હેડલાઈન :
- ધાર્મિક મહત્વ ઉપરાંત હોળીનો તહેવાર સાંસ્કૃતિક વારસો
- સામાજિક એકતાને પણ પ્રોત્સાહન આપતુ પર્વ એટલે હોળી
- ફક્ત ભારતમાં જ નહી વિશ્વના અનેક દેશમાં ઉજવાય છે હોળી
- લોકો સીમાઓના તફાવત ભૂલીને કરે છે હોળીની ઉજવણી
- આપણા પડોશી દેશ નેપાળમાં હોળીનો તહેવારની ઉજવણી
- આફ્રિકન ખંડના ટાપુ દેશ મોરેશિયસમાં પણ હોળીનો રંગ
- મુસ્લિમ દેશ હોવા છતા બાંગ્લાદેશના હોળીની થતી ઉજવણી
- પાકિસ્તાનમાં હિન્દુ અને શીખ સમુદાયના લોકો ઉજવે છે હોળી
હોળીનો તહેવાર ફક્ત ભારતમાં જ નહીં પરંતુ વિશ્વના ઘણા દેશોમાં પણ ખૂબ જ ઉત્સાહથી ઉજવવામાં આવે છે. જ્યાં લોકો સીમાઓના તફાવત ભૂલીને ઉજવણી કરે છે.ધાર્મિક મહત્વ ઉપરાંત હોળીનો તહેવાર સાંસ્કૃતિક વારસો અને સામાજિક એકતાને પણ પ્રોત્સાહન આપે છે.એવા કયા દેશો છે જ્યાં લોકો ખુલ્લા દિલે હોળીનો તહેવાર ઉજવે છે.
– નેપાળમાં ‘ફાગુ પૂર્ણિમા’
ભારતના પડોશી દેશ નેપાળમાં પણ હોળીનો તહેવાર ખૂબ જ ઉત્સાહથી ઉજવવામાં આવે છે. ત્યાં તેને ‘ફાગુ’ અથવા “ફાગુ પૂર્ણિમા” તરીકે ઓળખવામાં આવે છે. ત્યાં, હોલિકા દહનના બીજા દિવસે રંગોથી હોળી રમાય છે. નેપાળમાં, હિન્દુ અને બૌદ્ધ સમુદાયના લોકો સાથે મળીને હોળી ઉજવે છે.
– મોરેશિયસમાં ‘ફગવા’
આફ્રિકન ખંડના ટાપુ દેશ મોરેશિયસમાં પણ હોળીના રંગો જોવા મળે છે. પીએમ મોદી તાજેતરમાં મોરેશિયસની મુલાકાતે ગયા હતા. જ્યાં તેમણે હિન્દુત્વનો સંદેશ આપ્યો. મોરેશિયસમાં હોળીને ફાગવા તરીકે પણ ઓળખવામાં આવે છે, જ્યાં લોકો તેને ધાર્મિક વિધિઓ સાથે રંગોથી ઉજવે છે. ભારતથી આટલા દૂર પણ, ત્યાં સામાજિક સૌહાર્દના રંગો જોઈ શકાય છે.
– બાંગ્લાદેશમાં ‘ડોલ જાત્રા’
ભારતના પડોશી દેશ બાંગ્લાદેશમાં હિન્દુઓ લઘુમતી છે, તેમ છતાં ત્યાં હોળીનો તહેવાર સારી રીતે ઉજવવામાં આવે છે. તેને ત્યાં ડોલ જાત્રા અથવા વસંત ઉત્સવ તરીકે ઓળખવામાં આવે છે. આ તહેવાર મુખ્યત્વે હિન્દુ લોકો દ્વારા ઉજવવામાં આવે છે, જ્યાં ભગવાન શ્રી કૃષ્ણની પણ રંગોની સાથે પૂજા કરવામાં આવે છે. બાંગ્લાદેશના ઘણા વિસ્તારોમાં ધાર્મિક અને સાંસ્કૃતિક એકતાનો આ તહેવાર ઉત્સાહથી ઉજવવામાં આવે છે.
– પાકિસ્તાનમાં રંગોનો તહેવાર ઉજવાય
ભારતના પડોશી દેશ પાકિસ્તાનમાં હિન્દુ અને શીખ સમુદાયના લોકો હોળીનો તહેવાર ઉજવે છે. ત્યાં તે મૂળભૂત રીતે બે દિવસ ચાલે છે. જ્યાં પહેલા દિવસે હોળીકા દહન થાય છે અને બીજા દિવસે રંગોથી હોળી રમાય છે. લોકો એકબીજાને અબીલ-ગુલાલ લગાવીને હોળીની શુભેચ્છા પાઠવે છે.
– ફીજીમાં હોળીની ઉજવણી
ફીજીમાં પણ હોળીનો તહેવાર ઉત્સાહ અને ઉમંગથી ઉજવવામાં આવે છે, આ દિવસે ત્યાંના લોકો હોળીના ખાસ ભજન અને કીર્તન ગાય છે અને રંગોથી હોળી રમે છે. ઘણી જગ્યાએ હોળીના તહેવારો અને સાંસ્કૃતિક કાર્યક્રમોનું પણ આયોજન કરવામાં આવે છે. ત્રિનિદાદ અને ટોબેગોમાં પણ ભારતીય મૂળના લોકો ખૂબ જ ઉત્સાહથી હોળી ઉજવે છે. તેને ત્યાં ફાગવાહ કહેવામાં આવે છે, જ્યાં લોકો એકબીજા પર અબીલ-ગુલાલ લગાવીને, સ્વાદિષ્ટ વાનગીઓ ખાઈને અને ગીતો ગાઈને ઉજવણી કરે છે.
