હેડલાઈન :
- ગુજરાતમાં નારીશક્તિ દ્વારા જળક્રાંતિનું ઉત્તમ ઉદાહરણ
- વલસાડ જિલ્લાના નાનકડા ગામની મહિલાઓની જળક્રાંતિ
- પાંગરબારી ગામની 11 જેટલી મહિલાઓએ કર્યું ઉદાહરણીય કાર્ય
- 315 ઘરોને રોજ 2 લાખ લિટર પાણી પૂરું પાડતી મહિલા સમિતિ
- અગાઉ મહિલાઓને એક એક બેડા માટે રઝડપાટ કરવી પડતી
- મહિલાઓના પાણી વ્યવસ્થાપન સમિતિનું ઉત્તમ આયોજન રંગ લાવ્યુ
- વલસાડના પાંગરબારી ગામમાં આજે દરેક ઘરમાં સ્વચ્છ પાણી ઉપલબ્ધ
- રાજ્ય સરકાર સાથે ગામની જનભાગીદારીએ સર્જી શ્રેષ્ઠ જળક્રાંતિ
ગુજરાતના વલસાડ જિલ્લાની ગ્રામીણ મહિલાઓ જળ સંરક્ષણનું ઉદાહરરૂપ દાખલો બેસાડ્યો છે જિલ્લાના
પાંગરબારી ગામની મહિલાઓ 315 ઘરોને દરરોજ 2 લાખ લિટરથી વધુ પાણી પૂરું પાડી રહી છે.થોડા સમય પહેલા સુધી પાંગરબારીની મહિલાઓને પીવાનું સ્વચ્છ પાણી લાવવા માટે માઇલો ચાલીને જવું પડતું હતું. પરંતુ આજે ગામના દરેક ઘરમાં સ્વચ્છ પાણી ઉપલબ્ધ છે, જેનો શ્રેય ગામની 11 મહિલાઓની જળ ક્રાંતિને જાય છે.
– પાણી સમિતિની કમાન મહિલાઓના હાથમાં
આ મહિલાઓ પાણી સમિતિ એટલે કે પાણી પુરવઠા સમિતિનું નેતૃત્વ કરી રહી છે,જે ગામમાં સ્વચ્છ પીવાના પાણીના પુરવઠાનું આયોજન અને જાળવણી કરે છે.પાણી સમિતિ 315 ઘરેલુ નળ જોડાણો દ્વારા દરરોજ 2.05 લાખ લિટર પાણી પૂરું પાડે છે.
– ગામમાથા ટેન્કર રાજ દૂર થયુ
પાંગરબારી સરપંચ સરસ્વતીબેન પાડવીએ જણાવ્યું હતું કે સમિતિના સભ્યો પાઇપલાઇનમાં કોઈપણ પ્રકારના નુકસાન કે તૂટફૂટનું ધ્યાન રાખે છે.તેમણે એક ઓપરેટરની પણ નિમણૂક કરી છે જે તાત્કાલિક સમારકામનું કામ કરે છે.ગુજરાતનું આ ગામ હવે પાણીના ટેન્કરો પર નિર્ભર નથી,કારણ કે પાણી સમિતિએ ભૂગર્ભ ટાંકીઓ અને વરસાદી પાણીના સંગ્રહની વ્યવસ્થા સ્થાપિત કરી છે.
પાણી સમિતિએ ઉનાળાના મહિનાઓ માટે વધારાનું પાણી સુનિશ્ચિત કરવા માટે એસ્ટોલ યોજનાની મદદથી છ મોટા ટાંકીઓનું નિર્માણ કર્યું છે આ દરેક ટાંકીની ક્ષમતા35,000, 40,000, 30,૦૦૦ અને 40,૦૦૦ લિટર છે. સમગ્ર પાણી પુરવઠા વ્યવસ્થા મધુબન ડેમમાંથી આવે છે.
– સરકાર સાથે જન ભાગીદારી
પાંગરબારી ગામમાં પાણી અને સ્વચ્છતા વ્યવસ્થાપન સંગઠન એટલે WASMO ના ડેપ્યુટી મેનેજર કોકિલાબેન પટેલે જણાવ્યું હતું કે 2008 માં રાજ્ય સરકારે 90 ટકા સરકારી ભંડોળ અને 10 ટકા સમુદાય ભાગીદારી સાથે વરસાદી પાણીના સંગ્રહ માટે ટાંકી બનાવવાની યોજનાનો પ્રસ્તાવ મૂક્યો હતો.તેમણે જણાવ્યું હતું કે, “આ યોજના હેઠળ,ગામમાં 286 ઝૂંપડા બનાવવામાં આવ્યા હતા જેમાંથી દરેકમાં 10,000 થી 15,000 લિટરની ક્ષમતા ધરાવતી ટાંકી ફીટ કરવામાં આવી હતી.”
કોકિલાબેન કહે છે કે 2024-25 મુખ્યમંત્રી મહિલા જળ સમિતિ પ્રોત્સાહન યોજના હેઠળ,સંપૂર્ણપણે મહિલા નેતૃત્વવાળી સમિતિને તેમના નેતૃત્વને માન્યતા આપવા માટે 50,000 રૂપિયાનું પ્રોત્સાહન અને 18 દિવસની તાલીમ આપવામાં આવશે.
– ગ્રામજનોને પાણીની સમસ્યામાંથી રાહત
જળ સમિતિના પ્રયાસોથી ગામમાં થયેલા ફેરફારો શેર કરતાં,પાંગરબારી નિવાસી મહિલાએ કહ્યું કે પહેલા તેમને પાણી લાવવા માટે ખૂબ દૂર જવું પડતું હતું, એક એખ બેડા પણી માટે રઝડપાટ કરવી પડતી જેમાં અમારો અડધો દિવસ લાગતો હતો. હવે આપણને દરરોજ સવારે સ્વચ્છ પાણી મળે છે.અમારા ઘરની પાછળ પાણીની ઉપલબ્ધતાને કારણે, અમે ઘરકામ અને ખેતી બંને સરળતાથી કરી શકીએ છીએ.તે કહે છે કે પહેલા પાણીની અછતને કારણે અમારા ગામમાં કોઈ છોકરી લગ્ન કરવા તૈયાર નહોતી. હવે આ કોઈ સમસ્યા નથી.પાંગરબારીની પ્રેરણાદાયી બાબત માત્ર સામુદાયિક કાર્ય દ્વારા શક્યતાઓનું એક મોડેલ જ નહીં પરંતુ જળ સંરક્ષણ અને મહિલા સશક્તિકરણ દ્વારા પણ રજૂ કરે છે.
