હેડલાઈન :

• દેશનિકાલ કરેલા ભારતીયો અમેરિકાથી ભારત પહોંચ્યા
• US લશ્કરી વિમાને પંજાબના અમૃતસરમાં કર્યુ ઉતરાણ
• US લશ્કરી વિમાન C-17 અમૃતસર વિમાનમથક પહોંચ્યું
• 104 ભારતીયોમાં 72 પુરુષો,19 મહિલાઓ,13 બાળકોનો સમાવેશ
• અમેરિકાથી દેશનિકાલ થયેલ ભારતીયોમાં 33 ગુજરાતીઓનો સમાવેશ

અમેરિકાના 104 NRI ને લઈને એક અમેરિકન લશ્કરી વિમાન C-17 બુધવારે અમૃતસરના શ્રી ગુરુ રામદાસજી આંતરરાષ્ટ્રીય વિમાનમથક પર પહોંચ્યું.

#WATCH | US Air Force plane carrying Indian citizens who allegedly illegally migrated to USA lands in Punjab's Amritsar. pic.twitter.com/JmT1xApZKO

— ANI (@ANI) February 5, 2025

ડોનાલ્ડ ટ્રમ્પ રાષ્ટ્રપતિ બન્યા પછી અમેરિકાએ આટલી મોટી સંખ્યામાં ભારતીયોને પાછા મોકલ્યા હોય તેવું આ પહેલી વાર બન્યું છે.આ લોકો બુધવારે બપોરે અમેરિકન લશ્કરી વિમાન C-17 માં અમૃતસર એરપોર્ટ પર પહોંચ્યા હતા.આમાંથી 30 લોકો પંજાબના છે. પંજાબ પોલીસે એરપોર્ટ પર કડક સુરક્ષા વ્યવસ્થા કરી હતી.અમેરિકાથી પરત આવેલા 104 ભારતીયોમાં 72 પુરુષો, 19 મહિલાઓ અને 13 બાળકોનો સમાવેશ થાય છે.

દેશનિકાલ થયેલા ભારતીયોમાં પંજાબ,હરિયાણા અને ગુજરાતના લોકોની સંખ્યા વધારે છે.જેમાં પંજાબ ના 30 અને હરિયાણાના પણ 30 તો ગુજરાતના 33 લોકોનો સમાવેશ થાય છે.અને જો વાત કરીએ તો ગુજરાતમાં સૌથી વધુ મહેસાણા અને ગાંધીનગરના લોકોની સંખ્યા વધુ છે.તેમાં મહેસાણા અને ગાંધીનગરના 12-12 લોકો છે.તેમાં અમદાવાદ,પાટણ,આણંદ,ભરૂચ,વડોદરા વગેરે જિલ્લાના લોકો પણ છે.

વડાપ્રધાન નરેન્દ્ર મોદીની અમેરિકા મુલાકાત પહેલા જ NRI ને ભારત પરત મોકલી દેવામાં આવ્યા છે.PM મોદી બે દિવસની અમેરિકાની મુલાકાતે જઈ રહ્યા છે,જ્યાં તેઓ ટ્રમ્પ સાથે મુલાકાત અને વાતચીત કરવાના છે.તાજેતરમાં મોદી અને ટ્રમ્પે ફોન પર વાત કરી હતી.આમાં તેમણે વિશ્વમાં શાંતિ અને સુરક્ષાના મુદ્દા તેમજ ગેરકાયદેસર સ્થળાંતરના મુદ્દા પર ચર્ચા કરી.ટ્રમ્પે વાતચીત વિશે કહ્યું હતું કે PM મોદી સાથે સ્થળાંતરના મુદ્દા પર ચર્ચા થઈ હતી.ગેરકાયદેસર ઇમિગ્રન્ટ્સને પાછા લેવા માટે ભારત યોગ્ય પગલાં લેશે.ભારતે અમેરિકાને ખાતરી આપી છે કે તે ગેરકાયદેસર રીતે અમેરિકામાં પ્રવેશેલા ઇમિગ્રન્ટ્સને પાછા લઈને આ સમસ્યાનો સામનો કરવામાં સહયોગ કરશે.

વિદેશ મંત્રાલયના પ્રવક્તા રણધીર જયસ્વાલે ગયા મહિને કહ્યું હતું કે અમે ગેરકાયદેસર સ્થળાંતરની વિરુદ્ધ છીએ,ખાસ કરીને કારણ કે તે સંગઠિત ગુનાના ઘણા સ્વરૂપો સાથે જોડાયેલું છે.તેમણે કહ્યું કે જો કોઈ ભારતીય યોગ્ય દસ્તાવેજો વિના વિશ્વમાં ક્યાંય પણ રહે છે,તો અમે તેને પાછો લઈશું.જો અમને તેના દસ્તાવેજો આપવામાં આવે તો અમે તેની રાષ્ટ્રીયતાની પુષ્ટિ કરી શકીએ અને ખાતરી કરી શકીએ કે તે ખરેખર ભારતીય છે.જો આવું થશે,તો અમે આગળની કાર્યવાહી કરીશું અને તેને ભારત પાછા ફરવામાં મદદ કરીશું.

યુએસ ઇમિગ્રેશન અને કસ્ટમ્સ એન્ફોર્સમેન્ટ 2024 ના વાર્ષિક અહેવાલ મુજબ,છેલ્લા ત્રણ વર્ષમાં યુએસમાંથી દેશનિકાલ કરાયેલા ભારતીય નાગરિકોની સંખ્યામાં 400 ટકાનો વધારો થયો છે.આ રિપોર્ટ ગયા વર્ષે ડિસેમ્બરમાં બહાર પાડવામાં આવ્યો હતો.રિપોર્ટમાં કહેવામાં આવ્યું છે કે 2024 માં કુલ 1,529 ભારતીયોને દેશનિકાલ કરવામાં આવ્યા હતા,જ્યારે 2021 માં આ સંખ્યા માત્ર 292 હતી.2024 માં, યુએસ સરકારે ઇમિગ્રેશન નિયમોનો કડક અમલ કર્યો,જે હેઠળ દર છ કલાકે એક ભારતીયને દેશનિકાલ કરવામાં આવતો હતો.

મળતી માહિતી અનુસાર બંને દેશોએ લગભગ 18,000 ગેરકાયદેસર ભારતીય ઇમિગ્રન્ટ્સની ઓળખ કરી છે યુએસ કસ્ટમ્સ અને બોર્ડર પ્રોટેક્શનના ડેટા અનુસાર,નાણાકીય વર્ષ 2024 માં યુએસમાં ગેરકાયદેસર રીતે પ્રવેશ કરનારાઓમાં ભારતીય નાગરિકોનો હિસ્સો લગભગ ત્રણ ટકા હતો.

SORCE : નવ ભારત ટાઈમ્સ – NBT