હેડલાઈન :

• પહેલગામમાં થયેલા આતંકવાદી હુમલાએ દેશને હચમચાવી નાખ્યો
• પહેલગામ આતંકી હુમલામાં 26 લોકોએ જ જીવ ગુમાવ્યા,17 ઘાયલ
• ત્રણ સેવારત સંરક્ષણ અધિકારીઓ પણ આતંકવાદીઓનો ભોગ બન્યા
• અધિકારી પોતાના પરિવાર સાથે વેકેશન પર પહેલગામ આવ્યા હતા
• IB અધિકારી મનીષ રંજન, નેવી અધિકારી લેફ્ટનન્ટ વિનય નરવાલ શહીદ
• વાયુસેનાના કોર્પોરલ તેજ હૈલયાંગ પણ આતંકવાદી હુમલામાં શહીદ થયા

જમ્મુ અને કાશ્મીરના પહેલગામમાં થયેલા આતંકવાદી હુમલાએ દેશને હચમચાવી નાખ્યો છે. આ હુમલામાં માત્ર 26 લોકોએ જ જીવ ગુમાવ્યા નહીં, પરંતુ ત્રણ સેવારત સંરક્ષણ અધિકારીઓ પણ આતંકવાદીઓનો ભોગ બન્યા. આ અધિકારી પોતાના પરિવાર સાથે વેકેશન પર પહેલગામ આવ્યા હતા, પરંતુ આતંકવાદના આ કાયર કૃત્યથી તેમનું જીવન સમાપ્ત થઈ ગયું. આ હુમલામાં આઈબી અધિકારી મનીષ રંજન, નેવી અધિકારી લેફ્ટનન્ટ વિનય નરવાલ અને વાયુસેનાના કોર્પોરલ તેજ હૈલયાંગ શહીદ થયા હતા.

– ઇન્ટેલિજન્સ બ્યુરોમાં બિહારના અધિકારી મનીષ રંજન

બિહારના રોહતાસ જિલ્લાના આરુહી ગામના રહેવાસી મનીષ રંજન, ઇન્ટેલિજન્સ બ્યુરોમાં અધિકારી હતા અને હાલમાં હૈદરાબાદમાં પોસ્ટેડ હતા. ગયા મહિને તેમણે પોતાના પરિવારને કહ્યું હતું કે તેઓ પહેલગામ જવાના છે. તેઓ તેમની પત્ની અને બે બાળકો સાથે ત્યાં પહોંચ્યા, પરંતુ કોઈને ખબર નહોતી કે આ તેમની છેલ્લી યાત્રા હશે. તેમના કાકા આલોક પ્રિયદર્શીએ જણાવ્યું હતું કે પરિવારના અન્ય સભ્યો પણ તેમની સાથે જવાના હતા પરંતુ સ્વાસ્થ્યના કારણોસર તેઓ રોકાઈ ગયા. મનીષના મૃત્યુના સમાચાર ગામમાં પહોંચતા જ શોક ફેલાઈ ગયો. મનીષ ત્રણ ભાઈઓમાં સૌથી મોટા હતા અને તેમના બંને નાના ભાઈઓ પણ સરકારી નોકરીમાં છે.

– હરિયાણાના સપુત લેફ્ટનન્ટ વિનય નરવાલ

હરિયાણાના કરનાલના રહેવાસી લેફ્ટનન્ટ વિનય નરવાલ ભારતીય નૌકાદળમાં કોચીમાં પોસ્ટેડ હતા. તેમના તાજેતરમાં લગ્ન થયા હતા અને તેઓ તેમની પત્ની સાથે હનીમૂન પર પહેલગામ આવ્યા હતા. વિનયના મૃત્યુના સમાચાર મળતા જ કરનાલના સેક્ટર 7માં તેમના ઘરે લોકોની ભીડ એકઠી થઈ ગઈ.
તેમના પિતા પોતાના પુત્રના મૃતદેહને લેવા માટે જમ્મુ અને કાશ્મીર જવા રવાના થયા છે. વિનયની પત્ની કોઈક રીતે આ હુમલામાં બચી ગઈ, પરંતુ તેણે પોતાની નજર સામે જ પોતાના પતિને ગુમાવી દીધો.

– અરુણાચલનો બહાદુર પુત્ર કોર્પોરલ તેજ હૈલિયાંગ

ભારતીય વાયુસેનાના કોર્પોરલ તેજ હૈલિયાંગ અરુણાચલ પ્રદેશના લોઅર સુબાનસિરી જિલ્લાના તાજંગ ગામના રહેવાસી હતા. તેઓ શ્રીનગરના એરફોર્સ બેઝ પર પોસ્ટેડ હતા અને રજા લઈને તેમની પત્ની સાથે પહેલગામ આવ્યા હતા. ભારતીય વાયુસેનાના કોર્પોરલ હૈલિયાંગના તાજેતરમાં લગ્ન થયા હતા. તેઓ તેમની પત્ની સાથે વેકેશન પર હતા. હૈલિયાંગ અરુણાચલ પ્રદેશના લોઅર સુબાનસિરી જિલ્લાના રહેવાસી હતા.