન લખેલી બેગ લઈને સંસદ પહોંચ્યા હતા. હવે પાકિસ્તાનમાં પણ તેના પગલાના વખાણ થઈ રહ્યા છે.જેને લઈ ભારતમાં મોટો વિવાદ સર્જાયો છે.

પ્રિયંકા ગાંધી વાડ્રાએ સંસદમાં પેલેસ્ટાઈન લખેલી બેગ લઈને નવો વિવાદ સર્જ્યો છે.બેગમાં પેલેસ્ટાઈનના પ્રતીકો પણ હતા,જેમ કે તરબૂચ,જે આંતરરાષ્ટ્રીય સ્તરે પેલેસ્ટાઈનના પ્રતિકારનું પ્રતીક માનવામાં આવે છે. આ ઘટના એવા સમયે સામે આવી છે જ્યારે પ્રિયંકા ગાંધીએ ઈઝરાયેલની સૈન્ય કાર્યવાહીની આકરી ટીકા કરી હતી અને પેલેસ્ટાઈનના સમર્થનમાં નિવેદનો આપ્યા હતા.હવે પ્રિયંકાની આ તસવીર સોશિયલ મીડિયા પર વાયરલ થઈ છે,જેના પર લોકો પોતાની પ્રતિક્રિયા આપી રહ્યા છે.

થોડા દિવસો પહેલા પ્રિયંકા ગાંધી પેલેસ્ટાઈન એમ્બેસીના કાર્યવાહક વડા અબેદ અલરાઝેગ અબુ જાઝરને મળ્યા હતા.આ બેઠકમાં ગાઝામાં ચાલી રહેલા સંઘર્ષ પર ચર્ચા કરવામાં આવી હતી અને ભારતને યુદ્ધવિરામના સમર્થનમાં પગલાં ભરવાની અપીલ કરવામાં આવી હતી.આ સિવાય કોંગ્રેસે તેની વર્કિંગ કમિટી ની બેઠકમાં પેલેસ્ટાઈનના સમર્થનમાં એક ઠરાવ પણ પસાર કર્યો હતો,જેમાં ઈઝરાયેલના પગલાંની નિંદા કરવામાં આવી હતી.જો કે,આ ઠરાવમાં પેલેસ્ટિનિયન આતંકવાદી સંગઠન હમાસ દ્વારા કરવામાં આવેલા હુમલાનો કોઈ ઉલ્લેખ કરવામાં આવ્યો ન હતો,જેથી મુસ્લિમ વોટબેંક ગુસ્સે ન થાય,કારણ કે ભારતના મુસ્લિમો હમાસને આતંકવાદી માનતા નથી,જેમ કે અન્ય દેશો જેમ કે પેલેસ્ટાઈન,પાકિસ્તાન.તેઓ જેહાદીઓને આતંકવાદી માનતા નથી.

કોંગ્રેસના આ પગલાંથી સવાલ થાય છે કે પેલેસ્ટાઈનની નિંદા કરતો ઠરાવ પસાર કરનાર કોંગ્રેસ બાંગ્લાદેશમાં હિન્દુઓ પર થઈ રહેલા અત્યાચાર પર કેમ મૌન છે? છેલ્લા પાંચ મહિનામાં,બાંગ્લાદેશમાં ઇસ્લામિક કટ્ટરપંથીઓએ હિન્દુઓની હત્યા કરી છે,તેમના ઘરો અને મંદિરોને બાળી નાખ્યા છે અને મહિલાઓ પર બળાત્કાર કર્યો છે.આમ છતાં કોંગ્રેસે આ અંગે એક પણ નિંદા પ્રસ્તાવ પસાર કરવાની હિંમત કરી ન હતી.આનું કારણ સ્પષ્ટ છે.બાંગ્લાદેશમાં અત્યાચારના ગુનેગારો મુસ્લિમો છે,જેઓ ભારતમાં કોંગ્રેસની વોટ બેંકનો મોટો હિસ્સો બનાવે છે.કોંગ્રેસ ઈસ્લામિક કટ્ટરપંથીઓ સામે ખુલ્લેઆમ બોલવામાં અચકાય છે કારણ કે તેનાથી તેની મુસ્લિમ વોટ બેંકને અસર થઈ શકે છે.

હવે,સાંસદ બનતાની સાથે જ પ્રિયંકા ગાંધીએ હજારો કિલોમીટર દૂર ચાલી રહેલા ઈઝરાયેલ-પેલેસ્ટાઈન યુદ્ધની ચિંતા કરવા લાગી.તેણે પેલેસ્ટાઈન લખેલી બેગ દ્વારા સંસદમાં પોતાનું સમર્થન વ્યક્ત કર્યું હતું. આનાથી એવી છાપ ઊભી થઈ કે પ્રિયંકા ગાંધી આ પગલા દ્વારા મુસ્લિમ વોટબેંકને વધુ મજબૂત કરવાનો પ્રયાસ કરી રહી છે. ભાજપે આ મામલાને કોંગ્રેસની તુષ્ટિકરણની રાજનીતિ ગણાવી છે.ભાજપના નેતા સંબિત પાત્રાએ પ્રિયંકાની બેગને “તુષ્ટિકરણ બેગ” ગણાવી હતી અને કહ્યું હતું કે કોંગ્રેસે હંમેશા લઘુમતીઓને ખુશ કરવા માટે પ્રતીકાત્મક પગલાં લીધાં છે. પાત્રાએ કટાક્ષ કર્યો, “પ્રિયંકા ગાંધીની આ બેગ દર્શાવે છે કે કોંગ્રેસની પ્રાથમિકતા ભારતના નાગરિકો નથી, પરંતુ વિદેશના મુદ્દાઓ છે.”

સૌથી ગંભીર બાબાત એ છે કે આ મામલે હવે પાકિસ્તામાં પ્રિયંકા ગાંધીની બેગના ફોટાના વખાણ થઈ રહ્યા છે. કોંગ્રેસ સાંસદ પ્રિયંકા ગાંધી સોમવારે પેલેસ્ટાઈન લખેલી બેગ લઈને સંસદ પહોંચ્યા હતા.હવે પાકિસ્તાનમાં પણ તેના પગલાના વખાણ થઈ રહ્યા છે.પાકિસ્તાનના પૂર્વ મંત્રી ફવાદ હસન ચૌધરીએ પ્રિયંકા ગાંધીની આ તસવીર સોશિયલ મીડિયા પ્લેટફોર્મ X પર શેર કરી છે.

-શું કહ્યું ફવાદ ચૌધરીએ?
પાકિસ્તાની નેતા ફવાદ ચૌધરીએ લખ્યું, ‘જવાહરલાલ નેહરુ જેવા મહાન સ્વતંત્રતા સેનાનીની પૌત્રી પાસેથી આપણે બીજી શું અપેક્ષા રાખી શકીએ? પ્રિયંકા ગાંધી વામન વચ્ચે ઉંચા ઉભા છે,શરમજનક વાત છે કે આજ સુધી પાકિસ્તાની સંસદના કોઈ સભ્યે આવી હિંમત દાખવી નથી.

– પ્રિયંકા ગાંધી સંસદ પહોંચ્યા હતા
કોંગ્રેસ સાંસદ પ્રિયંકા ગાંધી વાડ્રા સોમવારે પેલેસ્ટાઈનના લોકો પ્રત્યે સમર્થન અને એકતા દર્શાવતા “પેલેસ્ટાઈન” લખેલી હેન્ડબેગ લઈને સંસદ પહોંચ્યા હતા. કોંગ્રેસના મહાસચિવ અને વાયનાડની સાંસદ પ્રિયંકા ગાઝામાં ઈઝરાયેલની કાર્યવાહી સામે અવાજ ઉઠાવી રહી છે.