હેડલાઈન :
- વડાપ્રધાન નરેન્દ્ર મોદી આજે દેશને આપશે મોટી ભેટ
- વડાપ્રધાન મોદી રેલ્વેના વિવિધ પ્રોજેક્ટ ભેટ ધરશે
- જમ્મુ રેલ્વે ડિવિઝન-ચારલાપલ્લી ટર્મિનલ સ્ટેશનનું ઉદ્ઘાટન
- ઈસ્ટ કોસ્ટ રેલ્વેના રાયગઢ રેલ્વે ડિવિઝન બિલ્ડિંગનો શિલાન્યાસ
વડાપ્રધાન નરેન્દ્ર મોદી આજે 6 ડિસેમ્બરને સોમવારે નવા જમ્મુ રેલ્વે ડિવિઝન અને તેલંગાણામાં ચારલાપલ્લી નવા ટર્મિનલ સ્ટેશનનું ઉદ્ઘાટન કરશે અને ઈસ્ટ કોસ્ટ રેલ્વેના રાયગઢ રેલ્વે ડિવિઝન બિલ્ડિંગનો શિલાન્યાસ પણ કરશે.
વડાપ્રધાન નરેન્દ્ર મોદી આજે વીડિયો કોન્ફરન્સ દ્વારા વિવિધ રેલવે પ્રોજેક્ટ્સનું ઉદ્ઘાટન અને શિલાન્યાસ કરશે. પ્રધાનમંત્રી નવા જમ્મુ રેલ્વે ડિવિઝન અને તેલંગાણામાં ચારલાપલ્લી નવા ટર્મિનલ સ્ટેશનનું ઉદ્ઘાટન કરશે અને ઈસ્ટ કોસ્ટ રેલ્વેના રાયગઢ રેલ્વે ડિવિઝન બિલ્ડિંગનો શિલાન્યાસ પણ કરશે.આ માહિતી સરકારી રિલીઝમાં અને ભારતીય જનતા પાર્ટીના X હેન્ડલ પર શેર કરવામાં આવી છે.ભાજપ અનુસાર આ કાર્યક્રમ બપોરે 12.30 વાગ્યે થશે.
એક સરકારી રીલીઝ મુજબ,પઠાણકોટ-જમ્મુ-ઉધમપુર-શ્રીનગર-બારામુલ્લા,ભોગપુર સિરવાલ-પઠાણકોટ,બટાલા-પઠાણકોટ અને પઠાણકોટથી જોગીન્દર નગર સુધીના 742.1 કિલોમીટર લાંબા નવા જમ્મુ રેલ્વે વિભાગનું નિર્માણ જમ્મુને નોંધપાત્ર આર્થિક લાભ આપશે.કાશ્મીર અને આસપાસના વિસ્તારને ફાયદો થશે.સ્થાનિક લોકોની લાંબા સમયથી બાકી રહેલી આકાંક્ષા પૂર્ણ થશે અને ભારતના અન્ય ભાગો સાથે કનેક્ટિવિટી સુધરશે.તેનાથી રોજગારીની તકો ઉભી થશે.ઈન્ફ્રાસ્ટ્રક્ચરનો વિકાસ કરવામાં આવશે.પ્રવાસનને વેગ મળશે.વિસ્તારના સર્વાંગી વિકાસને પ્રોત્સાહન આપવામાં આવશે.
તેલંગાણાના મેડચલ-મલકાજગીરી જિલ્લામાં ચારલાપલ્લી ન્યૂ ટર્મિનલ સ્ટેશનને લગભગ રૂ.413 કરોડના ખર્ચે બીજા પ્રવેશની જોગવાઈ સાથે નવા કોચિંગ ટર્મિનલ તરીકે વિકસાવવામાં આવ્યું છે.આ પર્યાવરણને અનુકૂળ ટર્મિનલ છે.આનાથી સિકંદરાબાદ,હૈદરાબાદ અને કાચેગુડા જેવા શહેરોમાં હાલના કોચિંગ ટર્મિનલ પર ભીડ ઓછી થશે.વડાપ્રધાન નરેન્દ્ર મોદી ઈસ્ટ કોસ્ટ રેલ્વેના રાયગઢ રેલ્વે ડિવિઝન ઈમારતનો શિલાન્યાસ કરશે.આનાથી ઓડિશા,આંધ્રપ્રદેશ અને આસપાસના વિસ્તારોમાં કનેક્ટિવિટી સુધરશે અને પ્રદેશમાં સર્વાંગી વિકાસને પ્રોત્સાહન મળશે.
SORCE : હિન્દુસ્તાન સમાચાર
