હેડલાઈન :

• જમ્મુ-કાશ્મીરમાં ભારતીય સેનાએ મોટુ સર્ચ ઓપરેશન હાથ ધર્યુ
• કિશ્તવાડમાં સેનાના સર્ચ ઓપરેશનમાં ત્રણ આતંકવાદીઓ ઠાર
• કિશ્તવાડ જિલ્લાના છત્રુ વિસ્તારમાં સુરક્ષા દળોને મોટી સફળતા 
• કાશ્મીરના કિશ્તવાડમાં આ કામગીરી 9 એપ્રિલથી ચાલી રહી હતી
• માર્યા ગયેલા આતંકવાદીઓમાં એક જૈશ-એ-મોહમ્મદનો ટોચનો કમાન્ડર
• સર્ચ ઓપરેશનમાં જૈશ-એ-મોહમ્મદનો ટોચનો કમાન્ડર સૈફુલ્લાહ ઠાર

જમ્મુ-કાશ્મીરના કિશ્તવાડ જિલ્લાના છત્રુ વિસ્તારમાં સુરક્ષા દળોને મોટી સફળતા મળી છે.સુરક્ષા દળોએ અત્યાર સુધીમાં સર્ચ એન્ડ ડિસ્ટ્રોય ઓપરેશન દરમિયાન ત્રણ આતંકવાદીઓને ઠાર માર્યા છે.આ કામગીરી 9 એપ્રિલથી ચાલી રહી હતી.શુક્રવારે અગાઉ એક આતંકવાદી ઠાર મરાયો હતો.હવે સુરક્ષા દળોએ વધુ બે આતંકવાદીઓને ઠાર માર્યા છે.સૂત્રોના અનુસાર માર્યા ગયેલા આતંકવાદીઓમાં એક જૈશ-એ-મોહમ્મદનો ટોચનો કમાન્ડર સૈફુલ્લાહ હતો.હાલમાં સમગ્ર વિસ્તારમાં સર્ચ ઓપરેશન ચાલી રહ્યું છે અને સુરક્ષા દળો એલર્ટ મોડ પર છે જેથી અન્ય કોઈ આતંકવાદી છુપાઈ ન જાય.

– 9 એપ્રિલથી સેનાનું કિશ્તવાડના છત્રુ જંગલમાં સર્ચ ઓપરેશન

ગત 9 એપ્રિલથી સેના કિશ્તવાડના છત્રુ જંગલમાં સર્ચ ઓપરેશન ચલાવી રહી હતી.ગુરુવારે પણ સુરક્ષા દળો અને આતંકવાદીઓ વચ્ચે અથડામણ થઈ

– આતંકવાદી પ્રવૃત્તિઓને રોકવા સુરક્ષા પગલાં અને કડક સુરક્ષા

જમ્મુ અને કાશ્મીરમાં આતંકવાદી પ્રવૃત્તિઓને રોકવા અને સલામત ટ્રાફિક સુનિશ્ચિત કરવા માટે સેનાએ રાષ્ટ્રીય ધોરીમાર્ગ 44 (NH-44) પર સુરક્ષા વધુ મજબૂત બનાવી છે.આ હાઇવે કેન્દ્રશાસિત પ્રદેશના ઘણા ભાગોને જોડે છે. આતંકવાદીઓ દ્વારા શસ્ત્રો અને માલસામાનની દાણચોરી કરવા માટે તેનો ઉપયોગ કરવાના પ્રયાસોને નિષ્ફળ બનાવવા માટે સેનાએ ઘણા મોટા પગલાં લીધાં છે.

સેનાએ હાઇવે પર દિવસ-રાત પેટ્રોલિંગ વધારી દીધું છે.ખાસ કરીને સંવેદનશીલ વિસ્તારો અને મહત્વપૂર્ણ સ્થળો પર નજર રાખવામાં આવી રહી છે.જમ્મુ અને કાશ્મીર પોલીસના સહયોગથી ઘણી જગ્યાએ મોબાઇલ વાહન ચેક પોસ્ટ (MVCP) સ્થાપિત કરવામાં આવી છે.આ ચેક પોસ્ટ્સ અચાનક તપાસ કરે છે જેના કારણે આતંકવાદીઓ માટે આ માર્ગનો દુરુપયોગ કરવો મુશ્કેલ બને છે.આ ચેકપોસ્ટ પર શંકાસ્પદ વાહનો અને લોકોની તપાસ કરવામાં આવી રહી છે.