હેડલાઈન :
- વર્ષ 2024 ભારતીય અર્થવ્યવસ્થા માટે ધમાકેદાર રહ્યું
- વર્ષ 2024મા ભારતનો GDP વૃદ્ધિ દર 8.2 ટકા નોંધાયો
- કેન્દ્ર સરકારે 7.3 ટકા વૃદ્ધિ દરનો અંદાજ લગાવ્યો હતો
- સરકારના અંદાજથી વધુ વૃદ્ધિ દર અર્થવ્યવસ્થાની મજબૂતાઈ
- વર્ષ 2024માં ભારતનો GDP રૂ.47.24 લાખ કરોડ પર પહોંચ્યો
- વર્ષ 2027 સુધી ભારતને વિશ્વની ત્રીજી સૌથી મોટી અર્થવ્યવસ્થાનું લક્ષ્ય
- ભારતની સતત વધી રહેલી અર્થવ્યવસ્થામાં રાજ્યોનો મોટો ફાળો
- મહારાષ્ટ્ર દેશનું સૌથી ધનિક રાજ્ય રહ્યું,તમિલનાડુ બીજા ક્રમે
- કર્ણાટક દેશનું ત્રીજુ ધનિક રાજ્ય તો ગુજરાત ચોથા નંબરે રહ્યું
વર્ષ 2024 ભારતીય અર્થવ્યવસ્થા માટે ખૂબ જ ખાસ અને સફળ સાબિત થયું.આ વર્ષે ભારતનો GDP વૃદ્ધિ દર 8.2 ટકા નોંધાયો હતો.નોંધનિય છે કે સરકારે માત્ર 7.3 ટકા વૃદ્ધિ દરનો અંદાજ લગાવ્યો હતો.
સરકારના અંદાજ કરતા વધુ વૃદ્ધિ દર અર્થવ્યવસ્થાની મજબૂતાઈ દર્શાવે છે.આ વર્ષે ભારતનો GDP 47.24 લાખ કરોડ રૂપિયા પર પહોંચી ગયો છે,જેના પછી ભારત વિશ્વની 5મી સૌથી મોટી આર્થિક શક્તિ તરીકે ઉભરી આવ્યું છે. S&P ગ્લોબલ માર્કેટ ઇન્ટેલિજન્સ અનુસાર, ભારતનું અર્થતંત્ર 2030 સુધીમાં $7 ટ્રિલિયનને પાર કરી શકે છે. તે જ સમયે, કેન્દ્રની મોદી સરકારે 2027 સુધીમાં ભારતને વિશ્વની ત્રીજી સૌથી મોટી અર્થવ્યવસ્થા બનાવવાનું લક્ષ્ય રાખ્યું છે.
ભારતની સતત વધી રહેલી અર્થવ્યવસ્થામાં રાજ્યોનો મોટો ફાળો છે.ભારતના 28 રાજ્યો અને 8 કેન્દ્રશાસિત પ્રદેશો ભારતની અર્થવ્યવસ્થાનો આધાર છે.કેટલાક રાજ્યો માત્ર પ્રાદેશિક જ નહીં પરંતુ રાષ્ટ્રીય સ્તરે પણ આર્થિક વિકાસના મુખ્ય કેન્દ્રો તરીકે ઉભરી આવ્યા છે.
– રાજ્યોમાં મહારાષ્ટ્ર ટોચ પર
GDP અને GSDPના આંકડા જોઈએ તો આ રાજ્યોમાં મહારાષ્ટ્ર ટોચ પર છે.તે પછી આ વર્ષે તમિલનાડુ અને કર્ણાટક દેશના સૌથી અમીર રાજ્યો છે.જો આપણે મહારાષ્ટ્રની વાત કરીએ તો અહીં GSDPએટલે કે ગ્રોસ સ્ટેટ ડોમેસ્ટિક પ્રોડક્ટ 42.67 લાખ કરોડ રૂપિયા હતી,જે રાષ્ટ્રીય GDPના 13.3 ટકા છે.મહારાષ્ટ્ર સૌથી ધનિક રાજ્ય હોવા પાછળનું કારણ એ છે કે તેની પાસે નાણાકીય સેવાઓનું વિશાળ બજાર છે.મહારાષ્ટ્રની રાજધાની મુંબઈને દેશની આર્થિક રાજધાની કહેવામાં આવે છે.ફિલ્મ ઈન્ડસ્ટ્રી,ઈન્ડસ્ટ્રીઝ અને મોટી બેંકોનું હેડક્વાર્ટર મુંબઈમાં જ છે.આ સાથે નેશનલ સ્ટોક એક્સચેન્જ અને બોમ્બે સ્ટોક એક્સચેન્જ જેવી નાણાકીય સંસ્થાઓ પણ મુંબઈમાં છે. આ સિવાય રિલાયન્સ અને ટાટા જેવી કંપનીઓના હેડક્વાર્ટર પણ મુંબઈમાં આવેલા છે.
– તમિલનાડુ બીજા ક્રમે
દક્ષિણ ભારતીય રાજ્ય તમિલનાડુ રૂ.31.55 લાખ કરોડના GSDP સાથે મહારાષ્ટ્ર પછી બીજા ક્રમે છે. તમિલનાડુની અર્થવ્યવસ્થામાં આઈટી ક્ષેત્ર,ઓટોમોબાઈલ અને ટેક્સટાઈલ જેવા ઉદ્યોગોનું મહત્વનું યોગદાન છે. તમિલનાડુ દેશની અર્થવ્યવસ્થામાં મહત્વની ભૂમિકા ભજવે છે. તમને જણાવી દઈએ કે માથાદીઠ આવકના સંદર્ભમાં અન્ય રાજ્યોની સરખામણીમાં તમિલનાડુની સ્થિતિ ઘણી સારી છે.
-કર્ણાટક, દેશનું ત્રીજું ધનિક રાજ્ય
તમિલનાડુને અડીને આવેલું રાજ્ય કર્ણાટક ત્રીજા સૌથી ધનિક રાજ્ય છે. આ વર્ષે આ રાજ્યનો GSDP રૂ.28.09 લાખ કરોડ હતો.તમને જણાવી દઈએ કે રાષ્ટ્રીય GDPમાં કર્ણાટકનો ફાળો 8.2 ટકા છે. બેંગલુરુ શહેર આ રાજ્યમાં છે જે ભારતની સિલિકોન વેલી તરીકે ઓળખાય છે.કર્ણાટક આઈટી સેક્ટર, સ્ટાર્ટઅપ અને ઈનોવેશનના હબ તરીકે ઓળખાય છે.
-ગુજરાત નંબર-4 પર
ગુજરાત રાજ્ય ચોથું સૌથી ધનિક રાજ્ય છે.ગુજરાતનો GSDP રૂ. 27.9 લાખ કરોડ છે જે રાષ્ટ્રીય સરેરાશના 8.1 ટકા છે. પેટ્રોકેમિકલ્સ,ટેક્સટાઇલ અને ડાયમંડ પોલિશિંગ જેવા ઉદ્યોગો આ રાજ્યમાં પ્રભુત્વ ધરાવે છે.વેપારી વાતાવરણમાં ગુજરાત અગ્રેસર છે. અમદાવાદને ભારતનું માન્ચેસ્ટર કહેવામાં આવે છે.
– પાંચમા ક્રમે ઉત્તર પ્રદેશ
સૌથી વધુ વસ્તી ધરાવતું રાજ્ય ઉત્તર પ્રદેશ પાંચમા ક્રમે છે. યુપીનો GSDP 24.99 લાખ કરોડ રૂપિયા છે.રાષ્ટ્રીય GDPમાં આ રાજ્યનું યોગદાન 8.4 ટકા છે. પરંતુ યુપીની માથાદીઠ આવક 0.96 લાખ રૂપિયા છે. જે અન્ય રાજ્યોની સરખામણીમાં ઘણું ઓછું છે.
– દેશના અન્ય રાજ્યોની સ્થિતિ
પશ્ચિમ બંગાળ: રૂ.18.8 લાખ કરોડ GSDP અને 5.6 ટકા રાષ્ટ્રીય યોગદાન સાથે છઠ્ઠા ક્રમે છે.
તેલંગાણા: રૂ.16.5 લાખ કરોડ GSDP અને 4.9% યોગદાન સાથે યાદીમાં 7મા ક્રમે છે.
આંધ્રપ્રદેશ: રૂ.15.89 લાખ કરોડ GSDP અને 4.7% યોગદાન સાથે 8મું સ્થાન.રાજધાની દિલ્હીમાં આ વર્ષે 11.07 લાખ કરોડ રૂપિયાનો GSDP નોંધાયો છે. રાષ્ટ્રીય જીડીપીમાં દિલ્હીનો ફાળો 3.6 ટકા છે.
