હેડલાઈન :
- સંસદનું બજેટ સત્ર 31 જાન્યુઆરીથી શરૂ થઈ શકે
- કુલ બે તબક્કામાં યોજાઈ શકે સંસદનું બજેટ સત્ર
- પ્રથમ તબક્કો 31 જાન્યુઆરીથી 13 ફેબ્રુઆરી સુધી
- બીજો તબક્કો 10 માર્ચથી 4 એપ્રિલ સુધી યોજાઈ શકે
- 1 ફેબ્રુઆરીએ નાણામંત્રી નિર્મલા સિતારમણ બજેટ રજૂ કરશે
- નિર્મલા સિતારમણ 8 મી વખત બજેટ રજૂ કરશે
સંસદનું બજેટ સત્ર 31 જાન્યુઆરીથી શરૂ થવા જઈ રહ્યું છે.આ સત્ર બે તબક્કામાં યોજાશે.31 જાન્યુઆરીએ રાષ્ટ્રપતિ બંને ગૃહોના સંયુક્ત સત્રને સંબોધિત કરશે.
Budget session of Parliament to begin on January 31 with President's address
Read @ANI story | https://t.co/lEiVT8IEWH#Parliament #DroupadiMurmu #budget pic.twitter.com/exLV9LdgDc
— ANI Digital (@ani_digital) January 17, 2025
લોકસભા અને રાજ્યસભા સચિવાલય દ્વારા આપવામાં આવેલી માહિતી અનુસાર,સંસદનું વર્તમાન સત્ર બે તબક્કામાં યોજાશે.સંસદના બજેટ સત્રનો પહેલો ભાગ 31 જાન્યુઆરી,2025 ના રોજ શરૂ થશે અને 13 ફેબ્રુઆરીના રોજ સમાપ્ત થશે.સત્રનો બીજો ભાગ 10 માર્ચ, 2025 ના રોજ શરૂ થશે અને 4 એપ્રિલ, 2025 ના રોજ સમાપ્ત થશે.
31જાન્યુઆરીએ સવારે 11 વાગ્યે રાષ્ટ્રપતિ દ્રૌપદી મુર્મુ સંસદના સંયુક્ત સત્રને સંબોધિત કરશે.આ પછી આર્થિક સર્વે રજૂ કરવામાં આવશે.1લી ફેબ્રુઆરીએ નાણામંત્રી નિર્મલા સીતારમણ 8મી વખત બજેટ રજૂ કરશે તમને જણાવી દઈએ કે 18 મી લોકસભા ચૂંટણી અને મોદી સરકારના ત્રીજા કાર્યકાળ પછી આ પહેલું સામાન્ય બજેટ છે.આ પહેલા થયેલા શિયાળુ સત્રમાં ભારે હોબાળો થયો હતો.સંસદના શિયાળુ સત્રનો મોટાભાગનો સમય હંગામામાં ખોરવાઈ ગયો.
બજેટ સત્ર દરમિયાન દિલ્હી વિધાનસભાની ચૂંટણીને કારણે 5 ફેબ્રુઆરીએ સંસદની કાર્યવાહી યોજાશે નહીં.તે જ સમયે,રાષ્ટ્રપતિના અભિભાષણ પર આભાર પ્રસ્તાવ પર ચર્ચા 3 ફેબ્રુઆરીથી શરૂ થશે.નોંધનીય છે કે રાષ્ટ્રપતિના અભિભાષણ પર આભાર પ્રસ્તાવ પર બંને ગૃહોમાં ચર્ચા થાય છે અને સાંસદો આ ચર્ચામાં ભાગ લે છે.વડાપ્રધાન આખરે બંને ગૃહોમાં પોતાનો જવાબ આપે છે.જે પછી સત્ર સમાપ્ત થાય છે.
