હેડલાઈન :

• અમેરિકાન રાષ્ટ્રપતિ ડોનાલ્ડ ટ્રમ્પે ટેરિફની કરી જાહેરાત
• ડોનાલ્ડ ટ્રમ્પની ભારત પર 26 ટકા ટેરિફ લાગવાની જાહેરાત
• ટ્રમ્પની ભારતથી આયાતી વસ્તુઓ પર 26 ટકા ટેરિફની જાહેરાત
• ટ્રમ્પે ઓટોમોબાઈલ આયાત પર 25 ટકા ટેરિફની જાહેરાત કરી
• US રાષ્ટ્રપતિ ડોનાલ્ડ ટ્રમ્પની ચીન પર 34 ટકા ટેરિફની જાહેરાત
• યુરોપિયન યુનિયન (EU) પર 20 ટકા,વિયેતનામ પર 46 ટકા ટેરિફ

ડોનાલ્ડ ટ્રમ્પે કહ્યું, “દશકોથી આપણો દેશ નજીકના અને દૂરના દેશો મિત્ર અને દુશ્મન બંને દ્વારા લૂંટાયો છે.” ખરેખર અમેરિકન સ્ટીલ કામદારો,ઓટો કામદારો,ખેડૂતો અને કુશળ કારીગરોએ ખૂબ જ સહન કર્યું.

અમેરિકાના રાષ્ટ્રપતિ ડોનાલ્ડ ટ્રમ્પે ભારતથી આયાત થતી વસ્તુઓ પર 26 ટકા ટેરિફ લગાવવાની જાહેરાત કરી છે. અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે આ આપણી આર્થિક સ્વતંત્રતાની ઘોષણા છે.વર્ષોથી જ્યારે અન્ય દેશો સમૃદ્ધ અને શક્તિશાળી બન્યા ત્યારે મહેનતુ અમેરિકન નાગરિકોને બાજુ પર બેસવાની ફરજ પડી હતી અને તેમાંથી મોટાભાગનો ખર્ચ આપણા ખર્ચે થયો હતો.આજના પગલાથી આપણે આખરે અમેરિકાને ફરીથી મહાન બનાવી શકીશું પહેલા કરતાં પણ મહાન.ટ્રમ્પે કહ્યું કે વડા પ્રધાન નરેન્દ્ર મોદી તેમના ખૂબ સારા મિત્ર છે અને અમેરિકાએ ઘણા વર્ષોથી ભારત પર કોઈ ટેરિફ લાદ્યો નથી.ટ્રમ્પે જાહેરાત કરી હતી કે અમેરિકા પારસ્પરિક વેપાર નીતિઓ લાદવાની તેમની યોજનાના ભાગ રૂપે ચીની આયાત પર 34 ટકા ટેરિફ લાદશે.

– ટ્રમ્પે કહ્યું આપણે નિયંત્રણ પાછું લઈ રહ્યા છીએ
અમેરિકારના રાષ્ટ્રપતિ ડોનાલ્ડ ટ્રમ્પે પોતાના ભાષણમાં ઓટોમોબાઈલ આયાત પર 25 ટકા ટેરિફની જાહેરાત કરી.તેમણે કહ્યું કે યુનાઇટેડ સ્ટેટ્સ અન્ય દેશોની મોટરસાયકલ પર ફક્ત 2.4 ટકા ટેરિફ વસૂલ કરે છે.દરમિયાન થાઇલેન્ડ અને અન્ય દેશો ઘણા ઊંચા ભાવ વસૂલ કરી રહ્યા છે જેમ કે ભારત 70 ટાકા, વિયેતનામ 75 ટકા અને અન્ય દેશો તેનાથી પણ વધુ ભાવ વસૂલ કરી રહ્યા છે.આવા અસંતુલને કારણે આપણા ઔદ્યોગિક આધારનો નાશ થયો છે અને આપણી રાષ્ટ્રીય સુરક્ષા જોખમમાં મુકાઈ છે.આ આપત્તિ માટે હું આ અન્ય દેશોને બિલકુલ દોષી ઠેરવતો નથી.હું ભૂતકાળના રાષ્ટ્રપતિઓ અને ભૂતકાળના નેતાઓને દોષી ઠેરવું છું જેઓ પોતાનું કામ કરી રહ્યા ન હતા.મધ્યરાત્રિથી અમલમાં આવતા અમે તમામ વિદેશી બનાવટના ઓટોમોબાઈલ પર 25 ટકા ટેરિફ લાદીશું.

તેમણે કહ્યું કે થોડીવારમાં હું વિશ્વભરના દેશો પર પારસ્પરિક ટેરિફ લાદતા ઐતિહાસિક કાર્યકારી આદેશ પર હસ્તાક્ષર કરીશ.પારસ્પરિક આનો અર્થ એ કે તેઓ આપણી સાથે આ કરે છે અને આપણે તેમની સાથે આ કરીએ છીએ.મારા મતે આ અમેરિકન ઇતિહાસના સૌથી મહત્વપૂર્ણ દિવસોમાંનો એક છે.તેમણે કહ્યું, મારા સાથી અમેરિકનો આ મુક્તિ દિવસ છે જેની લાંબા સમયથી રાહ જોવાતી હતી. 2 એપ્રિલ, 2025 હંમેશા અમેરિકન ઉદ્યોગનો પુનર્જન્મ થયો,અમેરિકાનું ભાગ્ય પાછું મેળવાયું અને અમેરિકાને ફરીથી સમૃદ્ધ બનાવવાનું શરૂ કર્યું તે દિવસ તરીકે યાદ રાખવામાં આવશે.

ટ્રમ્પે કહ્યું, “દશકોથી આપણો દેશ નજીકના અને દૂરના દેશો, મિત્ર અને દુશ્મન બંને દ્વારા લૂંટાયો,છે.”ખરેખર, અમેરિકન સ્ટીલ કામદારો ઓટો કામદારો,ખેડૂતો અને કુશળ કારીગરોએ ખૂબ જ સહન કર્યું. તેમણે વેદનાથી જોયું કે વિદેશી નેતાઓએ આપણી નોકરીઓ છીનવી લીધી,વિદેશી છેતરપિંડી કરનારાઓએ આપણી ફેક્ટરીઓ લૂંટી લીધી અને વિદેશી સફાઈ કામદારોએ આપણા એક સમયના સુંદર અમેરિકન સ્વપ્નનો નાશ કર્યો.આપણો દેશ અને તેના કરદાતાઓ 50 વર્ષથી વધુ સમયથી લૂંટાઈ રહ્યા છે પરંતુ હવે એવું થવાનું નથી.

– કયા દેશ પર કેટલો ટેરિફ લાદવામાં આવ્યો?
અમેરિકન રાષ્ટ્રપતિ ડોનાલ્ડ ટ્રમ્પે ચીન પર 34 ટકા,યુરોપિયન યુનિયન (EU) પર 20 ટકા,વિયેતનામ પર 46 ટકા, જાપાન પર 24 ટકા,દક્ષિણ કોરિયા પર 25 ટકા,બ્રિટન પર 10 ટકા,થાઇલેન્ડ પર 36 ટકા અને સ્વિટ્ઝર્લેન્ડ પર 31 ટકા ટેરિફની જાહેરાત કરી છે.

ટ્રમ્પે જણાવ્યું હતું કે ટેરિફ દરની ગણતરી યુએસ માલ પર દેશ દ્વારા લાદવામાં આવેલા સંચિત ટેરિફના આધારે કરવામાં આવે છે જેમાં બિન-નાણાકીય અવરોધોનો પણ સમાવેશ થાય છે.

– ટ્રમ્પે ભારત વિશે શું કહ્યું?
ટ્રમ્પે કહ્યું “વડાપ્રધાન નરેન્દ્ર મોદી મારા સારા મિત્ર છે પરંતુ તેમણે અમારી સાથે સારો વ્યવહાર કર્યો નથી.ભારતના કિસ્સામાં આ નિર્ણય મુશ્કેલ રહ્યો છે.વડા પ્રધાન મોદી તાજેતરમાં અહીં હતા.ભારત અમેરિકા પર 52 ટકા સુધીનો ટેરિફ લાદે છે તેથી અમેરિકા ભારત પર 26 ટકા ટેરિફ લાદશે.અમે અન્ય દેશો પાસેથી લગભગ અડધો ટેરિફ લઈશું, તેથી ટેરિફ સંપૂર્ણપણે પારસ્પરિક નહીં હોય.હું તે કરી શક્યો હોત પરંતુ ઘણા દેશો માટે તે મુશ્કેલ હોત.”

– ટ્રમ્પે કહ્યું- વાહનો પર 25 ટકા ટેરિફ લાદશે
ટ્રમ્પે કહ્યું “દક્ષિણ કોરિયામાં બનેલી 80 ટકાથી વધુ કાર ત્યાં વેચાય છે અને જાપાનમાં વેચાતી 90 ટકાથી વધુ કાર જાપાનમાં બને છે.જ્યારે અમેરિકન કારનો ત્યાં ખૂબ જ ઓછો હિસ્સો છે.ફોર્ડ અન્ય દેશોમાં ખૂબ જ ઓછી વેચાય છે અને આ અસંતુલનથી અમેરિકન ઉદ્યોગોનો નાશ થયો છે.તેથી મધ્યરાત્રિથી અમે તમામ વિદેશી બનાવટના વાહનો પર 25 ટકા ટેરિફ લાદીશું.”

– ટ્રમ્પના ભાષણના મુખ્ય મુદ્દાઓ
અમેરિકા તમામ વિદેશી વાહનો પર 25 ટકા ટેરિફ લાદશે
અમેરિકા હવે ટેરિફના મામલે સમાન રીતે જવાબ આપશે. જે દેશો અમેરિકન બજારમાં પ્રવેશ ઇચ્છે છે તેમણે તેની કિંમત ચૂકવવી પડશે.

ટેરિફમાંથી મુક્તિ મેળવવા માટે, તમારા ઉત્પાદનોનું ઉત્પાદન યુએસમાં થવું આવશ્યક છે.

અમેરિકન કરદાતાઓ 50 વર્ષથી વધુ સમયથી છેતરાયા છે, પરંતુ હવે એવું થવાનું નથી. આજે અમેરિકા માટે આર્થિક સ્વતંત્રતાનો દિવસ છે.

– પારસ્પરિક ટેરિફ શું છે?
પારસ્પરિક ટેરિફનો અર્થ એ છે કે અમેરિકા હવે અન્ય દેશો પર એ જ ટેક્સ વસૂલશે જેવો તેઓ અમેરિકા પર વસૂલ કરે છે.પહેલા અમેરિકા અને અન્ય દેશોના ટેરિફ દરો અલગ હતા.

ટેરિફ અંગે ટ્રમ્પે કહ્યું હતું કે “આપણા દેશને બધાએ લૂંટ્યો છે,પરંતુ હવે તે બંધ થવું પડશે.મેં મારા પહેલા કાર્યકાળ દરમિયાન તેને બંધ કરી દીધું હતું.હવે અમે તેને સંપૂર્ણપણે બંધ કરવા જઈ રહ્યા છીએ,કારણ કે તે ખૂબ જ ખોટું છે.”