હેડલાઈન :
- કાશ્મીર ખીણના પહેલગામમાંપર્યટન સ્થળ પર આતંકી હુમલો
- આતંકીઓએ કરેલા અંધાધુંધ ફાયરિંગમાં 26 લોકોના મૃત્યુ,17 ઘાયલ
- આતંકીઓએ પહેલા નામ અને ધર્મ પૂછ્યા અને બાદમાં ફાયરિંગ કર્યુ
- પહેલગામ આતંકી હુમલા બાદ સેના, CRPF, સ્થાનિક પોલીસ સતર્ક થયા
- હુમલાખોરોને શોધવા સઘન આતંકવાદ વિરોધી કાર્યવાહી શરૂ કરવામાં આવી
- આતંકવાદીઓ કાશ્મીરના બૈસરન ખીણમાં પર્વત પરથી નીચે ઉતરી આવ્યા હતા
- મુખ્યમંત્રી ઓમર અબ્દુલ્લાએ પણ સમગ્ર આતંકવાદી હુમલા વિશે આપી માહિતી
- LG મનોજ સિંહાએ ખાતરી આપી કે આ જઘન્ય હુમલા પાછળના લોકોને સજા કરાશે
કાશ્મીર ખીણના પહેલગામમાં એક મુખ્ય પર્યટન સ્થળ પર આતંકવાદીઓએ હુમલો કર્યો જેમાં 26 લોકોના મોત અને 17 જેટલા લોકો ઘાયલ થયાની આશંકા છે.હુમલા બાદ સેના, CRPF અને સ્થાનિક પોલીસ બૈસરન ઘાસના મેદાનોમાં પહોંચી ગયા.હુમલાખોરોને શોધવા માટે એક વિશાળ આતંકવાદ વિરોધી કાર્યવાહી શરૂ કરવામાં આવી છે અને સુરક્ષા દળોને બધી દિશામાં તૈનાત કરવામાં આવ્યા છે.પહેલગામ હોસ્પિટલના એક ડોક્ટરે જણાવ્યું હતું કે 12 ઘાયલ પ્રવાસીઓને હોસ્પિટલમાં દાખલ કરવામાં આવ્યા હતા અને તે બધાની હાલત સ્થિર છે.
#WATCH जम्मू (जम्मू-कश्मीर): #PahalgamTerroristAttack के बाद जम्मू में सुरक्षा-व्यवस्था के मद्देनजर कंसर्टिना तार लगाए गए। pic.twitter.com/IJG31nXBb4
— ANI_HindiNews (@AHindinews) April 23, 2025
– આતંકી હુમલામાં ત્રણ ગુજરાતીઓના મૃત્યુ
જમ્મુ કાશ્મીરમાં પહેલગામમાં થયેલા આતંકવાદી હુમલામાં અત્યાર સુધીમાં 26 પ્રવાસીઓના મૃત્યુ થયા છે જેમાં ત્રણ ગુજરાતી પ્રવાસીઓ હોવાનું સામે આવ્યું છે ગઈકાલે સુરતના શૈલેષ કળથીયાના મોતની પુષ્ટિ કરવામાં આવી હતી જ્યારે આજે ભાવનગરના કાળિયા ભીલના કાળીયાબીડના રહેવાસી યતિશ પરમાર અને તેમનો પુત્ર સ્મિત પરમારના મોતની પુષ્ટિ કરાઇ છે.
– મંગળવારે બપોરે ત્રણ વાગ્યો થયો હુમલો
આ ઘટના મંગળવારે બપોરે ૩ વાગ્યાની આસપાસ બની હતી જ્યારે આતંકવાદીઓ બૈસરન ખીણમાં પર્વત પરથી નીચે ઉતરી આવ્યા હતા અને ત્યાં વારંવાર આવતા પ્રવાસીઓ પર ગોળીબાર કર્યો હતો.આ સ્થળને તેના લાંબા લીલાછમ ઘાસના મેદાનોને કારણે ઘણીવાર મીની સ્વિટ્ઝર્લૅન્ડ કહેવામાં આવે છે.આ આતંકવાદી હુમલો એવા સમયે થયો છે જ્યારે અમેરિકાના ઉપરાષ્ટ્રપતિ જે ડી વાન્સ પોતાના પરિવાર સાથે ચાર દિવસની દેશની મુલાકાતે છે.હુમલાના સ્થળનો એક વીડિયો સામે આવ્યો છે,જેમાં ઘણા લોકો લોહીલુહાણ અને બેભાન હાલતમાં જમીન પર પડેલા જોવા મળ્યા જ્યારે એક મહિલા પ્રવાસી તેના પ્રિયજનોની શોધમાં રડી રહી હતી. આ ઘટના એવા સમયે બની છે જ્યારે વર્ષોથી આતંકવાદ સામે ઝઝૂમી રહેલા કાશ્મીરમાં પ્રવાસીઓની સંખ્યામાં વધારો થઈ રહ્યો છે. ઉપરાંત, અમરનાથ યાત્રા પણ 3 જુલાઈથી શરૂ થવા જઈ રહી છે.
– હુમલા પહેલા રિસોર્ટ ભરેલુ હતુ બાદમાં નિર્જન થયુ
અધિકારીઓએ જણાવ્યું હતું કે,પહેલગામ રિસોર્ટ,જે આજે બપોર સુધી પ્રવાસીઓથી ભરેલું હતું, તે હુમલા પછી તરત જ નિર્જન થઈ ગયું હતું અને પ્રવાસીઓ તેમની સલામતીના ડરથી સ્થળ છોડીને ચાલ્યા ગયા હતા.બૈસરન એક મુખ્ય પર્યટન સ્થળ,તુલિયન તળાવ સુધી આગળ વધવા માંગતા ટ્રેકર્સ માટે એક કેમ્પસાઇટ પણ ધરાવે છે.પહેલગામથી ઘોડાગાડી દ્વારા આ વિસ્તાર સુધી પહોંચી શકાય છે અને રસ્તામાં પહેલગામ શહેર અને લિડર ખીણના મનોહર દૃશ્યો જોઈ શકાય છે.
– મુખ્યમંત્રી ઓમર અબ્દુલ્લાએ આપી વિગત
મુખ્યમંત્રી ઓમર અબ્દુલ્લાએ જણાવ્યું હતું કે મૃત્યુઆંક હજુ પણ નક્કી કરવામાં આવી રહ્યો છે.તેમણે કહ્યું કે આ હુમલો તાજેતરના વર્ષોમાં નાગરિકો પર થયેલા કોઈપણ હુમલા કરતા મોટો હતો.મુખ્યમંત્રી ઓમર અબ્દુલ્લાએ પણ આ હુમલાની નિંદા કરી અને કહ્યું: “હું ખૂબ જ આઘાતમાં છું.” અમારા મુલાકાતીઓ પરનો આ હુમલો એક ઘૃણાસ્પદ કૃત્ય છે.આ હુમલાના ગુનેગારો પ્રાણીઓ છે,અમાનવીય અને ઘૃણાસ્પદ છે. નિંદા કરવા માટે કોઈ શબ્દો પૂરતા નથી.તેમણે કહ્યું કે તેમણે તેમના સાથીદાર અને મંત્રી સકીના ઇટુ સાથે વાત કરી છે અને તેઓ ઘાયલોની વ્યવસ્થાનું નિરીક્ષણ કરવા માટે હોસ્પિટલ પહોંચી ગયા છે. તેમણે કહ્યું કે હું તરત જ શ્રીનગર પાછો ફરીશ.
– LG મનોજ સિન્હાએ આપી આકરી પ્રતિક્રિયા
ઉપ રાજ્યપાલ મનોજ સિંહાએ લોકોને ખાતરી આપી હતી કે આ જઘન્ય હુમલા પાછળના લોકોને ચોક્કસપણે સજા કરવામાં આવશે.તેમણે કહ્યું કે તેમણે ડીજીપી અને સુરક્ષા અધિકારીઓ સાથે વાત કરી છે.સેના અને જમ્મુ-કાશ્મીર પોલીસની ટીમો વિસ્તારમાં પહોંચી ગઈ છે અને શોધખોળ શરૂ કરી દીધી છે. તેમણે એમ પણ કહ્યું કે તેમણે જિલ્લા વહીવટીતંત્ર અને આરોગ્ય અધિકારીઓને પહેલગામમાં દાખલ થયેલા લોકોને તાત્કાલિક તબીબી સુવિધાઓ પૂરી પાડવાનો નિર્દેશ આપ્યો છે. એલજીએ જણાવ્યું હતું કે ઘાયલ પ્રવાસીને જીએમસી અનંતનાગ લઈ જવામાં આવ્યો છે. હું બધા ઘાયલોના ઝડપી સ્વસ્થ થવા માટે પ્રાર્થના કરું છું.
#WATCH | श्रीनगर: केंद्रीय गृह मंत्री अमित शाह ने पहलगाम आतंकी हमले के बाद सभी एजेंसियों के साथ एक उच्च स्तरीय सुरक्षा बैठक की अध्यक्षता की। pic.twitter.com/juXruJ3OhX
— ANI_HindiNews (@AHindinews) April 22, 2025
પહેલગામ આતંકવાદી હુમલા બાદ કેન્દ્રીય ગૃહમંત્રી અમિત શાહ ત્વરિત જમ્મુ-કાશ્મીર જવા નિકળ્યા હતા,જ્યાં શ્રીનગર ખાતે તેમણે તમામ એજન્સીઓ સાથે ઉચ્ચ સ્તરીય સુરક્ષા બેઠકની અધ્યક્ષતા કરી હતી.
સૌજન્ય : હિન્દુસ્તાન સમાચાર
