હેડલાઈન :
- રાજસ્થાનમાં 45 જેટલા પરિવારોએ ફરી હિન્દુ ધર્મ અપનાવ્યો
- પરિવારોએ પુન: સનાતની હિન્દુ ધર્મ અપનાવી ઘર વાપસી કરી
- રાજસ્થાનના બાંસવાડા સોઢાલા દુદા ગામમાં યોજાયો કાર્યક્રમ
- પૈસા-મફત સારવારના લોભ માટે ખ્રિસ્તી ધર્મ અપનાવ્યો હતો
- ચર્ચની જગ્યાએ બનેલા મંદિરમાં ભૈરવજીની પ્રતિમાની સ્થાપના
- ધાર્મિક વિધિની શરૂઆત શોભાયાત્રાથી થઈ જેમાં હિન્દુઓ જોડાયા
રાજસ્થાનના બાંસવાડા જિલ્લાના સોઢાલા દુદા ગામમાં 40 થી 45 જેટલા હિન્દુ પરિવારોએ લગભગ 30 વર્ષ પછી ઘર વાપસી કરી છે.આ પરિવારોએ પૈસા અને મફત સારવારના લોભ માટે તે બધાએ ખ્રિસ્તી ધર્મ અપનાવ્યો હતો.
રવિવારે ચર્ચની જગ્યાએ બનેલા મંદિરમાં ભૈરવજીની પ્રતિમાની સ્થાપના વિધિવત રીતે કરવામાં આવી હતી.આ ધાર્મિક વિધિની શરૂઆત શોભાયાત્રાથી થઈ હતી.જેમાં મોટી સંખ્યામાં હિન્દુ અનુયાયીઓ અને ગૌતમ ગાર્સિયા જેવા ભૂતપૂર્વ ખ્રિસ્તી પાદરીઓ ભાગ લીધો હતો.આ પ્રસંગે પ્રદેશ રામ સ્વરૂપ મહારાજે જણાવ્યું હતું કે આ વિસ્તારમાં લાંબા સમયથી જનજાગૃતિનું કાર્ય ચાલી રહ્યું હતું અને ત્રિશૂલ દીક્ષા કાર્યક્રમ પછી, આ પરિવારોએ હિન્દુ ધર્મમાં પાછા ફરવાનો નિર્ણય લીધો છે.
ગૌતમ ગરાસિયાએ જણાવ્યું હતું કે તેમને ખ્રિસ્તી ધર્મ અપનાવવા માટે પૈસાની લાલચ આપવામાં આવી હતી અને ગુજરાતના ખ્રિસ્તી પરિવારો તેમના ગામમાં ચર્ચ બનાવવા માટે આવ્યા હતા.તેમણે જણાવ્યું કે ગામની જે જમીન પર પહેલા ચર્ચ બનાવવામાં આવ્યું હતું,ત્યાં એક મંદિર બનાવવામાં આવ્યું છે અને રવિવારે ભૈરવજીની મૂર્તિ સ્થાપિત કરવામાં આવી હતી.ગૌતમ આ મંદિરના પૂજારીનું કામ પણ જોશે.આ ઘટના બાદ ગામમાં ખુશીનો માહોલ છે. શનિવારે ગૌતમ અને ગામના લોકોએ ચર્ચને ભગવો રંગ કર્યો અને તેની દિવાલો પર ‘જય શ્રી રામ’ લખ્યું.મંદિર ઉપર ભગવાન શ્રી રામનો ધ્વજ ફરકાવવામાં આવ્યો હતો.
