ઉત્તરાખંડમાં રવિવારે પ્રવાસી બસ ખીણમાં પડી જવાથી સર્જાયેલી દુઘર્ટનામાં ગુજરાતના સાત પ્રવાસીઓ મૃત્યુ પામ્યા છે અને 27 જેટલા ઇજાગ્રસ્ત થયા છે તેમની વિગતો અને જાણકારી માટે રાજ્ય સરકાર અને ખાસ કરીને મુખ્યમંત્રી ભૂપેન્દ્ર પટેલ ઉત્તરાખંડ સરકારના રાહત કમિશનરના સતત સંપર્કમાં રહ્યા હતા.ઉત્તરાખંડ રાજ્યના SDRFની બચાવ ટુકડીઓ બચાવ રાહત કામગીરીમાં જોડાઈ હતી અને ઇજાગ્રસ્ત પ્રવાસીઓને વધુ સારવાર માટે ઋષિકેશ લઈ જવાની વ્યવસ્થાઓ કરવામાં આવી હતી.તો ગુજરાતના મુખ્યમંત્રી ભૂપેન્દ્ર પટેલે ટ્વિટ કરીને શોક વ્યક્ત કર્યો છે.તેમણે લખ્યુ કે ઉત્તરાખંડમાં બસ ખીણમાં પડવાના લીધે ગુજરાતના યાત્રિકોએ જીવ ગુમાવ્યો તે કરુણ ઘટનાથી વ્યથિત છું.મૃતકોના પરિવારજનો પ્રત્યે મારી આત્મીય સંવેદના વ્યક્ત કરું છું.ગુજરાત સરકાર આ ઘટનાને લઈને ઉત્તરાખંડ સરકાર સાથે સતત સંપર્કમાં છે.ઇજાગ્રસ્ત નાગરિકો ઝડપથી સાજા થાય તેવી પ્રાર્થના.
ઉત્તરાખંડ બસ દુર્ઘટના : મુખ્યમંત્રી ભૂપેન્દ્ર પટેલે મૃતકો પ્રત્યે સંવેદના વ્યક્ત કરી,કહ્યુ કરુણ ઘટનાથી વ્યથિત
