હેડલાઈન :
- કેન્દ્રીય ગૃહમંત્રી અમિત શાહનું ABVP ની યુવા સંસદને સંબોધન
- અખિલ ભારતીય વિદ્યાર્થી પરિષદની યુવા સંસદનું થયુ આયોજન
- 10 વર્ષમાં ઉત્તર-પૂર્વના યુવકને સ્થાનિક કક્ષાએ રોજગાર મળશે
- એક પણ યુવાને રોજગાર માટે અન્યત્ર જવાની જરૂર નહી : અમિત શાહ
- અમિત શાહનો રાષ્ટ્ર નિર્માણમાં યુવાનોની ભાગીદારીના મહત્વ પર ભાર
- વિદ્યાર્થીઓને 2047 સુધીમાંવિકસિત ભારત માટે યોગદાનની પ્રેરણા આપી
કેન્દ્રીય ગૃહમંત્રી અમિત શાહે અખિલ ભારતીય વિદ્યાર્થી પરિષદ ABVP દ્વારા આયોજિત ઉત્તર-પૂર્વ વિદ્યાર્થી અને યુવા સંસદને સંબોધિત કરી.ગૃહમંત્રી શાહે કહ્યું કે 10 વર્ષમાં ઉત્તર-પૂર્વના એક પણ યુવકને રોજગાર માટે દેશના અન્ય ભાગોમાં જવું પડશે નહીં.તેમને ઉત્તર પૂર્વમાં જ રોજગારની તકો મળશે.
કેન્દ્રીય ગૃહમંત્રી અમિત શાહે પોતાના સંબોધનમાં રાષ્ટ્ર નિર્માણમાં યુવાનોની ભાગીદારીના મહત્વ પર ભાર મૂક્યો અને ઉત્તર-પૂર્વના વિદ્યાર્થીઓને 2047 સુધીમાં મજબૂત અને વિકસિત ભારત બનાવવા માટે યોગદાન આપવા પ્રેરણા આપી.તેમણે ઉત્તર-પૂર્વના યુવાનોમાં યુવાનોને સશક્ત બનાવવા, શૈક્ષણિક પહેલોને પ્રોત્સાહન આપવા અને સમુદાયની ભાવનાને પ્રોત્સાહન આપવા પર ભાર મૂક્યો હતો.
તેમણે કહ્યું કે જે રાજ્યમાં શાંતિ નથી ત્યાં વિકાસ થઈ શકતો નથી અને મોદી સરકારે ઉત્તર પૂર્વમાં શાંતિ લાવવાનું કામ કર્યું છે.ભાજપ સરકારની સૌથી મોટી સિદ્ધિ એ છે કે તેણે ઉત્તર-પૂર્વ અને બાકીના ભારત વચ્ચેનું અંતર ઘટાડ્યું છે.વર્ષ 2027 સુધીમાં, ઉત્તર-પૂર્વની દરેક રાજધાની ટ્રેન, હવાઈ અને માર્ગ દ્વારા જોડાયેલ હશે. શાહે કહ્યું કે આતંકવાદ,અલગતાવાદ,હિંસા,ડ્રગ્સ,બંધ અને પ્રાદેશિકતાએ ઉત્તર-પૂર્વને ઘણા ટુકડાઓમાં વહેંચી દીધું છે.આ કારણે, છેલ્લા 40 વર્ષોમાં જ્યારે દેશ વિકાસના માર્ગ પર આગળ વધી રહ્યો હતો,ત્યારે ઉત્તર-પૂર્વ પાછળ રહી ગયું. શાહે કહ્યું કે ભાજપના શાસન દરમિયાન ઉત્તર-પૂર્વને હંમેશા પ્રાથમિકતા આપવામાં આવી હતી.પૂર્વ વડાપ્રધાન અટલ બિહારીના કાર્યકાળ દરમિયાન ઉત્તર-પૂર્વ માટે એક અલગ મંત્રાલયની રચના કરવામાં આવી હતી. વડાપ્રધાન નરેન્દ્ર મોદીએ તમામ યોજનાઓના કેન્દ્રમાં ઉત્તર-પૂર્વને રાખવાનું કામ કર્યું છે.
કેન્દ્રીય ગૃહમંત્રી અમિત શાહે કહ્યું કે આજે આસામમાં 2700 કરોડ રૂપિયાનો સેમિકન્ડક્ટર પ્લાન્ટ સ્થાપિત થઈ રહ્યો છે,જે તમારા માટે ઉપયોગી થશે,એટલું જ નહીં,2.5 લાખ કરોડ રૂપિયાનું રોકાણ આવી રહ્યું છે.આ 10 વર્ષમાં તેનો પાયો નાખવાનું કામ પૂર્ણ થયું છે.10 વર્ષમાં પૂર્વોત્તરના એક પણ બાળક કે યુવકને કામ માટે દેશના અન્ય ભાગોમાં જવું પડશે નહીં.તમને ઉત્તર પૂર્વમાં જ રોજગાર મળશે.
