ધાર્મિક સ્થોળોમાં મહત્વના મંદિરોમાં દર્શન માટે લાંબી કતાર લાગતી હોય છે.અને કતારમાં ઉભા ન રહેવુ પડે તે માટે કેટલાક લોકો VIP લાઈનમાં ઉભા રહેવા વિચારતા હોય છે.જોકે હવેથી ડાકોરના રણછોડરાયજી મંદિરમા જો આપ VIP લાઈનમાં દર્શન કરવા માંગતા હોવતો આપને તેનો ચાર્જ ચૂકવવો પડશે.
જી હા મિત્રો ડાકોરમાં રણછોડરાયના દર્શનને લઈ એક મોટા સમાચાર સામે આવ્યા છે.ખેડાના ડાકોરમાં મંદિરની કમિટી દ્વારા આ નિર્ણય કરવામાં આવ્યો છે.જેમાં હવે ભક્તોએ ભગવાનના નજીકથી દર્શન કરવાં માટે પૈસા ચૂકવવા પડશે.જેમાં મંદિરમાં ઠાકોરજીના સન્મુખ ઉંબરા સુધી જઈને દર્શન કરવાનો વ્યક્તિદીઠ 500 રૂપિયા ચાર્જ વસુલાશે.એટલું જ નહી પણ જો પુરૂષને મહિલાઓની લાઈનમા ઉભા રહી દર્શન કરવા હોય તો રૂપિયા 250 ચૂકવવા પડશે.આમ ભગવાન કાળીયા ઠાકરના VIP દર્શન આપને મોંઘા પડશે.
