હેડલાઈન :

• પહેલગામ આતંકવાદી હુમલા બાદ ભારર-પાકિસ્તાન વચ્ચે તણાવ
• ભારતીય સેનાના ઓપરેશન સિંદૂર બાહ પાક્સિતાન મુશ્કેલીમાં મુકાયું
• ભારતના હુમલા વચ્ચે પીકિસ્તાનમાં બલુચિસ્તાન પ્રાંતમાં સ્વતંત્રતાના નારા
• બલુચિસ્તાનની રાજધાની ક્વેટા એ પાકિસ્તાનનું નવમું સૌથી મોટું શહેર
• બલુચિસ્તાનને દિલ્હીમાં સત્તાવાર કાર્યાલય-દૂતાવાસ રાખવાની મંજૂરી માંગી
• લેખક મીર યાર બલોચની સ્વતંત્રતાની ઘોષણાથી પાકિસ્તાનમાં ખળભળાટ
• બલુચિસ્તાનની સ્વતંત્ર સરકારનો રાજકીય સમારોહ ટૂંક સમયમાં યોજાવાનો દાવો
• બલુચિસ્તાનમાં રહેતા હિન્દુ સમુદાયને શાંત રહેવાની ખાતરી આપવામાં આવી

22 એપ્રિલ 2025ના રોજ ભારતના જમ્મુ-કાશ્મીરના પહેલગામમાં થયેલા આતંકવાદી હુમલા બાદ પાકિસ્તાન ભારે મુશ્કેલીમાં મુકાયું છે.દરમિયાનમાં પાકિસ્તાનના દક્ષિણ-પશ્ચિમમાં આવેલા બલુચિસ્તાન પ્રાંતમાં સ્વતંત્રતાના નારાઓ વધી રહ્યા છે,ત્યારે આતંકવાદી રાષ્ટ્ર તેની પકડ ગુમાવી રહ્યું હોય તેવું લાગે છે.બલુચિસ્તાનની રાજધાની ક્વેટા,પાકિસ્તાનનું નવમું સૌથી મોટું શહેર છે.લેખક મીર યાર બલોચની સ્વતંત્રતાની ઘોષણાએ પાકિસ્તાનમાં ખળભળાટ મચાવી દીધો છે.

– ભારતને કેબલુચિસ્તાનને દિલ્હીમાં સત્તાવાર કાર્યાલય-દૂતાવાસ રાખવાની મંજૂરી આપે

પાકિસ્તાનના બલુચિસ્તાનના પ્રખ્યાત લેખક મીર યાર બલોચે X પોસ્ટમાં બલુચિસ્તાનની સ્વતંત્રતાની ઘોષણા કરી છે.તેમણે કહ્યું કે આતંકવાદી પાકિસ્તાનના પતનની નજીક હોવાથી ટૂંક સમયમાં સંભવિત જાહેરાત કરવી જોઈએ.તેમણે ભારતને વિનંતી કરી કે તેઓ બલુચિસ્તાનને દિલ્હીમાં સત્તાવાર કાર્યાલય અને દૂતાવાસ રાખવાની મંજૂરી આપે.તેમણે સંયુક્ત રાષ્ટ્રને બલુચિસ્તાનના લોકશાહી પ્રજાસત્તાકની સ્વતંત્રતાને માન્યતા આપવા અને તેને ટેકો આપવા માટે સંયુક્ત રાષ્ટ્રના તમામ સભ્યોની બેઠક બોલાવવા વિનંતી પણ કરી.

– બલુચિસ્તાનની સ્વતંત્ર સરકારનો રાજકીય સમારોહ ટૂંક સમયમાં યોજાશે

તેમણે કહ્યું કે સંયુક્ત રાષ્ટ્રએ તાત્કાલિક પોતાનું શાંતિ રક્ષા મિશન બલુચિસ્તાનમાં મોકલવું જોઈએ,જેમાં પાકિસ્તાનના કબજા હેઠળના દળોને બલુચિસ્તાનના પ્રદેશો,હવાઈ ક્ષેત્ર અને સમુદ્ર ખાલી કરવા અને બલુચિસ્તાનમાં તમામ શસ્ત્રો અને સંપત્તિ છોડી દેવાનું કહેવું જોઈએ.મીર યાર બલોચે કહ્યું કે હવે આર્મી, ફ્રન્ટિયર કોર્પ્સ,પોલીસ,મિલિટરી ઇન્ટેલિજન્સ,ISI અને સિવિલ એડમિનિસ્ટ્રેશનના તમામ બિન-બલોચ કર્મચારીઓએ તાત્કાલિક બલુચિસ્તાન છોડી દેવું જોઈએ.ઉપરાંત,બલુચિસ્તાનનું નિયંત્રણ ટૂંક સમયમાં સ્વતંત્ર બલુચિસ્તાન રાજ્યની નવી સરકારને સોંપવું જોઈએ.મીર યારે કહ્યું કે વચગાળાની સરકારની જાહેરાત ટૂંક સમયમાં કરવામાં આવશે.બલૂચ મહિલાઓને મંત્રીમંડળમાં પૂરતું પ્રતિનિધિત્વ મળશે. બલુચિસ્તાનની સ્વતંત્ર સરકારનો રાજકીય સમારોહ ટૂંક સમયમાં યોજાશે.મિત્ર દેશોના રાષ્ટ્રાધ્યક્ષોને રાષ્ટ્રીય પરેડ જોવા માટે આમંત્રિત કરવામાં આવશે.આપણે તેમના આશીર્વાદ મેળવીશું.

– હિંગળાજ માતા મંદિર સહિત હિંદુઓના ધાર્મિક સ્થળોને પાકિસ્તાની સેનાના આક્રમણથી સુરક્ષિત રખાશે

તેમણે બલુચિસ્તાનમાં રહેતા હિન્દુ સમુદાયને શાંત રહેવાની ખાતરી આપી છે.તેઓ અને હિંગળાજ માતા મંદિર સહિત તેમના તમામ ધાર્મિક સ્થળોને પાકિસ્તાની સેના દ્વારા આતંકવાદ અને આક્રમણથી સુરક્ષિત રાખવામાં આવશે.બલુચિસ્તાન પાકિસ્તાનની કાયર સેનાને એટલો મોટો પાઠ શીખવવા સક્ષમ છે કે તેની સાત પેઢીઓ તેને ક્યારેય ભૂલી શકશે નહીં.હવે બલુચિસ્તાનમાં કોઈ પણ પાકિસ્તાની કોઈ હિન્દુને કલમાનો પાઠ કરવાનું કહીને તેની પત્ની અને બાળકોની સામે તેને મારી નાખવાની હિંમત કરશે નહીં.