હેડલાઈન :
- સંયુક્ત રાષ્ટ્રએ ભારતના બાળ મૃત્યુ દર ઘટાડવાનાં પ્રયાસના વખાણ્યા
- સંયુક્ત રાષ્ટ્રનો મત મૃત્યુ દર ઘટડવાના ભારતના પ્રયાસ-પ્રગતિને અનુકરણીય
- ભારતે આરોગ્ય પ્રણાલીમાં વ્યૂહાત્મક રોકાણો દ્વારા લાખો લોકોના જીવ બચાવ્યા
- રાજકીય ઇચ્છાશક્તિ,પુરાવા-આધારિત વ્યૂહરચનાઓથી મૃત્યુદરમાં નોંધપાત્ર ઘટાડો
- વર્ષ 2000થી ભારતમાં પાંચ વર્ષથી ઓછી ઉંમરના બાળકોના મૃત્યુ દરમાં 70 ટકાનો ઘટાડો
વિશ્વ સંસ્થાએ ‘આયુષ્માન ભારત’ જેવી આરોગ્ય પહેલનો ઉલ્લેખ કરીને શિશુ મૃત્યુ દર ઘટાડવામાં ભારતના પ્રયાસો અને પ્રગતિની પ્રશંસા કરી અને તેને ‘ઉદાહરણીય’ ગણાવ્યું.યુએનએ જણાવ્યું હતું કે દેશે તેની આરોગ્ય પ્રણાલીમાં વ્યૂહાત્મક રોકાણો દ્વારા લાખો લોકોના જીવ બચાવ્યા છે.
યુએન જૂથ દ્વારા બહાર પાડવામાં આવેલા શિશુ મૃત્યુદર મૂલ્યાંકન અહેવાલમાં ભારતનેપાળ,સેનેગલ,ઘાના અને બુરુન્ડીના ઉદાહરણો ટાંકવામાં આવ્યા છેઅને શિશુ મૃત્યુદર ઘટાડવામાં થયેલી પ્રગતિમાં મુખ્ય ભૂમિકા ભજવનાર વિવિધ વ્યૂહરચનાઓને પ્રકાશિત કરવામાં આવી છે.અહેવાલમાં કહેવામાં આવ્યું છે કે આ દેશોએ બતાવ્યું છે કે”રાજકીય ઇચ્છાશક્તિ,પુરાવા-આધારિત વ્યૂહરચનાઓ અને સતત રોકાણ મૃત્યુદરમાં નોંધપાત્ર ઘટાડો કરી શકે છે.”
– વર્ષ 2000 થી 2022 સુધીનો ડેટા
ભારત વિશે રિપોર્ટમાં કહેવામાં આવ્યું છે કે દેશે આરોગ્ય પ્રણાલીમાં રોકાણ દ્વારા પરિસ્થિતિમાં સુધારો કર્યો છે.તેમાં કહેવામાં આવ્યું છે કે,”તેની આરોગ્ય પ્રણાલીમાં વ્યૂહાત્મક રોકાણો દ્વારા ભારતે પહેલાથી જ લાખો લોકોના જીવન બચાવ્યા છે અને લાખો અન્ય લોકો માટે સ્વસ્થ જીવન સુનિશ્ચિત કરવાનો માર્ગ મોકળો કર્યો છે.”
અહેવાલમાં જણાવાયું છે કે વર્ષ 2000 થી ભારતે પાંચ વર્ષથી ઓછી ઉંમરના બાળકોના મૃત્યુ દરમાં 70 ટકાનો ઘટાડો અને નવજાત મૃત્યુ દરમાં 61 ટકાનો ઘટાડો હાંસલ કર્યો છે.”આરોગ્ય કવરેજ વધારવા, હાલની પરિસ્થિતિમાં સુધારો કરવા અને આરોગ્ય માળખાગત સુવિધાઓ અને માનવ સંસાધનોના વિકાસ માટે લેવામાં આવેલા પગલાંને કારણે આ શક્ય બન્યું છે,” એમ તેમાં જણાવાયું છે.
આમાં આયુષ્માન ભારતનું ઉદાહરણ આપવામાં આવ્યું છે.આયુષ્માન ભારત વિશ્વની સૌથી મોટી આરોગ્ય વીમા યોજના છે જે દર વર્ષે પ્રતિ પરિવાર આશરે US$5,500 નું વાર્ષિક કવરેજ પૂરું પાડે છે
