હેડલાઈન :
- આજે 26 ડિસેમ્બર એટલે વીર બાળ દિવસ
- અમદાવાદના ગુરુદ્વારા ખાતે કાર્યક્રમ
- મુખ્યમંત્રી ભૂપેન્દ્ર પટેલ સહભાગી થયા
- મુખ્યમંત્રીઅ લંગર સેવામાં ભોજન પીરસ્યું
- મુખ્યમંત્રીએ વીર બાળ દિવસ નિમિત્તે સંબોધન કર્યુ
- “બાળકોમાં રાષ્ટ્ર પ્રથમનો ભાવ જાગૃત કરતો દિવસ “
મુખ્યમંત્રી ભૂપેન્દ્ર પટેલ વીર બાળ દિવસે અમદાવાદના થલતેજ ગુરુદ્વારાની ઉજવણીમાં સહભાગી થયા,તો તો તેમણે લંગર સેવામાં ભોજન પીરસ્યું હતુ.
શીખ સંપ્રદાયના ગુરુ ગોવિંદસિંહજીના બે નાના પુત્રોએ રાષ્ટ્ર અને ધર્મ રક્ષા માટે આપેલા બલિદાનની સ્મૃતિમાં વડાપ્રધાન નરેન્દ્ર મોદીની પ્રેરણાથી 2022 થી 26 ડિસેમ્બરને દેશભરમાં વીર બાળ દિવસ તરીકે ઉજવાવામાં આવે છે.
Live: વીર બાળ દિવસ નિમિત્તે અમદાવાદમાં થલતેજ ગુરુદ્વારા ખાતે આયોજિત કાર્યક્રમમાં ઉપસ્થિતિ. https://t.co/6FKc3pzKbq
— Bhupendra Patel (@Bhupendrapbjp) December 26, 2024
મુખ્યમંત્રીએ આ પ્રસંગે કહ્યું કે,દેશના સ્વાભિમાન અને સ્વધર્મ રક્ષા માટે પરંપરાનું મહત્વનું યોગદાન ત્યાગ તપસ્યા અને બલિદાનથી ભરેલું છે. તેમણે ઉમેર્યું કે, વીર બાલ દિવસ દેશના યુવાનો અને બાળકોમાં રાષ્ટ્ર પ્રથમનો ભાવ પ્રેરિત કરનારો મહત્વપૂર્ણ દિવસ છે.વીર બાળ દિવસ એ સંસ્કૃતિ અને માતૃભૂમિના રક્ષણ તથા સ્વાભિમાન ખાતર ધર્મ પરિવર્તન સામે ઝુકવાના બદલે પોતાના પ્રાણની આહુતિ આપવાની આપણી શૌર્યગાથાનું પ્રતીક છે એમ પણ તેમણે જણાવ્યું હતું.
મુખ્યમંત્રીએ જણાવ્યું કે,વડાપ્રધાન નરેન્દ્ર મોદીએ દેશમાં દશકોથી ચાલતી આવતી પરંપરાને ભારતીય સભ્યતા સાથે સુસંગત રીતે જોડી છે.દેશના બાળકોની વિશેષ ઉપલબ્ધિઓ,સાહસ અને સૌર્યને બિરદાવવા દર વર્ષે 26મી જાન્યુઆરીએ રાષ્ટ્રીય બાળ પુરસ્કાર આપવામાં આવે છે.પરંતુ વડાપ્રધાને આ વર્ષથી વીર બાલ દિવસે આ પુરસ્કાર આપવાની નવી પ્રથા શરૂ કરી છે.
મુખ્યમંત્રી ભૂપેન્દ્ર પટેલે ગુરુદ્વારામાં યોજાયેલા શબદ કીર્તનમાં જોડાયા હતા અને ભક્તિભાવ પૂર્વક ગુરુ ગ્રંથ શાહેબના દર્શન પૂજન તેમણે કર્યા હતા. આ પ્રસંગે શહેરના મેયર પ્રતિભાબહેન જૈન,સાંસદ દિનેશભાઈ મકવાણા,ધારાસભ્ય અમિતભાઈ શાહ, જીતુભાઈ પટેલ,અમુલભાઇ ભટ્ટ, દર્શનાબહેન વાઘેલા, ડેપ્યુટી મેયર જતીન પટેલ,સ્ટે. ચેરમેન દેવાંગભાઈ દાણી તથા પ્રદેશ અને શહેર સંગઠનના પદાધિકારીઓ અને મોટી સંખ્યામાં શીખ સમુદાયના ભાવિકો ઉપસ્થિત રહ્યા હતા.
