હેડલાઈન :
- દેશભરમાં રંગોના પર્વ હોળીની થઈ ઉલ્લાસભેર ઉજવણી
- હોળીના ઉજવણીમાં જોવા મળ્યો ક્ટ્ટરપંથીઓનો વિરોધ
- પશ્ચિમ બંગાળમાં હોળીના રંગમાં પાડવામાં આવ્યો ભંગ
- બંગાળમાં ક્યાંક હિંસા,ક્યાંક મૂર્તિઓ તોડી તો ક્યાંક પથ્થરમારો
- નંદીગ્રામ ભાજપના ધારાસભ્ય સુવેન્દુ અધિકારીએ લગાવ્યો આરોપ
- દેવતાઓની મૂર્તિઓની તોડફોડ કરવામાં આવી હોવાનો આરોપ
- મુસ્લિમ કટ્ટરપંથીઓએ ફરી એકવાર હિંસાનો આશરો લીધો
- મંદિરમાં તોડફોડ કરી અને ભગવાનની મૂર્તિઓનું અપમાન કર્યું
નંદીગ્રામના ભાજપના ધારાસભ્ય સુવેન્દુ અધિકારીએ આરોપ લગાવ્યો કે તેમના મતવિસ્તારમાં દેવતાઓની મૂર્તિઓની તોડફોડ કરવામાં આવી છે.
પશ્ચિમ બંગાળમાં હોળીના અવસર પર મુસ્લિમ કટ્ટરપંથીઓએ ફરી એકવાર હિંસાનો આશરો લીધો.14 માર્ચ, 2025 ના રોજ નંદીગ્રામ અને બીરભૂમમાં હિંસા જોવા મળી હતી.કટ્ટરપંથીઓએ મંદિરમાં તોડફોડ કરી અને ભગવાનની મૂર્તિઓનું અપમાન કર્યું.આ અંગે ભાજપે રાજ્યની મમતા સરકાર પર સવાલો ઉઠાવ્યા છે.
નંદીગ્રામના ભાજપના ધારાસભ્ય સુવેન્દુ અધિકારીએ આરોપ લગાવ્યો કે તેમના મતવિસ્તારમાં દેવતાઓની મૂર્તિઓની તોડફોડ કરવામાં આવી છે.તે જ સમયે ભાજપના રાષ્ટ્રીય પ્રવક્તા અમિત માલવિયાએ આ ઘટનાને હિન્દુઓ પર હુમલો ગણાવ્યો છે અને મુખ્યમંત્રી મમતા બેનર્જી પર નિશાન સાધ્યું છે.
આ બાબત અંગે અમિત માલવિયાએ સોશિયલ મીડિયા પર લખ્યું,“મમતા બેનર્જીના નેતૃત્વમાં પશ્ચિમ બંગાળમાં હિન્દુઓ પર સતત હુમલા થઈ રહ્યા છે.અમદાવાદ વિસ્તારના નંદીગ્રામ બ્લોક-2 ના કમાલપુરમાં ગયા મંગળવારથી લોકો પ્રાર્થના કરી રહ્યા હતા,પરંતુ જ્યારે રામ નારાયણ કીર્તન ચાલુ રહ્યું,ત્યારે કેટલાક કટ્ટરપંથીઓએ તેને રોકવાનો પ્રયાસ કર્યો.તેમણે સ્થળ પર તોડફોડ કરી અને શ્રી રામની મૂર્તિઓનું અપમાન કર્યું.તેમણે વધુમાં જણાવ્યું હતું કે બરુઈપુર,જાદવપુર અને મુર્શિદાબાદ સહિત ઘણા જિલ્લાઓમાં સમાન ઘટનાઓ નોંધાઈ છે.
બીજી તરફ બીરભૂમ જિલ્લાના સૈંથિયા શહેરમાંથી પણ હિંસાના અહેવાલો આવ્યા છે.અહેવાલો અનુસાર આ વિસ્તારમાં પથ્થરમારો થયો હતો,ત્યારબાદ પોલીસે પરિસ્થિતિને કાબૂમાં લેવા માટે બળ તૈનાત કર્યું હતું. અધિકારીઓએ જણાવ્યું હતું કે શાંતિ અને કાયદો અને વ્યવસ્થા જાળવવા માટે 17 માર્ચ, 2025 સુધી ઇન્ટરનેટ સેવાઓ બંધ રાખવામાં આવી છે.અફવાઓ અને ભડકાઉ સંદેશાઓના ફેલાવાને રોકવા માટે આ કાર્યવાહી કરવામાં આવી છે.
બંગાળમાં ધાર્મિક સ્થળો પર હુમલો થયો હોય તેવી આ પહેલી ઘટના નથી,પરંતુ 9 માર્ચ, 2025 ના રોજ ભાજપના નેતા દિલીપ ઘોષે દાવો કર્યો હતો કે બશીરહાટના શંખચુરા બજારમાં એક કાલી મંદિર પર હુમલો કરવામાં આવ્યો હતો.ઘોષે આરોપ લગાવ્યો કે આ હુમલો ટીએમસી નેતા શાહનૂર મંડલના નેતૃત્વમાં કરવામાં આવ્યો હતો.આ સમય દરમિયાન મંદિરની મૂર્તિઓ તોડી નાખવામાં આવી હતી અને ધાર્મિક લાગણીઓને ઠેસ પહોંચી હતી.
