ભાજપે સોમવારે રાજ્યસભામાં ગૃહના નેતાના નામની જાહેરાત કરી છે. જેપી નડ્ડાને રાજ્યસભાના નેતા બનાવવામાં આવ્યા. નડ્ડા ભાજપના પ્રદેશ અધ્યક્ષ પણ છે. નવી સરકારમાં તેમને સ્વાસ્થ્ય મંત્રાલયની જવાબદારી પણ આપવામાં આવી છે.
- હાઈલાઈટ્સ :
- રાજ્યસભા સદનના નેતા બન્યા જેપી નડ્ડા
- ભાજપના રાષ્ટ્રીય પ્રમુખ જેપી નડ્ડા એ રાજ્યસભામાં પિયુષ ગોયલ નું સ્થાન લીધું
- રાજ્યસભાની વેબસાઈટ ઉપર જેપી નડ્ડાના નામની થઈ જાહેરાત
- કેન્દ્રીય આરોગ્ય મંત્રી ની સાથે રાજ્યસભા સદનના નેતાની પણ જવાબદારી
- હવે ગમે ત્યારે થઈ શકે છે રાષ્ટ્રીય અધ્યક્ષના નામની જાહેરાત
આ બીજી વખત છે જ્યારે નડ્ડાને આરોગ્ય મંત્રાલય આપવામાં આવ્યું છે. આ સિવાય તેમને કેમિકલ્સ અને ફર્ટિલાઇઝર મંત્રાલય પણ ફાળવવામાં આવ્યું હતું. અગાઉની મોદી સરકારમાં આ બંને મંત્રાલય મનસુખ માંડવિયા પાસે હતા. તેથી હવે તેમને રાજ્યસભાના નેતા બનાવવામાં આવ્યા છે. તમને જણાવી દઈએ કે આ પહેલા પીયૂષ ગોયલ ગૃહના નેતા હતા.
જેપી નડ્ડાએ મોદી સરકારના પ્રથમ કાર્યકાળમાં એટલે કે 2014માં આરોગ્ય મંત્રાલય સંભાળ્યું હતું. આ પછી, વર્ષ 2019 માં, તેમને ભાજપના કાર્યકારી અધ્યક્ષનું પદ આપવામાં આવ્યું. તેથી, જાન્યુઆરી 2020 માં અમિત શાહની કેન્દ્રીય ગૃહ પ્રધાન તરીકે નિમણૂક થયા પછી, નડ્ડાને સંપૂર્ણ પક્ષ પ્રમુખ બનાવવામાં આવ્યા હતા.
જે.પી.
નડ્ડાએ પોતાની રાજકીય કારકિર્દી રાષ્ટ્રીય સ્વયંસેવક સંઘ (RSS)ની વિદ્યાર્થી પાંખ અખિલ ભારતીય વિદ્યાર્થી પરિષદ (ABVP)થી શરૂ કરી હતી. 1991 માં, તેઓ ભારતીય જનતા યુવા મોરચા (BJYM) ના પ્રમુખ બન્યા, જે ભાજપની યુવા પાંખ છે. નડ્ડા પાસે કાયદાની ડિગ્રી છે.તેમણે બીજેપીમાં ઘણા મુખ્ય હોદ્દા સંભાળ્યા હતા અને ઘણા રાજ્યોમાં પાર્ટીના ચૂંટણી પ્રચારનું નેતૃત્વ પણ કર્યું હતું. નડ્ડાએ તેમના ગૃહ રાજ્ય હિમાચલ પ્રદેશમાં ભાજપ સરકારોમાં મંત્રી તરીકે પણ સેવા આપી છે. તેઓ 2012માં રાજ્યસભામાં ચૂંટાયા હતા અને જ્યારે 2014માં અમિત શાહ પાર્ટી અધ્યક્ષ બન્યા ત્યારે તેમને બીજેપી સંસદીય બોર્ડના સભ્ય બનાવવામાં આવ્યા હતા.
