હેડલાઈન :
- મુખ્યમંત્રી રેખા ગુપ્તાએ દિલ્હી વિધાનસભામાં બજેટ રજૂ કર્યુ
- રેખા ગુપ્તાનું વર્ષ 2025-26 માટે એક લાખ કરોડનું બજેટ
- મહત્વાકાંક્ષી યોજના મહિલા સમૃદ્ધિ યોજના માટે રૂ.51,00 કરોડ
- પીએમ જન આરોગ્ય યોજના માટે રૂ. 2,144 કરોડની ફાળવણી
- પાણી પુરવઠા-સ્વચ્છતા માટે આ બજેટમાં નવ હજાર કરોડ રૂપિયા
- મુખ્યમંત્રી રેખા ગુપ્તાની દિલ્હી માટે નવી ઔદ્યોગિક નીતિની જાહેરાત
મુખ્યમંત્રી રેખા ગુપ્તાએ દિલ્હી વિધાનસભા ગૃહ સમક્ષ વર્ષ 2025-26નું બજેટ રજૂ કર્યુ હતુયજેમાં તેમણે મહિલા સમૃદ્ધિ યોજના,આયુષ્માન ભારત અને યમુના સફાઈને પ્રાધાન્ય આપ્યુ છે.આ ઉપરાંત પણ તેમણે દિલ્હીની સુખાકારી માટે જાહેરાતો કરી છે.
બજેટમાં માળખાગત વિકાસ,શિક્ષણ,આરોગ્ય,મહિલા સશક્તિકરણ અને પ્રદૂષણ નિયંત્રણ જેવા મુખ્ય મુદ્દાઓ પર ધ્યાન કેન્દ્રિત કરવામાં આવ્યું છે.તમને જણાવી દઈએ કે બજેટ પહેલા રેખા સરકારે ઈમેલ અને વોટ્સએપ દ્વારા 10 હજારથી વધુ સૂચનો માંગ્યા હતા.
– રેખા ગુપ્તાનું 1 લાખ કરોડનું બજેટ
મુખ્યમંત્રી રેખા ગુપ્તાએ દિલ્હી વિધાનસભામાં નાણાકીય વર્ષ 2025-26 માટેનું બજેટ રજૂ કર્યું.લાંબા સમય પછી રાજધાનીમાં સરકાર બનાવ્યા બાદ ભાજપ સરકારનું આ પહેલું બજેટ છે.આ વખતે 1 લાખ કરોડ રૂપિયાનું બજેટ રજૂ કરવામાં આવ્યું છે.અગાઉ 2023-24 મા દિલ્હીનું બજેટ 87,800 કરોડ રૂપિયા હતું,જે વર્ષ 2024-25માં ઘટાડીને7600 કરોડ રૂપિયા કરવામાં આવ્યું હતું.પરંતુ આ વખતે નવી સરકારે 1 લાખ કરોડ રૂપિયાનું બજેટ રજૂ કર્યું છે.
– રેખા સરકારના બજેટ વિશે 10 મોટી વાત
1. મહિલા સન્માન યોજના –
સરકારે તેની મહત્વાકાંક્ષી યોજના મહિલા સમૃદ્ધિ યોજના માટે 51,00 કરોડ રૂપિયાની જોગવાઈ કરી છે.તમને જણાવી દઈએ કે વિધાનસભા ચૂંટણી દરમિયાન ભાજપે ગરીબ મહિલાઓને વાર્ષિક 2500 રૂપિયા આપવાની જોગવાઈ કરી હતી.
2. પીએમ જન આરોગ્ય યોજના
મુખ્યમંત્રી રેખા ગુપ્તાએ આ માટે 2,144 કરોડ રૂપિયાની ફાળવણી પણ કરવામાં આવી છે.આ યોજના હેઠળ,દિલ્હીના પાત્ર લોકોને 10 લાખ રૂપિયાનો આરોગ્ય વીમો મળશે.જેમાં મોદી સરકાર તરફથી 5 લાખ રૂપિયા અને રેખા સરકાર તરફથી 5 લાખ રૂપિયા આપવામાં આવશે.
3. પાણી પુરવઠા અને સ્વચ્છતા
પાણી પુરવઠા અને સ્વચ્છતા માટે આ બજેટમાં નવ હજાર કરોડ રૂપિયા ફાળવવામાં આવ્યા છે.સીએમ રેખા ગુપ્તાએ રાજધાનીની સમગ્ર ગટર વ્યવસ્થાને અપગ્રેડ કરવાની વાત કરી.તેમણે દિલ્હીમાં નવી પાણીની પાઇપલાઇન નાખવાનું પણ વચન આપ્યું.મુખ્યમંત્રીએ દિલ્હીના લોકોને શુદ્ધ પીવાના પાણીની સુવિધા પૂરી પાડવાની પણ વાત કરી.
4. નવી ઔધ્યોગિત નીતિની જાહેરાત
મુખ્યમંત્રી રેખા ગુપ્તાએ દિલ્હી માટે નવી ઔદ્યોગિક નીતિ રજૂ કરવાની જાહેરાત કરી.તેમણે કહ્યું કે દિલ્હી સરકાર નવી ઔદ્યોગિક નીતિની સાથે નવી વેરહાઉસ નીતિ પણ લાવશે. મુખ્યમંત્રીએ રાજધાનીમાં ગ્લોબલ ઇન્વેસ્ટર્સ સમિટના આયોજનની પણ જાહેરાત કરી.
5. ધારાસભ્ય ભંડોળ
આ માટે 350 કરોડ રૂપિયાની જોગવાઈ કરવામાં આવી છે.સીએમ રેખા ગુપ્તાએ કહ્યું કે તમામ ધારાસભ્યોને કામ કરવા માટે સંપૂર્ણ ભંડોળ મળશે.
6. બજેટમાં જે જે કોલોની વિકાસ
આ માટે 696 કરોડ રૂપિયા ફાળવવામાં આવ્યા છે.સીએમ રેખા ગુપ્તાએ કેજરીવાલ પર કટાક્ષ કરતા કહ્યું કે પાછલી સરકારના મુખ્યમંત્રીએ પોતાના માટે શીશ મહેલ બનાવ્યો હતો અને તેમાં લાખો રૂપિયાની કિંમતની ટોયલેટ સીટ લગાવી હતી.અમે ઝૂંપડપટ્ટીમાં રહેતા લોકો માટે શૌચાલય બનાવીશું.પણ આપણી સરકાર ઝૂંપડપટ્ટીઓનો વિકાસ કરશે.ત્યાં પાણી અને રસ્તો પહોંચાડવામાં આવશે.
7. પ્રધાનમંત્રી આવાસ યોજના
આ યોજના માટે 20 કરોડ રૂપિયાની જોગવાઈ કરવામાં આવી છે.સરકાર 100 સ્થળોએ અટલ કેન્ટીન ખોલશે અને આ માટે બજેટમાં 100 કરોડ રૂપિયા ફાળવવામાં આવ્યા છે.
8. રાજધાનીમાં મહિલાઓની સુરક્ષા
આ માટે 50 હજાર વધારાના સીસીટીવી કેમેરા લગાવવામાં આવશે. તે જ સમયે, દિલ્હીના પરિવહન અને માળખાગત વિકાસ અને NCR સાથે જોડાણને વેગ આપવા માટે 1000 કરોડ રૂપિયા ખર્ચ કરવામાં આવશે. મુખ્યમંત્રીએ જણાવ્યું કે ફ્લાયઓવર માટે 3843 કરોડ રૂપિયાની જોગવાઈ કરવામાં આવી છે.
9. યમુનાની સફાઈ
આ માટે 500 કરોડ રૂપિયા ફાળવવામાં આવ્યા હતા. સીએમ રેખા ગુપ્તાએ જણાવ્યું હતું કે આ વખતે ટેન્કરોમાં જીપીએસ લગાવવામાં આવશે અને તેમને એક એપ સાથે જોડવામાં આવશે જેના દ્વારા આરડબ્લ્યુએ તેમને ટ્રેક કરી શકશે. દિલ્હીમાં પાણીની ચોરી અટકાવવા માટે ઇન્ટેલિજન્ટ મીટર લગાવવામાં આવશે; આ માટે 150 કરોડ રૂપિયાનો ખર્ચ થશે.
10. વિદ્યાર્થીઓ માટે લેપટોપ
સીએમ રેખા ગુપ્તાએ જણાવ્યું હતું કે ધોરણ 10 થી 11 માં ભણતા 1200બાળકોને 7.5 કરોડ રૂપિયાના ખર્ચે લેપટોપ આપવામાં આવશે, ફાઉન્ડેશન પ્રોજેક્ટ માટે 20 કરોડ રૂપિયા, ટેકનિકલ શિક્ષણ માટે618 કરોડ રૂપિયા, નરેલામાં શિક્ષણ કેન્દ્ર બનાવવા માટે 500 કરોડ રૂપિયા અને આઈટીઆઈ માટે20 કરોડ રૂપિયા ખર્ચવામાં આવશે.
