ઉત્તર પ્રદેશના કાસગંજથી એક ખૂબ જ દર્દનાક સમાચાર સામે આવ્યા છે, જ્યાં એક ઝડપી ટ્રેક્ટર ટ્રોલી બેકાબૂ થઈને તળાવમાં પડી ગઈ. તળાવમાં પડતાની સાથે જ ઘણા લોકો તેની નીચે દટાઈ ગયા. પોલીસ દ્વારા પ્રાપ્ત માહિતી અનુસાર, આ અકસ્માતમાં 20થી વધુ લોકોના મોત થયા છે.
જણાવી દઈએ કે શનિવારે સવારે કાસગંજના પટિયાલી-દરિયાવગંજ પાસે ભક્તોથી ભરેલી ટ્રેક્ટર ટ્રોલી કાબૂ બહાર જઈને તળાવમાં પડી ગઈ હતી.આ અકસ્માતમાં 8 મહિલાઓ અને 7 બાળકોના મોત થયા હતા. પોલીસને અકસ્માતની માહિતી મળતા જ તેઓ ઘટનાસ્થળે પહોંચી ગયા અને ઘાયલોને જિલ્લા હોસ્પિટલમાં લઈ ગયા. જ્યાં ઈજાગ્રસ્તોની સારવાર ચાલી રહી છે. આ સિવાય ગંભીર રીતે ઘાયલોને પણ રિફર કરવામાં આવ્યા છે. ઘટના સ્થળથી લઈને જિલ્લા હોસ્પિટલ સુધી અરાજકતાનો માહોલ છે.
ડીએમ, એસપી અને અન્ય વહીવટી અને પોલીસ અધિકારીઓ ઘટનાસ્થળે પહોંચી ગયા છે. રાહત અને બચાવ કાર્ય કરવામાં આવી રહ્યું છે. મળતી માહિતી મુજબ મૃતકોની સંખ્યા હજુ વધી શકે છે.
