અમદાવાદના દેત્રોજ તાલુકામાં ઉનો મીંડા ગ્રુપના CSR સંચાલિત સમર્થ જ્યોતિ સેન્ટરએ આંતરરાષ્ટ્રીય મહિલા દિવસના ઉપલક્ષમાં એક કાર્યક્રમનું આયોજન કર્યુ હતુ. આ કાર્યક્રમ સમર્થ જ્યોતિ સેન્ટર તથા ગામની મહિલાઓના સન્માનમાં યોજાય હતો. જેમાં રમતગમત અને ગરબાનું સુંદર આયોજન કરવામાં આવ્યુ હતુ. જેમાં દેત્રોજ તાલુકાના તાલુકા ડેવલપમેન્ટ ઓફિસર કાદંબરીબેન ત્રિવેદી તથા દેત્રોજ પોલીસ સ્ટેશનના અધિકારીઓ હેતલ બેન, કાજલબેન, રમીલાબેન અને સમર્થ જ્યોતિ સેંટર ના હેડ યોગીતા બેન, શ્રીમતી ગીરાબેન, ઉનો મીંડા ગ્રુપના રિજનલ હેડ પ્રવિણ સિંઘ રાવત,હાર્દિક રામાનુજ, નીરજ કુમાર, મીંડા રીકા પ્લાન્ટના પ્લાન્ટ હેડ બાબુલાલ બિશ્નોઇ, HR હેડ સન્ની હઝારે, મીંડા કોસાઈ ના પ્લાન્ટ હેડ આનંદ કુમાર, HR હેડ અભય કિશોર, મીંડા લાઈટિંગ ના HR હેડ રૂપેશ, સુમન નિર્મલ મીંડા સ્કૂલના વાઇસ પ્રિન્સીપલ શ્રીમતી સંગીત શિવમએ હાજરી આપી હતી..
તો આ સાથે જ ગામના અન્ય વડીલ મહિલાઓ શ્રીમતી રૂક્ષ્મણી બા અને શ્રીમતી કુંવર બેન ડોડીયાએ હાજર રહી પ્રસંગને શોભાવ્યો હતો. આ તકે તેમણે ઉનો મીંડા ગ્રુપની પ્રશંશા કરી સાથે ગામના મહિલાઓ સાથે પોતાના અનુભવોની વાત કરી અને મહિલા જાગૃતિ અને સશક્તિકરણ વિષે વાત કરી હતી.
તો આ તરફ પોલીસ અધિકારી દ્વારા મહિલાઓને સાયબર ક્રાઇમ,ઘરેલુ હિંસા સામે બચાવ વિશે માહિતગાર કર્યા હતા. તથા પોલીસ હેલ્પલાઈન 100, 112 અને 1930 વિશે જાગૃતતા આપી હતી.અને તાલુકા ડેવલપમેન્ટ અધિકારી દ્વારા સ્વછતા અભિયાન વિષે ખાસ યોજના અને સ્વછતા માટે ઝુંબેશ ઉપાડવા માટે પ્રોત્સાહિત કર્યા હતા. તથા સરકાર દ્વારા આપવામાં આવતી વિવિધ સેવાઓ તથા સબસીડી વિશેની માહિતી આપી હતી.
