હેડલાઈન :
- ઓલિમ્પિક ગેમ્સ 2036 માટે ગુજરાત સરકારની ક્વાયત શરૂ
- ગુજરાત સરકારે ઓલિમ્પિક 2026ના ઓયોજનની તૈયારી શરી કરી
- સરદાર પટેલ સ્પોર્ટ્સ કોમ્પ્લેક્સમાં બનાવવામાં આવશે નવા સ્ટેડિયમ
- કેન્દ્રીય ગૃહમંત્રી અમિત શાહે ગુજરાત મુલાકાત સમયે આપ્યુ નિવેદન
- ઓલિમ્પિક 2036 માટે અમદાવાદમ ખાતે 10 નવા મોટા સ્ટેડિય બનશે
- ગાંધીનગરમાં રૂ.316.82 કરોડના ખર્ચે ‘પેરા હાઇ પર્ફોર્મન્સ સેન્ટર’ બનશે
ગૃહમંત્રી અમિત શાહે કહ્યું કે 2036 ઓલિમ્પિકનું આયોજન કરવા માટે અમદાવાદમાં 10 મોટા સ્ટેડિયમ બનાવવામાં આવશે.આ સ્ટેડિયમ નરેન્દ્ર મોદી ક્રિકેટ સ્ટેડિયમની બાજુમાં આવેલા સરદાર પટેલ સ્પોર્ટ્સ કોમ્પ્લેક્સમાં બનાવવામાં આવશે.ભારતે આ 10 સ્ટેડિયમમાં 2036 ઓલિમ્પિકનું આયોજન કરવાનો સંકલ્પ કર્યો છે.ગુજરાતે આ કાર્યક્રમની તૈયારીઓ શરૂ કરી દીધી છે.ગાંધીનગરમાં 316.82 કરોડ રૂપિયાના ખર્ચે બનનારા ‘પેરા હાઇ પર્ફોર્મન્સ સેન્ટર’નો વર્ચ્યુઅલી શિલાન્યાસ કર્યા બાદ તેમણે આ વાત કહી હતી.
ઓલિમ્પિક રમતો આયોજન સમિતિ દ્વારા 2036 રમતોનું આયોજન સ્થળ આ વર્ષે નક્કી કરવામાં આવશે. ભારત સરકારે અમદાવાદમાં ઓલિમ્પિક ગેમ્સનું આયોજન કરવાનો ઔપચારિક દાવો રજૂ કર્યો છે.અગાઉ અમિત શાહે વડનગરમાં ઓલિમ્પિક રમતો વિશે નિવેદન આપ્યું હતું અને કહ્યું હતું કે ગુજરાતમાં ઓલિમ્પિક રમતોનું આયોજન કરવાનું પીએમ મોદીનું સ્વપ્ન છે.કેન્દ્રીય ગૃહમંત્રી અને સહકાર મંત્રી અમિત શાહે કહ્યું કે ભારતે સંકલ્પ કર્યો છે કે 2036ની ઓલિમ્પિક રમતો અમદાવાદના મોટેરામાં સ્થિત વિશ્વના સૌથી મોટા નરેન્દ્ર મોદી ક્રિકેટ સ્ટેડિયમની બાજુમાં બનેલા સરદાર પટેલ સ્પોર્ટ્સ કોમ્પ્લેક્સમાં રમાશે. ગુજરાત સરકાર આ માટે તમામ તૈયારીઓ કરી રહી છે.
અમિત શાહે જણાવ્યું હતું કે ગાંધીનગરમાં 325 કરોડ રૂપિયાના ખર્ચે પેરા હાઇ પર્ફોર્મન્સ સ્પોર્ટ્સ સેન્ટર બનાવવામાં આવી રહ્યું છે.અહીં દિવ્યાંગ ખેલાડીઓને વૈશ્વિક સ્તરની તાલીમ મળશે.આખા દેશમાં ક્યાંય આવી સુવિધા નથી.આ કેન્દ્ર દોઢથી બે વર્ષમાં કાર્યરત થઈ જશે. શાહે કહ્યું કે જ્યારે નરેન્દ્ર મોદી ગુજરાતના મુખ્યમંત્રી હતા,ત્યારે તેઓ ‘ખેલે ગુજરાત’ કહેતા હતા અને હવે વડાપ્રધાન તરીકે ગુજરાતની ભૂપેન્દ્ર પટેલ સરકાર ‘સૌ માટે રમતગમત’ને સાકાર કરવા માટે પ્રતિબદ્ધ છે.તેમણે કહ્યું કે જ્યારે નરેન્દ્ર મોદી વર્ષ 2002માં ગુજરાતના મુખ્યમંત્રી બન્યા ત્યારે ગુજરાતનું રમતગમત બજેટ 2.5 કરોડ રૂપિયા હતું.આજે 2025માં તે વધીને 352 કરોડ રૂપિયાનું બજેટ થઈ ગયું છે.
