બિહાર વિધાનસભામાં આજે જાતિ ગણતરીનો રિપોર્ટ રજૂ કરવામાં આવશે અને રિપોર્ટ પર ગૃહમાં ચર્ચા થશે. રિપોર્ટ જાહેર થાય તે પહેલા જ જાતિ ગણતરીના આર્થિક અને શૈક્ષણિક આંકડાઓ બહાર આવી ગયા છે તે પ્રમાણે બિહારમાં માત્ર 7% વસ્તી ગ્રેજ્યુએટ છે. આર્થિક સ્થિતિની વાત કરીએ તો રાજ્યમાં સામાન્ય વર્ગના 25.9 ટકા પરિવારો ગરીબ છે અને સર્વોમાં સૌથી ગરીબ ભૂમિહાર અને બ્રાહ્મણ પરિવારો છે.
જાતિ ગણતરી બિહારમાં નીતીશ સરકાર દ્વારા કરાવામાં આવી હતી તેના આંકડા આ વર્ષે ઓક્ટોબરમાં જાહેર કરવામાં આવ્યા છે. હવે તેને વિધાનસભામાં રજૂ કરવામાં આવી રહી છે અને આ સાથે જાતિ ગણતરીના આર્થિક અને શૈક્ષણિક આંકડાઓ પણ બહાર પાડવામાં આવી રહ્યા છે.
બિહારના શૈક્ષણિક આંકડા શું છે? જાણો નીચે મુજબ
– બિહારમાં 22.67% વસ્તીએ ધોરણ 1 થી 5 સુધીનું શિક્ષણ મેળવ્યું છે.
– 14.33 ટકા વસ્તીએ ધોરણ 6 થી 8 સુધીનું શિક્ષણ મેળવ્યું છે.
– 14.71 ટકા વસ્તીએ ધોરણ 9 થી 10 સુધી અભ્યાસ કર્યો છે.
– 9.19 ટકા વસ્તીએ ધોરણ 11 થી 12 સુધી અભ્યાસ કર્યો છે.
– બિહારમાં માત્ર 7% વસ્તી ગ્રેજ્યુએટ છે.
બિહારના આર્થિક આંકડાઓ જાણો
– જનરલ કેટેગરીમાં 25.9 ટકા પરિવારો ગરીબ છે.
– પછાત વર્ગના 33.16 ટકા પરિવારો ગરીબ છે.
– 33.58 ટકા ગરીબ પરિવારો અત્યંત પછાત વર્ગમાં છે.
– અનુસૂચિત જાતિમાં 42.93 ટકા ગરીબ પરિવારો છે.
– અનુસૂચિત જનજાતિમાં 42.70 ટકા ગરીબ પરિવારો છે.
– અન્ય જાતિઓમાં 23.72 ટકા ગરીબ પરિવારો છે.
કઈ જ્ઞાતિના કેટલા પરિવારો ગરીબ છે.
– 25.32 ટકા ભૂમિહાર પરિવારો છે.
– બિહારમાં 25.3 ટકા બ્રાહ્મણ પરિવારો ગરીબ છે.
– 24.89 ટકા રાજપૂત પરિવારો ગરીબ છે.
– 13.83 ટકા કાયસ્થ પરિવારો ગરીબ છે.
– પઠાણ (ખાન) 22.20% પરિવારો ગરીબ છે.
– 17.61 ટકા સૈયદ પરિવાર ગરીબ છે.
