હેડલાઈન :

• કેન્દ્રની નરેન્દ્ર મોદી સરકારે સંસદમાં વક્ફ સુધારા બિલ રજૂ કર્યુ
• વક્ફ સુધારા બિલ લોકસભામાં વિચારણા અને પસાર કરવા માટે લેવામાં આવ્યું
• કેન્દ્રીય લઘુમતિ બાબતની મંત્રી કિરેન રિજિજુએ લોકસભામાં રજૂ કર્યુ બિલ
• વક્ફ સુધારા બિલ પર લોકસભામાં આર-પારની ચર્ચા માટે રાજકીય પક્ષો સજ્જ
• વક્ફ સુધારા બિલ લોકસભામાં રજૂ થતા જ વિપક્ષનો ગૃમાં વિરોધ
• ભાજપ સહિત NDA ઘટક પક્ષોએ વક્ફ સુધારા બિલનું સમર્થન કર્યુ હતુ
• વકફ બિલ કોઈપણ ધાર્મિક વ્યવસ્થા,ધાર્મિક સંસ્થા,ધાર્મિક પ્રથામાં દખલ કરતું નથી
• કેન્દ્ર સરકારે વક્ફ સુધારા બિલનું “UMEED” નામ રાખવાની જાહેરાત કરી

લોકસભામાં વકફ સુધારા બિલ રજૂ કર્યા પછી સંસદીય બાબતોના મંત્રી કિરેન રિજિજુએ કહ્યું,કે વકફ બિલ કોઈપણ ધાર્મિક વ્યવસ્થા,કોઈપણ ધાર્મિક સંસ્થા કે કોઈપણ ધાર્મિક પ્રથામાં કોઈપણ રીતે દખલ કરતું નથી.

ખૂબ જ નોંધનિય બાબત એ છે કે કેન્દ્ર સરકારે વક્ફ સુધારા બિલનું UMEED ( ઉમ્મીદ) નામ રાખવાની પણ જાહેરાત કરવામાં આવી છે.ત્યારે હવેથી વક્ફ બિલને UMEED તરીકે ઓળખવામાં આવે છે.

કિરેન રિજિજુએ કહ્યું,”વકફ બોર્ડની જોગવાઈઓનો કોઈપણ મસ્જિદ,મંદિર કે ધાર્મિક સ્થળના સંચાલન સાથે કોઈ સંબંધ નથી.તે ફક્ત મિલકત વ્યવસ્થાપનનો મામલો છે.જો કોઈ આ મૂળભૂત તફાવતને સમજવામાં નિષ્ફળ જાય છે અથવા જાણી જોઈને સમજવા માંગતો નથી, તો મારી પાસે તેનો કોઈ ઉકેલ નથી.”

કિરેન રિજિજુએ કહ્યું,”હું તમને 2012-2013 માં થયેલા કામ વિશે જણાવવા માંગુ છું.ચૂંટણીઓ નજીક હતી અને આચારસંહિતા લાગુ થવાની હતી.એપ્રિલ-મે 2014 માં ચૂંટણીઓ યોજાઈ હતી.5 માર્ચ,2014 ના રોજ યુપીએ સરકારે ગૃહ અને શહેરી વિકાસ મંત્રાલય હેઠળની 123 મુખ્ય મિલકતો દિલ્હી વકફ બોર્ડને ટ્રાન્સફર કરી.આની શું જરૂર હતી? ચૂંટણી માટે થોડા દિવસો જ બાકી હતા.શું તમે રાહ ન જોઈ શક્યા? તમે વિચાર્યું હતું કે આ તમને ચૂંટણી જીતવામાં મદદ કરશે,પરંતુ તમે ચૂંટણી હારી ગયા તો શું ઉપયોગ હતો? આવી કાર્યવાહીથી મત મળતા નથી.”

લોકસભામાં વકફ સુધારા બિલ રજૂ કર્યા પછી, સંસદીય બાબતોના મંત્રી કિરેન રિજિજુએ કહ્યું,”આ બિલમાં કેટલીક વિસંગતતાઓ હતી તેથી તેમાં સુધારો કરવો જરૂરી હતો.મેં પહેલા કહ્યું હતું કે કોઈપણ ભારતીય વકફ બનાવી શકે છે,પરંતુ 1995 માં એવું નહોતું.2013 માં તમે તેમાં ફેરફાર કર્યા અને હવે અમે 1995 ની જોગવાઈને પુનઃસ્થાપિત કરી છે, જે સુનિશ્ચિત કરે છે કે ઓછામાં ઓછા પાંચ વર્ષ સુધી ઇસ્લામનું પાલન કરનાર વ્યક્તિ જ વકફ બનાવી શકે છે.”

લોકસભામાં વકફ સુધારા બિલ રજૂ કર્યા પછી સંસદીય બાબતોના મંત્રી કિરેન રિજિજુએ કહ્યું,”હવે વકફ બોર્ડમાં શિયા,સુન્ની,બોહરા,પછાત મુસ્લિમો,મહિલાઓ અને નિષ્ણાત બિન-મુસ્લિમો પણ હશે.હું આને વિગતવાર સમજાવવા માંગુ છું.હું મારું પોતાનું ઉદાહરણ આપું છું.ધારો કે હું મુસ્લિમ નથી પણ હું લઘુમતી બાબતોના મંત્રી છું.પછી હું કેન્દ્રીય વકફ પરિષદનો અધ્યક્ષ બનું છું.મારા પદને ધ્યાનમાં લીધા વિના કાઉન્સિલમાં વધુમાં વધુ 4 બિન-મુસ્લિમ સભ્યો હોઈ શકે છે અને તેમાંથી 2 ફરજિયાત મહિલાઓ હોઈ શકે છે.”

“રેલ્વે ટ્રેક,સ્ટેશન અને માળખાગત સુવિધાઓ ફક્ત ભારતીય રેલ્વેની જ નહીં,પણ રાષ્ટ્રની છે.આપણે રેલ્વે મિલકતને વકફ મિલકત સાથે કેવી રીતે સરખાવી શકીએ? તેવી જ રીતે સંરક્ષણ જમીન,જે બીજા ક્રમની સૌથી મોટી જમીનધારક છે તે રાષ્ટ્રીય સુરક્ષા અને લશ્કરી તાલીમ માટે છે.તેની સરખામણી વકફ જમીન સાથે કેવી રીતે કરી શકાય? ઘણી બધી વકફ મિલકતો ખાનગી મિલકતો છે. તેથી જ ભારતમાં વિશ્વમાં સૌથી વધુ વકફ મિલકતો છે.”

જ્યારે આપણા દેશમાં વિશ્વની સૌથી મોટી વકફ મિલકત છે,ત્યારે તેનો ઉપયોગ ગરીબ મુસ્લિમોના શિક્ષણ, તબીબી સારવાર,કૌશલ્ય વિકાસ અને આવક સર્જન માટે કેમ કરવામાં આવતો નથી? આ સંદર્ભમાં અત્યાર સુધી કોઈ પ્રગતિ કેમ થઈ નથી? જો વડાપ્રધાન મોદીના નેતૃત્વ હેઠળની આ સરકાર ગરીબ મુસ્લિમોના ભલા માટે કામ કરી રહી છે તો તેના પર વાંધો કેમ છે? ”
“અમે અમારા WAMSI પોર્ટલ પરના રેકોર્ડની સમીક્ષા કરી છે.2006 માં રચાયેલી સચ્ચર સમિતિએ પણ આ બાબતે વિગતવાર માહિતી આપી છે.2006 માં 4.9 લાખ વકફ મિલકતો હતી અને તેમાંથી કુલ આવક રૂ.163 કરોડ હતી અને 2013 માં ફેરફારો કર્યા પછી આવક રૂ. 166 કરોડ થઈ ગઈ છે.”

રિજિજુએ કહ્યું કે નવા વકફ બિલનું નામ બદલીને ‘UMEED’ કરવામાં આવ્યું છે.આ સુધારેલું બિલ એક નવી સવાર લાવશે અને કરોડો મુસ્લિમોને પણ તેનો લાભ મળશે.તેમણે કહ્યું કે મુસ્લિમોએ બિલનું સ્વાગત કર્યું છે.બોર્ડના ઓડિટ માટે પણ જોગવાઈ કરવામાં આવી છે.આ બિલ પછી, વક્ફ બોર્ડની માલિકીની મિલકતની વાસ્તવિક રકમ જાણી શકાશે. વિવાદિત વકફ મિલકતો પર આપણે કોર્ટની સત્તા કેવી રીતે લઈ શકીએ? જ્યારે દેશમાં CAA લાવવામાં આવ્યો હતો ત્યારે પણ લોકોએ કહ્યું હતું કે ભારતના મુસ્લિમોના અધિકારો છીનવાઈ રહ્યા છે. પણ તમે મને કહો કે શું કોઈ મુસ્લિમની નાગરિકતા છીનવાઈ ગઈ છે. જો તમે આજે ફરી ગેરમાર્ગે દોરશો તો તમારે અપમાનનો સામનો કરવો પડશે. પછી તેઓ ફરીથી કોઈ બિલ લઈને આવશે અને તમને ખુલ્લા પાડશે. તમે વકફ બનાવી શકો છો પણ મહિલાઓ અને બાળકોના અધિકારો છીનવી શકતા નથી.