હેડલાઈન :
- ‘વન નેશન-વન ઈલેક્શન’ને લઈ JPC ની રચના
- પ્રિયંકા ગાંધી અને અનુરાગ ઠાકુર સહિત 31 સભ્યો
- ભાજપ સાંસદ પી.પી.ચૌધરી આ સમિતિના અધ્યક્ષ
- સમિતિમાં લોકસભાના 21 અને રાજ્યસભાના 10 સાંસદો
લોકસભામાં વન નેશન-વન ઈલેક્શન બિલની સ્વીકૃતિ બાદ હવે JPC એટલે કે સંયુક્ત સંસદીય સમિતિની રચના કરવામાં આવી છે. આ સમિતિમાં 31 સભ્યોનો સમાવેશ કરવામાં આવ્યો છે.
તમને જણાવી દઈએ કે ભાજપ સાંસદ પી.પી.ચૌધરી આ સમિતિની અધ્યક્ષતા કરશે.અનુરાગ ઠાકુર,પ્રિયંકા ગાંધી જેવા દિગ્ગજ સાંસદો પણ આ સમિતિનો ભાગ છે.આ સમિતિમાં લોકસભાના 21 અને રાજ્યસભાના 10 સાંસદો હશે.
'एक राष्ट्र एक चुनाव' के लिए संयुक्त संसदीय समिति (जेपीसी) में राज्यसभा से 10 सदस्य और लोकसभा से 21 सदस्य शामिल होंगे।
प्रियंका गांधी वाड्रा, मनीष तिवारी, धर्मेंद्र यादव, कल्याण बनर्जी, सुप्रिया सुले, श्रीकांत एकनाथ शिंदे, संबित पात्रा, अनिल बलूनी, अनुराग सिंह ठाकुर को जेपीसी… pic.twitter.com/uztl8WMZoM
— ANI_HindiNews (@AHindinews) December 18, 2024
– 31 સભ્યોની સંયુક્ત સંસદીય સમિતિ
હવે 31 સભ્યોની સમિતિ એક દેશ એક ચૂંટણી પ્રસ્તાવ પર વિસ્તૃત ચર્ચા કરશે.અમે વિવિધ પક્ષો અને નિષ્ણાતો સાથે પણ આ અંગે ચર્ચા કરીશું.એ પણ જોવામાં આવશે કે શું આ દરખાસ્ત બંધારણના સંઘીય માળખા અને લોકશાહીના સિદ્ધાંતો પર અસર તો નથી કરતી,એટલે કે વન નેશન-વન ઇલેક્શન સાથે જોડાયેલી દરેક બાબતોનો વિગતવાર અભ્યાસ કરવામાં આવશે.જે બાદ કમિટી પોતાની ભલામણ સરકારને આપશે.
– બિલ પાસ કરવું સરકાર માટે મુશ્કેલ
JPCની ભલામણો બાદ કેન્દ્રની મોદી સરકાર આ બિલને સંસદમાં પાસ કરાવવા માટે લાવશે,પરંતુ સરકાર માટે વન નેશન-વન ઈલેક્શન બિલ પસાર કરવું મુશ્કેલ સાબિત થઈ શકે છે.કારણ કે વન નેશન-વન ઇલેક્શન બિલ એ બંધારણ સંશોધન બિલ છે.તેને પસાર કરવા માટે બંને ગૃહોમાં વિશેષ બહુમતી જરૂરી છે.વિશેષ બહુમતીનો અર્થ એ છે કે બિલને દરેક ગૃહમાં હાજર રહેલા અને મતદાન કરનારા સભ્યોની બે તૃતીયાંશ બહુમતી દ્વારા મંજૂર કરવામાં આવવું જોઈએ.બંધારણની કલમ 368(2)માં વિશેષ બહુમતીનો ઉલ્લેખ છે.
– બિલ નંબર્સની રમતમાં અટવાશે?
જો લોકસભાના જો લોકસભાના તમામ 543 સભ્યો આ બિલ પાસ કરાવવામાં ભાગ લે છે,તો બે તૃતીયાંશના હિસાબે આ બિલ પસાર કરવા માટે 362 વોટની જરૂર પડશે.તેવી જ રીતે રાજ્યસભામાં આ બિલ પસાર કરવા માટે 164 વોટની જરૂર છે.હાલમાંNDA પાસે લોકસભામાં 292 સાંસદો અને રાજ્યસભામાં 112 બેઠકો છે અને 6 નામાંકિત સાંસદો પણ NDAની તરફેણમાં છે.વિપક્ષની વાત કરીએ તો આ બિલનો વિરોધ કરી રહેલા રાજકીય પક્ષો પાસે લોકસભામાં 205 અને રાજ્યસભામાં 85 બેઠકો છે.મતલબ કે નંબર ગેમ પ્રમાણે વન નેશન-વન ઇલેક્શન બિલ પસાર કરવા માટે સરકારને વિપક્ષના સમર્થનની જરૂર પડશે.
