હેડલાઈન :
- તમિલનાડુના મુખ્યમંત્રી એમ.કે.સ્ટોલિનનો હિન્દી ભાષાનો વિરોધ
- કેન્દ્રીય ગૃહમંત્રી અમિત શાહે મુખ્યમંત્રી સ્ટાલિનને આપ્યો જવાબ
- નરેન્દ્ર મોદીની આગેવાની હેઠળની સરકારે ફેરફારો કર્યા : અમિત શાહ
- “વિદ્યાર્થી હિતમાં તમિલમાં એન્જિનિયરિંગ-મેડિકલ શિક્ષણ શરૂ કરવા અપીલ”
- “તમિલનાડુની સંસ્કૃતિ ભારતના સાંસ્કૃતિક પ્રવાહને મજબૂત બનાવવામાં ભૂમિકા”
કેન્દ્રીય ગૃહમંત્રી અમિત શાહે તમિલનાડુના મુખ્યમંત્રી એમ.કે.સ્ટાલિન પર વળતો પ્રહાર કર્યો.આ ઉપરાંત, તેમણે રાજ્યમાં તમિલમાં એન્જિનિયરિંગ અને મેડિકલ શિક્ષણ શરૂ કરવા પણ કહ્યું.ભાષાના મુદ્દા પર ખાસ કરીને સ્ટાલિનના હિન્દીના વિરોધ પર મુખ્યમંત્રી પર પ્રહાર કરતા શાહે કહ્યું કે નરેન્દ્ર મોદીની આગેવાની હેઠળની સરકારે ફેરફારો કર્યા છે અને હવે ખાતરી કરી છે કે સેન્ટ્રલ ઇન્ડસ્ટ્રિયલ સિક્યુરિટી ફોર્સના ઉમેદવારો તેમની સંબંધિત પ્રાદેશિક ભાષાઓમાં પરીક્ષા આપી શકશે.
ચેન્નાઈથી લગભગ 70 કિમી દૂર રાનીપેટમાં RTC ઠાકોલમ ખાતે CISF ના 56મા સ્થાપના દિવસ નિમિત્તે આયોજિત એક કાર્યક્રમને સંબોધતા ગૃહમંત્રીએ કહ્યું કે વડાપ્રધાન મોદીના નેતૃત્વ હેઠળની સરકારે ખાતરી કરી છે કે પરીક્ષામાં ઉત્તરવહી તમિલમાં પણ લખી શકાય.તેમણે કહ્યું, હું તમિલનાડુના મુખ્યમંત્રીને અપીલ કરું છું કે વિદ્યાર્થીઓના હિત માટે રાજ્યમાં તમિલમાં એન્જિનિયરિંગ અને મેડિકલ શિક્ષણ શરૂ કરવામાં આવે.
અમિત શાહે કહ્યું કે તમિલનાડુની સંસ્કૃતિએ ભારતના સાંસ્કૃતિક પ્રવાહને મજબૂત બનાવવામાં મહત્વપૂર્ણ ભૂમિકા ભજવી છે. અમિત શાહે એમ પણ કહ્યું,’વહીવટી સુધારા હોય,આધ્યાત્મિક ઊંચાઈ પ્રાપ્ત કરવી હોય, શિક્ષણ હોય કે રાષ્ટ્રની એકતા અને અખંડિતતા હોય,તમિલનાડુએ દરેક ક્ષેત્રમાં ભારતીય સંસ્કૃતિને મજબૂત બનાવી છે.’આ કાર્યક્રમમાં અર્ધલશ્કરી દળોના માર્ચ પાસ્ટ,યોગ પ્રદર્શન અને કમાન્ડો કામગીરી જોવા મળી હતી.
