નવા સંસદ ભવનમાં પ્રવેશની સાથે જ કેન્દ્રની નરેન્દ્ર મોદી સરકારે દેશની મહિલાઓ માટે મહત્વનું કદમ ઉઠાવ્યુ છે.અને નવી સંસદમાં પ્રથમ દિવસે જ લોકસભામાં મહિલા અનામત બિલ રજૂ કર્યુ છે.કેન્દ્રિય કાયદા મંત્રી અર્જુન રામ મેઘવાલે નવી સંસદ ભવનમાં લોકસભામાં મહિલા અનામત બિલ રજૂ કર્યું હતુ.
મહિલા અનામત બિલ રજૂ કરતા તેમણે કહ્યુ કે આ બિલ મહિલા સશક્તિકરણ સંબંધિત છે.આ દ્વારા, બંધારણની કલમ 239-AAમાં સુધારો કરીને રાષ્ટ્રીય રાજધાની પ્રદેશ એટલે NCT દિલ્હીમાં મહિલાઓ માટે 33 ટકા બેઠકો અનામત રાખવામાં આવશે.કલમ 330-A એ લોકસભામાં SC/ST માટે બેઠકોનું આરક્ષણ છે.તેમ પણ કાયદા મંત્રીએ જણાવ્યુ હતુ.
વડાપ્રધાન નરેન્દ્ર મોદીએ મહિલા અનામત અંગે કહ્યુ કે મહિલા અનામત બિલ પર ઘણી ચર્ચા અને ચર્ચા થઈ છે.અટલ બિહારી વાજપેયીના શાસનકાળમાં ઘણી વખત મહિલા અનામત બિલ રજૂ કરવામાં આવ્યું હતું પરંતુ બિલ પસાર કરવા માટે પૂરતી બહુમતી ન હતી અને તેથી આ સપનું અધૂરું રહી ગયું હતું.ભગવાને કદાચ મને આવા અનેક કામો માટે પસંદ કર્યો છે.તેમણે ઉમેર્યુ કે ગઈ કાલે જ કેબિનેટમાં મહિલા અનામત બિલને મંજૂરી આપવામાં આવી છે.આજે મહિલાઓ દરેક ક્ષેત્રમાં ઝડપથી આગળ વધી રહી છે.આપણી સરકાર આજે બંને ગૃહોમાં મહિલાઓની ભાગીદારી પર એક નવું બિલ લાવી રહી છે.
મહિલા આરક્ષણ બિલ પર અભિનેત્રી ઈશા ગુપ્તાએ જણાવ્યુ કે આ એક સુંદર કામ છે જે વડાપ્રધાન મોદીએ કર્યું છે.આ એક ખૂબ જ પ્રગતિશીલ વિચાર છે.આ અનામત બિલ મહિલાઓને સમાન અધિકાર આપશે.આપણા દેશ માટે આ એક મોટું પગલું છે.પીએમ મોદીએ વચન આપ્યું હતું અને પૂરું કર્યું છે.
મહિલા અનામત બિલ પર અભિનેત્રી કંગના રનૌતે જણાવ્યુ કે આ એક અદ્ભુત વિચાર છે,આ બધું આપણા વડાપ્રધાન મોદી અને આ સરકાર અને તેમની મહિલાઓના ઉત્થાન પ્રત્યેની વિચારશીલતાને કારણે છે.
મહિલા બિલ લોકસભામાં રજૂ થવા નિમિત્તે કેન્દ્રિય મંત્રી અનુરાગ ઠાકુરે નવા સંસદભવનમાં આમંત્રિત મહિલાઓને મીઠાઈઓ વહેંચી હતી.
