હાઈલાઈટ્સ :
- ગાંધીનગર ખાતે રાજ્ય સરકારની કેબિનેટ બેઠક મળી
- બેઠકમાં મુખ્યમંત્રી ભૂપેન્દ્ર પટેલે લીધો શિક્ષણલક્ષી નિર્ણય
- ટૂંક સમયમાં TET-1,TET -2 ઉમેદવારોની પણ ભરતી પ્રક્રિયા થશે
- રાજ્યમાં માધ્યમિક શાળાઓમાં શિક્ષકોની કાયમી ભરતી થશે
મુખ્યમંત્રી ભૂપેન્દ્ર પટેલે બુધવારે યોજાયેલી રાજ્યની કેબિનેટ બેઠકમા શિક્ષણલક્ષી ઐતિહાસિક નિર્ણય કર્યો છે કે,TET-1 અને TET -2 ઉમેદવારોની પણ ભરતી પ્રક્રિયા ટૂંક સમયમાં હાથ ધરાશે.
મુખ્યમંત્રી ભૂપેન્દ્ર પટેલની અધ્યક્ષતામાં આજે ગાંધીનગર ખાતે મળેલી કેબિનેટ બેઠકમાં થયેલ ચર્ચા સંદર્ભે પ્રવક્તા મંત્રી ઋષિકેશ પટેલે જણાવ્યું હતુ કે,રાજ્યની માધ્યમિક અને ઉચ્ચતર માધ્યમિક સરકારી અને ગ્રાન્ટ-ઇન-એડ શાળાઓમાં આગામી ત્રણ મહિનામાં 7,500 જેટલા શિક્ષકોની કાયમી ભરતી કરાશે.
ઋષિકેશ પટેલે જણાવ્યુ કે રાજ્યની ગ્રાન્ટ-ઇન-એડ શાળાઓમાં TAT – SECONDARY અને TAT- HIGHER SECONDARY પાસ ઉમેદવારોની યોગ્યતાના આધારે કસોટી પ્રમાણે કાયમી ભરતી કરાશે.તેમણે વધુમાં કહ્યું કે, TET-1 અને TET-2 ઉમેદવારોની પણ ભરતી પ્રક્રિયા હાથ ટૂંક સમયમાં હાથ ધરવામાં આવશે.
વધુ વિગતો આપતા ઋષિકેશ પટેલે જણાવ્યું હતું કે,માધ્યમિક એટલે કે ઘોરણ-9 અને ઘોરણ-10ની સરકારી શાળામાં કુલ 500 અને ગ્રાન્ટ-ઇન-એડ શાળામાં 3,000 એમ કુલ 3500 TET-1 પાસ થયેલ ઉમેદવારોની ભરતી કરાશે.
