હેડલાઈન :
- અમેરિકાની કેનેડા,ચીન અને મેક્સિકો પર ટેરિફ લાદવા જાહેરાત
- અમેરિકન રાષ્ટ્રપતિ ડોનાલ્ડ ટ્રમ્પની નીતિઓનો હવે ખુલ્લેઆમ વિરોધ
- કેનેડાએ વળતો પ્રહાર કરતા US ને વિજળી બંધ કરવા ચિમકી આપી
- કેનેડાના ઓન્ટારિયો પ્રાંતના પ્રીમિયર ડગ ફોર્ડે અમેરિકા પર વળતો પ્રહાર
- કેનેડાએ અમેરિકાને નિકલનો પુરવઠો બંધ કરવાની ધમકી પણ આપી
અમેરિકન રાષ્ટ્રપતિ ડોનાલ્ડ ટ્રમ્પની નીતિઓનો હવે ખુલ્લેઆમ વિરોધ થઈ રહ્યો છે.ટ્રમ્પને અમેરિકામાં પણ વિરોધનો સામનો કરવો પડી રહ્યો છે.ખાસ કરીને ટ્રમ્પ દ્વારા અમેરિકન અર્થતંત્રને પુનર્જીવિત કરવા માટે લેવામાં આવેલા ટેરિફ પગલાની અસર હવે અમેરિકા પર જ પડી રહી હોય તેવું લાગે છે.અમેરિકા આજે વિશ્વ શક્તિ હોવા છતાં તેણે જે રીતે ચીન,કેનેડા અને મેક્સિકો પર ટેરિફ લાદ્યા છે.આ દેશો હજુ પણ એ જ રીતે પ્રતિક્રિયા આપી રહ્યા છે.
દરમિયાન,કેનેડાના ઓન્ટારિયો પ્રાંતના પ્રીમિયર ડગ ફોર્ડે અમેરિકા પર જોરદાર વળતો પ્રહાર કર્યો છે.તેમણે અમેરિકાની વીજળી કાપી નાખવાની ધમકી આપી છે.કેનેડાના ઓન્ટારિયો પ્રાંતમાંથી અમેરિકાના ત્રણ રાજ્યોને વીજળી પૂરી પાડવામાં આવે છે.અમેરિકામાં મિનેસોટા,મિશિગન અને ન્યુ યોર્કમાં લગભગ 1.5 મિલિયન ઘરોને ઓન્ટારિયોથી વીજળી પૂરી પાડવામાં આવે છે.તેનો અર્થ એ કે કેનેડા અમેરિકાને વીજળીની નિકાસ કરે છે.આ ઉપરાંત કેનેડાએ નિકલનો પુરવઠો બંધ કરવાની ધમકી પણ આપી છે.
ટ્રમ્પ દ્વારા ટેરિફ લાદવામાં આવ્યા બાદ પ્રીમિયર ડગ ફોર્ડે ધમકી આપી હતી કે,અમે અમેરિકાનો ઉર્જા પુરવઠો કાપી શકીએ છીએ અને કહ્યું હતું કે કેનેડા તેના આર્થિક નુકસાનને રોકવા માટે તમામ વિકલ્પો પર વિચાર કરશે. કેનેડિયનોને નુકસાન થશે, પણ હું તમને એક વાતની ખાતરી આપી શકું છું, ફોર્ડે કહ્યું. અમેરિકનો પણ તેની અસર અનુભવશે, અને એ કમનસીબ બાબત છે. જોકે ડગ ફોર્ડે ટેરિફ લાદતા પહેલા જ વીજ પુરવઠો બંધ કરવાની ધમકી આપી હતી, પરંતુ તેની અમેરિકા પર કોઈ અસર થઈ ન હતી અને મંગળવારથી કેનેડા પર 25 ટકા ટેરિફ લાદવામાં આવ્યો છે.
