હેડલાઈન :
- સમગ્ર ગુજરાતમાં આ વર્ષે ઉનાળો આકરો બનશે
- માર્ચ મહિનાના પ્રારંભે જ ગરમીનો પારો ઉંચકાયો
- ગુજરાતમાં માર્ચના બીજા સપ્તાહમાં ગરમી વધશે
- માર્ચ મહિનાના બીજા સપ્તાહમાં હીટવેવના અણસાર
- હવામાન વિભાગે ગુજરાત માટે આપ્યુ યલો એલર્ટ
- આજે 10 થી 13 માર્ચ સુધી રાજ્યમાં યલો એલર્ટ અપાયુ
રાજ્યમાં માર્ચ મહિનાના પ્રારંભે જ હીટવેવનો પ્રારંભ થઈ ચૂક્યો છે.હવામાન વિભાગે 10થી 13 માર્ચ સુધી રાજ્યના અલગ અલગ જિલ્લાઓમાં યલો એલર્ટ જાહેર કરી હીટવેવની આગાહી કરી છે.જ્યારે રાજકોટમાં તો તાપમાનનો પારો 41 ડિગ્રીને પાર પહોંચી ગયો છે.આજની જ વાત કરીએ તો 13 જિલ્લાઓમાં યલો એલર્ટ અપાયું છે.હવામાન નિષ્ણાત પરેશ ગોસ્વામીના મતે આ વર્ષે ગરમી તેના બધા રેકોર્ડ તોડે તેવી શક્યતાઓ છે.સૌરાષ્ટ્ર-કચ્છ અને દક્ષિણ ગુજરાતના સમુદ્ર કાંઠામાં પવનની ગતિમાં વધારો થતા 13 માર્ચ સુધી લોકો ગરમી અને ઉકાળાટનો અનુભવ કરશે.
હવામાનહવામાન નિષ્ણાત પરેશ ગોસ્વામીએ જણાવ્યું હતું કે,9 માર્ચ, 2025થી લઈને 13 માર્ચ, 2025 દરમિયાન રાજ્યની અંદર પવનની દિશા,ગતિ અને ઊંચા તાપમાનનો સામનો આપણે કરવો પડશે.છેલ્લા એક અઠવાડિયાથી પવનની જે ગતિ છે તે 9 કિ.મી. પ્રતિકલાકથી લઈને 13 કિ.મી. પ્રતિકલાક છે.જોકે 11 માર્ચ 2025થી પવનની ગતિમાં સામાન્ય વધારો થઈ શકે છે.પવનની સ્પીડ 18 કિ.મી. પ્રતિકલાકથી લઈને 22 કિ.મી. પ્રતિકલાક સુધી પહોંચી શકે.ખાસ કરીને પવનો હવે ઉત્તર-પશ્ચિમ દિશામાં ફૂંકાશે એટલે કે અરબ સાગર તરફથી પવનો ફૂંકાશે.આ પવનો ભેજવાળા હશે જેના કારણે સૌરાષ્ટ્ર-કચ્છ અને દક્ષિણ ગુજરાત કે જે દરિયાઈ કાંઠાના ભાગો છે એટલે કે સમુદ્રકિનારાથી 50 કિ.મી.થી લઈને 70 કિ.મી. સુધીના વિસ્તારમાં 13 માર્ચ, 2025 સુધી ગરમી, ઉકળાટ અને બફારાનું પ્રમાણ વધુ રહેશે.
હાલ રાજ્યની અંદર તાપમાન ઊંચું જવાનું છે જેના કારણે યલ્લો એલર્ટ જાહેર કરવામાં આવ્યું છે.રાજ્યની અંદર અનેક જગ્યાએ તાપમાન 40 ડિગ્રીને પાર જશે એવી શક્યતાઓ દેખાઈ રહી છે.માર્ચ મહિનાના બીજા અઠવાડિયાથી જ તાપમાનનું પ્રમાણ ઊંચું રહેશે. 2025માં ઉનાળાની અંદર આ પહેલાં હીટવેવનો રાઉન્ડ છે.આના જેવા જ આગામી સમયમાં અનેક હીટવેવના રાઉન્ડ આવશે.આ વર્ષે તાપમાન એકંદરે ઘણા બધા રેકોર્ડ તોડશે એવી શક્યતાઓ દેખાઈ રહી છે.
